ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਪੰਜਾਬ ਸਟੇਟ ਮਨਿਸਟਰੀਅਲ ਸਰਵਿਸਜ਼ ਯੂਨੀਅਨ ਵਲੋਂ ਸੂਬਾ ਕਮੇਟੀ ਦੀ ਕਾਲ ਤੇ ਪੰਜਾਬ ਭਰ ਦੇ ਦਫਤਰਾਂ ਦੇ ਬਾਹਰ ਅੱਜ ਮਿਤੀ 05-07-2021 ਨੂੰ ਪੇ-ਕਮੀਸ਼ਨ ਵਲੋਂ ਜਾਰੀ ਰਿਪੋਰਟ ਦੀਆਂ ਕਾਪੀਆਂ ਸਾੜੀਆਂ ਗਈਆਂ । ਇਸ ਜਿਲ੍ਹੇ ਵਿੱਚ ਇੱਕ ਰੋਸ ਰੈਲੀ ਇਰੀਗੇਸ਼ਨ ਕੰਪਲੈਕਸ ਵਿੱਚ ਕੀਤੀ ਗਈ, ਜਿਸ ਵਿੱਚ ਮਨਿਸਟਰੀਅਲ ਮੁਲਾਜ਼ਮਾਂ ਤੋਂ ਇਲਾਵਾ ਦਰਜ਼ਾ ਚਾਰ ਕਰਮਚਾਰੀਆਂ ਨੇ ਨਿਤੀਨ ਮਹਿਰਾ ਦੀ ਅਗਵਾਈ ਵਿੱਚ ਸ਼ਮੂਲੀਅਤ ਕੀਤੀ। ਮੁਲਾਜਮਾਂ ਵਲੋਂ ਪੇ-ਕਮਿਸ਼ਨ ਦੀਆਂ ਕਾਪੀਆਂ ਸਾੜੀਆਂ ਗਈਆਂ , ਇਸ ਮੌਕੇ ਤੇ ਜਿਲ੍ਹਾ ਪ੍ਰਧਾਨ ਅਨੀਰੁਧ ਮੋਦਗਿਲ, ਜਸਵੀਰ ਸਿੰਘ ਧਾਮੀ ਜਨਰਲ ਸਕੱਤਰ, ਨਿਤੀਨ ਮਹਿਰਾ ਪ੍ਰਧਾਨ ਦਰਜਾ ਚਾਰ, ਰਣਵੀਰ ਸਿੰਘ , ਲਖਵੀਰ ਸਿੰਘ, ਕਰਮਜੀਤ ਸਿੰਘ, ਹਰਭਜਨ ਕੌਰ, ਰੁਕਮਣੀ ਦੇਵੀ, ਵਿਨੈ ਕੁਮਾਰ, ਸੰਦੀਪ ਸੰਧੀ, ਰਮੇਸ਼ ਕੁਮਾਰ ਸੁਪਰਡੈਂਟ, ਰਾਜ ਕੁਮਾਰ, ਜੀਵਨ ਰਾਮ ਹਾਜ਼ਰ ਸਨ।
ਸ਼੍ਰੀ ਮੋਦਗਿਲ ਵਲੋਂ ਕਿਹਾ ਗਿਆ ਕਿ ਕੱਲ੍ਹ ਮਿਤੀ 06-07-2021 ਨੂੰ ਸਿਵਲ ਸਰਜਨ ਦਫਤਰ ਦੇ ਬਾਹਰ ਪੇ-ਕਮੀਸ਼ਨ ਰਿਪੋਰਟ ਦੀਆਂ ਕਾਪੀਆਂ ਸਾੜੀਆਂ ਜਾਣਗੀਆਂ ਅਤੇ ਮਿਤੀ 07-07-2021 ਨੂੰ ਸਾਰੇ ਮਨਿਸਟਰੀਅਲ ਮੁਲਾਜ਼ਮ ਇੱਕ ਮੋਟਰਸਾਈਕਲ/ਸਕੂਟਰ ਮਾਰਚ ਕਾਲੇ ਝੰਡੇ ਲਾ ਕੇ ਕਰਨਗੇ।
