ਰੋਪੜ ( ਦ ਸਟੈਲਰ ਨਿਊਜ਼), ਰਿਪੋਰਟ: ਜੋਤੀ ਗੰਗੜ੍ਹ। ਰੋਪੜ ਦੀ ਰਹਿਣ ਵਾਲੀ 7 ਸਾਲ 10 ਮਹੀਨੇ ਦੀ ਸਾਨਵੀ ਨੇ ਛੋਟੀ ਜਿਹੀ ਉਮਰ ਵਿੱਚ ਪਹਾੜ ਵਰਗਾਂ ਹੌਸਲਾ ਵਧਾ ਕੇ ਦੁਨੀਆਂ ਦੀ ਸਭ ਤੋਂ ਉਚੀ ਚੋਟੀ ਮਾਊਟ ਐਵਰੇਸਟ ਦੇ ਬੇਸ ਕੈਪ ਤੱਕ ਪਹੁੰਚ ਕੇ ਵੱਡੀ ਮਿਸਾਲ ਪੇਸ਼ ਕੀਤੀ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ, ਸਾਨਵੀ 9 ਦਿਨ ਵਿੱਚ ਕੈਂਪ ਤੱਕ ਪਹੁੰਚੀ ਅਤੇ ਉਸਦੇ ਨਾਲ ਪਿਤਾ ਦੀਪਕ ਸੂਦ ਵੀ ਮੌਜ਼ੂਦ ਸਨ। ਸਾਨਵੀ ਮੌਹਾਲੀ ਦੇ ਯਾਦਵਿੰਦਰਾਂ ਸਕੂਲ ਵਿੱਚ ਦੂਸਰੀ ਕਲਾਸ ਵਿੱਚ ਪੜ੍ਹ ਰਹੀ ਹੈ।
ਸਾਨਵੀ ਦੇ ਪਿਤਾ ਨੇ ਦੱਸਿਆਂ ਕਿ ਉਹਨਾਂ ਨੂੰ ਟ੍ਰੈਕਿੰਗ ਦੋਰਾਨ ਬਹੁਤ ਮੁਸ਼ਕਲਾਂ ਦਾ ਸਾਹਮਣਾਂ ਕਰਨਾ ਪਿਆ ਪਰ ਫਿਰ ਵੀ ਉਸਦਾ ਅਤੇ ਉਸਦੀ ਬੇਟੀ ਦਾ ਹੌਸਲਾ ਨਹੀਂ ਟੁੱਟਿਆਂ। ਉਹਨਾਂ ਨੂੰ ਸਿਰਫ 65 ਪ੍ਰਤੀਸ਼ਤ ਆਕਸੀਜਨ ਮਿਲਦੀ ਸੀ ਅਤੇ ਸਾਹ ਲੈਣ ਵਿੱਚ ਪਰੇਸ਼ਾਨੀ ਹੁੰਦੀ ਸੀ। ਇਸਤੋਂ ਇਲਾਵਾ ਸਾਨਵੀ ਦੇ ਪਿਤਾ ਨੇ ਦੱਸਿਆਂ ਕਿ ਉਸਨੇ ਐਵਰੇਸਟ ਵਿੱਚ ਜਾਣ ਤੋਂ ਪਹਿਲਾ ਸਾਨਵੀ ਨੂੰ ਘਰ ਵਿੱਚ ਹੀ ਸਾਈਕਲਿੰਗ, ਯੋਗਾ ਅਤੇ ਐਕਸਰਸਾਈਜ਼ ਸਿਖਾਈ। ਉਹਨਾਂ ਕਿਹਾ ਕਿ ਲੜ੍ਹਕੀਆਂ ਕਿਸੇ ਨਾਲੋਂ ਘੱਟ ਨਹੀਂ ਹਨ।
