ਦਿੱਲੀ( ਦ ਸਟੈਲਰ ਨਿਊਜ਼), ਰਿਪੋਰਟ: ਜੋਤੀ। ਸੋਸ਼ਲ ਮੀਡੀਆ ਪਲੇਟਫਾਰਮ ਫੇਸਬੁੱਕ ਦੀ ਹੋਲਡਿੰਗ ਕੰਪਨੀ ਦਾ ਨਾਂ ਬਦਲ ਗਿਆ ਹੈ। ਹੁਣ ਇਸ ਨੂੰ ‘ਮੈਟਾ’ (Meta) ਵਜੋਂ ਜਾਣਿਆ ਜਾਵੇਗਾ। ਕੰਪਨੀ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਮਾਰਕ ਜ਼ੁਕਰਬਰਗ ਨੇ ਵੀਰਵਾਰ ਨੂੰ ਕੰਪਨੀ ਦੇ ਸਾਲਾਨਾ ਪ੍ਰੋਗਰਾਮ ‘ਚ ਇਸ ਗੱਲ ਦਾ ਐਲਾਨ ਕੀਤਾ। ਜ਼ੁਕਰਬਰਗ ਨੇ ਫੇਸਬੁੱਕ ਦੇ ਸਾਲਾਨਾ ਸੰਮੇਲਨ ‘ਚ ਇਸ ਗੱਲ ਦੀ ਘੋਸ਼ਣਾ ਕੀਤੀ, ਜਿੱਥੇ ਉਨ੍ਹਾਂ ਨੇ ਮੈਟਾਵਰਸ ਲਈ ਆਪਣੇ ਵਿਜ਼ਨ ਬਾਰੇ ਵੀ ਗੱਲ ਕੀਤੀ।
ਜ਼ੁਕਰਬਰਗ ਨੇ ਕਿਹਾ ਕਿ ਸਾਡੇ ਉੱਪਰ ਇੱਕ ਡਿਜੀਟਲ ਦੁਨੀਆ ਬਣੀ ਹੋਈ ਹੈ, ਜਿਸ ਵਿੱਚ ਵਰਚੁਅਲ ਰਿਐਲਿਟੀ ਹੈੱਡਸੈੱਟ ਅਤੇ ਏ.ਆਈ. ਸਾਡਾ ਮੰਨਣਾ ਹੈ ਕਿ ਮੈਟਾਵਰਸ ਮੋਬਾਈਲ ਇੰਟਰਨੈਟ ਦੀ ਥਾਂ ਲੈ ਲਵੇਗਾ। ਨਵੀਂ ਹੋਲਡਿੰਗ ਕੰਪਨੀ ਮੈਟਾ ਫੇਸਬੁੱਕ, ਇਸਦੀ ਸਭ ਤੋਂ ਵੱਡੀ ਸਹਾਇਕ ਕੰਪਨੀ ਦੇ ਨਾਲ-ਨਾਲ ਇੰਸਟਾਗ੍ਰਾਮ, ਵਟਸਐਪ ਅਤੇ ਵਰਚੁਅਲ ਰਿਐਲਿਟੀ ਬ੍ਰਾਂਡ ਓਕੁਲਸ ਵਰਗੀਆਂ ਐਪਾਂ ਨੂੰ ਸ਼ਾਮਲ ਕਰੇਗੀ। ਨਾਮ ਬਦਲਣ ਨਾਲ ਕੰਪਨੀ ਵਿੱਚ ਰੁਜ਼ਗਾਰ ਦੇ ਮੌਕੇ ਵੀ ਵਧਣ ਵਾਲੇ ਹਨ। ਕੰਪਨੀ ਨੇ ਘੋਸ਼ਣਾ ਕੀਤੀ ਕਿ ਇਸਨੂੰ ਮੈਟਾਵਰਸ ਲਈ ਹਜ਼ਾਰਾਂ ਲੋਕਾਂ ਦੀ ਲੋੜ ਹੈ। ਫਿਲਹਾਲ ਕੰਪਨੀ 10 ਹਜ਼ਾਰ ਲੋਕਾਂ ਨੂੰ ਰੋਜ਼ਗਾਰ ਦੇਣ ਦੀ ਤਿਆਰੀ ਕਰ ਰਹੀ ਹੈ।
