ਹਰਿਆਣਾ(ਦ ਸਟੈਲਰ ਨਿਊਜ਼)। ਇਕਬਾਲ ਸਿੰਘ ਪ੍ਰਧਾਨ ਨਗਰ ਕੌਂਸਲ ਹਰਿਆਣਾ ਵੱਲੋਂ ਆਪਣੇ ਸਾਥੀ ਨਗਰ ਕੌਂਸਲ ਮੈਂਬਰਾਂ ਦੀ ਹਾਜ਼ਰੀ ਵਿੱਚ ਪ੍ਰਧਾਨਗੀ ਪੱਦ ਤੋਂ ਅਸਤੀਫਾ ਸਿਮਰਨ ਸਿੰਘ ਢੀਡਸਾ ਈਓ ਨਗਰ ਕੌਂਸਲ ਹਰਿਆਣਾ ਨੂੰ ਦੇ ਦਿੱਤਾ ਗਿਆ ਹੈ। ਇਸ ਮੌਕੇ ਇਕਬਾਲ ਸਿੰਘ ਨੇ ਕਿਹਾ ਕਿ ਉਸਦੀ ਅਗੁਵਾਈ ਹੇਠ ਪਿਛਲੇ ਸਮੇਂ ਤੋ ਕਾਂਗਰਸ ਸਰਕਾਰ ਦੀ ਮੌਜ਼ੂਦਗੀ ਵਿੱਚ ਕਸਬਾ ਹਰਿਆਣਾ ਵਿਖੇ ਬੇਤਹਾਸ਼ਾ ਵਿਕਾਸ ਹੋਇਆ।
ਜਿਸਦਾ ਸਿਹਰਾ ਪਵਨ ਕੁਮਾਰ ਆਦੀਆ ਸਾਬਕਾ ਵਿਧਾਇਕ ਨੂੰ ਜਾਂਦਾ ਹੈ ਪਰ ਪਿਛਲੇ ਇੱਕ ਸਾਲ ਤੋਂ ਨਗਰ ਕੌਂਸਲ ਹਰਿਆਣਾ ਵਿਖੇ ਸਿਲਸੇਵਾਰ ਮੀਟਿੰਗਾਂ ਨਾ ਹੋਣ ਦੇ ਕਾਰਣ ਸ਼ਹਿਰ ਦਾ ਵਿਕਾਸ ਰੁਕਿਆ ਹੋਇਆ ਹੈ। ਜਿਸਦੇ ਮੱਦੇਨਜ਼ਰ ਉਸ ਵੱਲੋ ਸਾਥੀ ਐਮਸੀ ਸਹਿਯੋਗੀਆ ਦੀ ਸਲਾਹ ਨਾਲ ਸ਼ਹਿਰ ਅੰਦਰ ਵਿਕਾਸ ਦੇ ਹਿੱਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪ੍ਰਧਾਨਗੀ ਤੋਂ ਅਸਤੀਫਾ ਦਿੱਤਾ ਗਿਆ ਹੈ। ਇਸ ਮੌਕੇ ਗੁਰਦੇਵ ਕੌਰ, ਸ਼ਸ਼ੀ ਕੁਮਾਰ ਤੇ ਰਚਨਾ ਹਾਜ਼ਿਰ ਸਨ।