ਮਾਹਿਲਪੁਰ (ਦ ਸਟੈਲਰ ਨਿਊਜ਼)। ਤਨੀਸ਼ਾ ਵਿੱਦਿਅਕ ਟਰੱਸਟ ਈਸਪੁਰ ਵਲੋਂ ਸਰਪ੍ਰਸਤ ਲਾਲ ਚੰਦ ਦੀ ਅਗਵਾਈ ਹੇਠ ਸਗਲੀ ਰਾਮ ਸੱਗੀ, ਮੈਡਮ ਕਮਲਜੀਤ ਕੌਰ, ਨਿਰਮਲ ਸਿੰਘ, ਹਰਿੰਦਰ ਕੁਮਾਰ, ਸਾਬੀ ਈਸਪੁਰੀ ਵਲੋਂ ਹਾਇਕੂ ਸੰਸਾਰ ਲੜੀ 2 ਰਿਲੀਜ਼ ਕੀਤਾ ਗਿਆ। ਇਸ ਮੌਕੇ ਇਲਾਕੇ ਦੇ ਹਾਇਕੂਕਾਰਾਂ ਨੇ ਭਾਗ ਲਿਆ।
ਹਾਇਕੂਕਾਰ ਸਗਲੀ ਰਾਮ ਸੱਗੀ ਨੇ ਕਿਹਾ ਕਿ ਹਾਇਕੂ ਬੇਸ਼ੱਕ ਜਾਪਾਨੀ ਕਾਵਿ ਵਿਧਾ ਹੈ ਪਰ ਪੰਜਾਬੀ ਸਾਹਿਤਕਾਰ ਇਸ ਨੂੰ ਬੜੀ ਤੇਜ਼ੀ ਨਾਲ ਅਪਣਾ ਰਹੇ ਨੇ ਤੇ ਵਧੀਆ ਹਾਇਕੂ ਪੜੇ ਤੇ ਲਿਖੇ ਜਾ ਰਹੇ ਨੇ ਜੋ ਸਾਡੇ ਲਈ ਮਾਣ ਵਾਲੀ ਗੱਲ ਹੈ।
ਸਾਬੀ ਈਸਪੁਰੀ ਨੇ ਹਾਇਕੂ ਦੀਆਂ ਵਿਧੀਆਂ ਤੇ ਬਰੀਕੀਆਂ ਬਾਰੇ ਵਿਸਥਾਰ ਪੂਰਵਕ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ ਤ੍ਰੈਮਾਸਿਕ ਹਾਇਕੂ ਪੁਸਤਕ ਲੜੀ ”ਹਾਇਕੂ ਸੰਸਾਰ ” ਹਾਇਕੂ ਦੇ ਵਿਸਥਾਰ ਤੇ ਵਿਸ਼ਾਲਤਾ ਵਿਚ ਆਪਣਾ ਭਰਪੂਰ ਯੋਗਦਾਨ ਪਵੇਗਾ।