ਫਿਰੋਜ਼ਪੁਰ (ਦ ਸਟੈਲਰ ਨਿਊਜ਼)। ਸੂਬਾ ਜਥੇਬੰਦੀ ਪੰਜਾਬ ਦੀ ਕਾਲ ਤੇ ਸਿਹਤ ਵਿਭਾਗ ਜ਼ਿਲ੍ਹਾ ਫਿਰੋ਼ਜਪੁਰ ਦੇ ਮਨਿਸਟੀਰੀਅਲ ਕਾਮਿਆ ਵੱਲੋ ਜ਼ਿਲ੍ਹਾ ਹੈਡ ਕੁਆਟਰ ਤੇ ਸ਼੍ਰੀ ਪਰਮਵੀਰ ਮੌਗਾ, ਜ਼ਿਲ੍ਹਾ ਪ੍ਰਧਾਨ ਦੀ ਅਗਵਾਈ ਵਿੱਚ ਪੰਜਾਬ ਸਰਕਾਰ ਦੇ ਪ੍ਰੋਸਨਲ ਵਿਭਾਗ ਵੱਲੋ ਮਿਤੀ 13-01-2021 ਨੂੰ ਜ਼ਾਰੀ ਕੀਤੇ ਪੱਤਰ ਜਿਸ ਵਿੱਚ ਸਿਹਤ ਵਿਭਾਗ ਅਤੇ ਮੈਡੀਕਲ ਸਿੱਖਿਆ ਵਿਭਾਗ ਦੀ ਵੰਡ ਕਰਦੇ ਹੋਏ ਕਾਮਨ ਕਾਡਰ ਦੀਆ ਕਲੈਰੀਕਲ/ਪੈਰਾ ਮੈਡੀਕਲ/ਨਰਸਿੰਗ/ਦਰਜਾ/4 ਆਦਿ ਵਰਗ ਦੀਆ ਅਸਾਮੀਆ ਦੇ ਕਾਡਰ ਨੂੰ ਵੱਖ ਵੱਖ ਕਰਨ ਦਾ ਮੁਲਾਜ਼ਮ ਮਾਰੂ ਫੈਸਲਾ ਲਿਆ ਗਿਆ ਹੈ। ਜ਼ਿਲ੍ਹਾ ਜੱਥੇਬੰਦੀ ਇਸਦੀ ਸਖਤ ਸ਼ਬਦਾ ਵਿੱਚ ਨਿੰਦਾ ਕਰਦੇ ਹੋਏ ਸਰਕਾਰ ਦੇ ਮੁਲਾਜ਼ਮ ਮਾਰੂ ਫੈਸਲੈ ਨੂੰ ਰੱਦ ਕਰਦੀ ਹੈ।
ਇਸ ਸਬੰਧੀ ਮੌਕੇ ਤੇ ਵਿਪਨ ਸ਼ਰਮਾ ਜਨਰਲ ਸਕੱਤਰ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕਾਡਰ ਵੱਖ ਕਰਨ ਨਾਲ ਹਜਾਰਾ ਮੁਲਾਜ਼ਮਾ ਦੇ ਹਿੱਤ ਨੁਕਸਾਨੇ ਜਾਣਗੇ ਅਤੇ ਹਜਾਰਾ ਕਰਮਚਾਰੀਆਂ ਨੂੰ ਪ੍ਰਮੋਸ਼ਨ ਤੋ ਵਾਝਾ ਕਰ ਦਿੱਤਾ ਜਾਵੇਗਾ । ਪੰਜਾਬ ਸਰਕਾਰ ਵੱਲੋ ਸ਼ੁਰੂ ਤੋ ਚੱਲ ਰਹੇ ਸਿਹਤ ਵਿਭਾਗ ਅਤੇ ਮੈਡੀਕਲ ਸਿੱਖਿਆ ਵਿਭਾਗ ਦੇ ਕਾਮਨ ਕਾਡਰ ਨੂੰ ਵੱਖ ਕਰਕੇ ਮੁਲਾ਼ਜਮਾ ਵਿੱਚ ਆਪਸੀ ਪਾੜਾ ਪਾਉਣ ਦੀ ਸਾਜਿਸ਼ ਰੱਚੀ ਜਾਂ ਰਹੀ ਹੈ ਜੋ ਕਿ ਕਿਸੇ ਵੀ ਹਾਲਤ ਵਿੱਚ ਬਰਦਾਸ਼ਤ ਨਹੀ ਕੀਤੀ ਜਾਵੇਗੀ । ਪਰਮਵੀਰ ਮੋਗਾ ਪ੍ਰਧਾਨ ਨੇ ਅੱਗੇ ਦੱਸਿਆ ਕਿ ਅੱਜ ਵੀ ਕੇਦਰ ਸਰਕਾਰ ਅਤੇ ਕੇਦਰ ਸ਼ਾਸਤ ਪ੍ਰਦੇਸ਼ਾ ਅਤੇ ਕਈ ਰਾਜਾ ਵਿੱਚ ਸਿਹਤ ਸੇਵਾਵਾਂ ਪ੍ਰਸ਼ਾਸਨ ਦਾ ਪੂਰਾ ਕੰਟਰੋਲ ਸਿਹਤ ਵਿਭਾਗ ਕੋਲ ਹੈ ਇਸ ਲਈ ਜੱਥੇਬੰਦੀ ਇਹ ਮੰਗ ਕਰਦੀ ਹੈ ਕਿ ਸਿਹਤ ਵਿਭਾਗ ਅਤੇ ਮੈਡੀਕਲ ਸਿੱਖਿਆ ਅਤੇ ਖੋਜ਼ ਵਿਭਾਗ ਨੂੰ ਫਿਰ ਤੋ ਇੱਕਠਾ ਕੀਤਾ ਜਾਵੇ ਕਿਉ ਜੋ ਦੋਵੇ ਵਿੰਗ ਨੌਹ ਮਾਸ ਦੇ ਰਿਸ਼ਤੇ ਵਾਗ ਪੂਰੀ ਤਰਾ ਨਿਰਭਰ ਕਰਦੇ ਹਨ।
ਜੇਕਰ ਸਰਕਾਰ ਵੱਲੋ ਕੇਡਰ ਵੱਖ ਕਰਨ ਸਬੰਧੀ ਫੈਸਲੇ ਨੂੰ ਵਾਪਸ ਨਾ ਲਿਆ ਗਿਆ ਤਾ ਮਜਬੂਰਨ ਵੰਸ਼ ਜਥੇਬੰਦੀ ਆਉਣ ਵਾਲੇ ਦਿਨਾਂ ਵਿੱਚ ਹੋਰ ਤਿੱਖਾ ਕਰੇਗੀ। ਇਸ ਸਬੰਧੀ ਮੁੱਖ ਮੰਤਰੀ ਪੰਜਾਬ ਦੇ ਨਾਂ ਤੇ ਮੈਮੋਰੰਡਮ ਸਿਵਲ ਸਰਜਨ,ਫਿਰੋਜ਼ਪੁਰ ਡਾ: ਰਜਿੰਦਰ ਰਾਜ ਨੂੰ ਦਿੱਤਾ ਗਿਆ। ਇਸ ਮੌਕੇ ਤੇ ਸ਼੍ਰੀਮਤੀ ਰਵੀਕਾਂਤਾ, ਮਨਜੀਤ ਕੌਰ,ਤਿ੍ਰਪਤੀਬਾਲਾ,ਵਿਕਾਸ ਕਾਲੜਾ, ਮੁੱਖਾ ਕੁਮਾਰ, ਸੁਰਿੰਦਰਪਾਲ ਸੁਲਾ,ਚਰਨਜੀਤ ਸਿੰਘ, ਵਿਕਟਰ,ਦਲਜੀਤ ਕੌਰ,ਸੰਜੀਵ ਬਹਿਲ,ਸੁਿਰੰਦਰਪਾਲ ਕੌਰ, ਬੀਰਇੰਦਰ ਸਿੰਘ , ਮੋਹਿਤ ਭਟੇਜ਼ਾ, ਜਤਿੰਦਰ ਕੁਮਾਰ, ਖਿਮਾ ਸ਼ਰਮਾ,ਸੁਖਜੀਤ ਕੌਰ ਅਤੇ ਸੁਖਚੈਨ ਸਿੰਘ ਆਦਿ ਆਗੂ ਹਾਜ਼ਰ ਸਨ ।
