ਕਪੂਰਥਲਾ (ਦ ਸਟੈਲਰ ਨਿਊਜ਼) ਰਿਪੋਰਟ: ਗੌਰਵ ਮੜੀਆ। ਮੁੱਖਮੰਤਰੀ ਭਗਵੰਤ ਮਾਨ ਦੀਆਂ ਹਿਦਾਇਤਾਂ ਦੇ ਅਨੁਸਾਰ ਆਮ ਜਨਤਾ ਦੇ ਸਾਹਮਣੇ ਆ ਰਹੀਆਂ ਮੁਸ਼ਕਲਾਂ ਨੂੰ ਖਤਮ ਕਰਣ ਅਤੇ ਸਰਕਾਰੀ ਕਰਮਚਾਰੀਆਂ ਵਲੋਂ ਲੋਕਾਂ ਨੂੰ ਹਰ ਪ੍ਰਕਾਰ ਦੀਆਂ ਸਹੂਲਤਾਂ ਪ੍ਰਦਾਨ ਕਰਣ ਸਬੰਧੀ ਵਿਧਾਨਸਭਾ ਹਲਕਾ ਕਪੂਰਥਲਾ ਦੇ ਆਮ ਆਦਮੀ ਪਾਰਟੀ ਦੇ ਆਗੂਆਂ ਦੇ ਇੱਕ ਪ੍ਰਤਿਨਿੱਧੀਮੰਡਲ ਨੇ ਜ਼ਿਲ੍ਹਾ ਪ੍ਰਧਾਨ ਗੁਰਪਾਲ ਸਿੰਘ ਇੰਡੀਅਨ ਦੀ ਅਗਵਾਈ ਵਿੱਚ ਕਪੂਰਥਲਾਦੇ ਸਰਕਾਰੀ ਹਸਪਤਾਲ ਦਾ ਦੌਰਾ ਕੀਤਾ ਕੀਤਾ। ਇਸ ਦੌਰਾਨ ਆਪ ਆਗੂਆਂ ਨੇ ਹਸਪਤਾਲ ਵਿੱਚ ਦਾਖਲ ਮਰੀਜਾਂ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਤੋਂ ਹਸਪਤਾਲ ਦੀਆਂ ਸਹੂਲਤਾਂ ਸਬੰਧੀ ਫੀਡਬੈਕ ਲਿਆ।ਇਸਦੇ ਬਾਅਦ ਉਨ੍ਹਾਂਨੇ ਹਸਪਤਾਲ ਦੇ ਡਾਕਟਰਾਂ ਦੇ ਨਾਲ ਇੱਕ ਬੈਠਕ ਕਰਕੇ ਉਨ੍ਹਾਂ ਤੋਂ ਹਸਪਤਾਲ ਦੀਆਂ ਕਮੀਆਂ ਸਬੰਧੀ ਜਾਣਕਾਰੀ ਹਾਸਲ ਕੀਤੀ।
ਇਸ ਦੌਰਾਨ ਆਪ ਆਗੂਆਂ ਨੇ ਸਿਹਤ ਅਫਸਰਾਂ ਨੂੰ ਅਪੀਲ ਕਰਦੇ ਹੋਏ ਕਿਹਾ ਮਰੀਜਾਂ ਦਾ ਇਲਾਜ ਕਰਣ ਲਈ ਹਰ ਸੰਭਵ ਸਹਾਇਤਾ ਕਿ ਜਾਵੇ ਅਤੇ ਉਨ੍ਹਾਂਨੂੰ ਕੋਈ ਪਰੇਸ਼ਾਨੀ ਨਹੀਂ ਆਉਣ ਦਿੱਤੀ ਜਾਵੇ। ਇਸ ਦੌਰਾਨ ਗੁਰਪਾਲ ਸਿੰਘ ਇੰਡੀਅਨ ਨੇ ਬੈਠਕ ਵਿੱਚ ਕਿਹਾ ਕਿ ਡਾਕਟਰ ਮਰੀਜਾਂ ਦੇ ਨਾਲ ਪਰਵਾਰਿਕ ਮਾਹੌਲ ਬਣਾਉਣ ਅਤੇ ਪ੍ਰਾਇਵੇਟ ਪਰੈਕਟਿਸ ਨਾ ਕਰਦੇ ਹੋਏ ਆਪਣੀ ਡਿਊਟੀ ਨਿਭਾਉਣ।ਉਨ੍ਹਾਂਨੇ ਕਿਹਾ ਕਿ ਸਾਡੀ ਸਰਕਾਰ ਨੇ ਪੰਜਾਬ ਦੇ ਸਾਰੇ ਸਰਕਾਰੀ ਹਸਪਤਾਲਾਂ ਵਿੱਚ ਦਵਾਈਆਂ ਦੀ ਸਪਲਾਈ ਵਧਾ ਦਿੱਤੀ ਹੈ ਅਤੇ ਮਰੀਜਾਂ ਨੂੰ ਹਰ ਪ੍ਰਕਾਰ ਦੀਆਂ ਸੁਵਿਧਾਵਾਂ ਮੁਹਈਆ ਕਰਵਾਉਣ ਦੇ ਨਿਰਦੇਸ਼ ਜਾਰੀ ਕਰ ਦਿੱਤੇ ਹਨ। ਇੰਡੀਅਨ ਨੇ ਲੋਕਾਂ ਨਾਲ ਗੱਲਬਾਤ ਕਰਦੇ ਹੋਏ ਉਨ੍ਹਾਂਨੂੰ ਭਰੋਸਾ ਦਿਵਾਇਆ ਕਿ ਹਸਪਤਾਲ ਸਟਾਫ ਸਮੇਤ ਹੋਰ ਕਮੀਆਂ ਨੂੰ ਛੇਤੀ ਹੀ ਪੂਰਾ ਕਰਕੇ ਲੋਕਾਂ ਨੂੰ ਵਧੀਆ ਸਿਹਤ ਸੁਵਿਧਾਵਾਂ ਉਪਲੱਬਧ ਕਰਵਾਈ ਜਾਣਗੀਆਂ।ਉਨ੍ਹਾਂਨੇ ਸਰਕਾਰ ਦੀਆਂ ਲੋਕ ਭਲਾਈ ਯੋਜਨਾਵਾਂ ਨੂੰ ਜ਼ਮੀਨੀ ਪੱਧਰ ਤੇ ਅਤੇ ਯੋਗ ਲਾਭਪਾਤਰੀਆਂ ਤੱਕ ਪਹੁੰਚਾਉਣ ਲਈ ਕਿਹਾ। ਉਨ੍ਹਾਂਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਵਧੀਆ ਅਤੇ ਭ੍ਰਿਸ਼ਟਾਚਾਰ ਮੁਕਤ ਮਾਹੌਲ ਪ੍ਰਦਾਨ ਕਰਣਾ ਹੈ,ਜਿਸਦੇ ਲਈ ਸਰਕਾਰ ਵਲੋਂ ਪਹਿਲੇ ਦਿਨ ਤੋਂ ਹੀ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ।ਸਰਕਾਰ ਸੂਬੇ ਦੇ ਨੌਜਵਾਨਾਂ ਲਈ ਰੋਜ਼ਗਾਰ ਦੇ ਮੌਕੇ ਪੈਦਾ ਕਰੇਗੀ ਅਤੇ ਆਧੁਨਿਕ ਸਹੂਲਤਾਂ ਨਾਲ ਲੈਸ ਸਕੂਲ ਅਤੇ ਹਸਪਤਾਲ ਸਥਾਪਤ ਕਰੇਗੀ ਤਾਂਕਿ ਸੂਬਾ ਵਾਸੀਆਂ ਨੂੰ ਵਧੀਆ ਸਿੱਖਿਆ ਅਤੇ ਸਿਹਤ ਸੁਵਿਧਾਵਾਂ ਉਪਲੱਬਧ ਹੋ ਸਕਣ।ਇਸ ਮੌਕੇ ਤੇ ਐਸਐਮਓ ਡਾ. ਸੰਦੀਪ ਧਵਨ,ਡਾ,ਸਿੱਮੀ,ਡਾ.ਸੰਦੀਪ ਭੋਲਾ,ਡਾ.ਪਰਮਿੰਦਰ,ਡਾ ਅਕਾਸ਼ਦੀਪ ਸਿੰਘ ਸੋਹੀ,ਡਾ.ਅਮਰਜੀਤ,ਡਾ.ਭੱਟੀ, ਡਾ.ਹਰਪ੍ਰੀਤ ਸਿੰਘ ਮੋਮੀ,ਡਾ.ਜਸਵਿੰਦਰ,ਡਾ,ਅੰਨੂਪ੍ਰਿਯਾ,ਡਾ.ਰਾਵਜੀਤ ਸਿੰਘ,ਡਾ,ਆਸ਼ਬੀਰ ਕੌਰ,ਡਾ.ਜਸਕੀਰਤ, ਮਨੋਰਟੀ ਵਿੰਗ ਪਦੇਸ਼ ਉਪਪ੍ਰਧਾਨ ਬਲਵਿੰਦਰ ਸਿੰਘ,ਹਲਕਾ ਐਸਸੀ ਵਿੰਗ ਕੋਡਿਨੇਟਰ ਅਨਮੋਲ ਕੁਮਾਰ,ਸ਼ੋਸ਼ਲ ਮਿਡਿਆ ਇੰਚਾਰਜ ਵਿਕਾਸ ਮੋਮੀ,ਸਿਮਰਪ੍ਰੀਤ ਬਾਵਾ,ਸੀਨੀਅਰ ਆਗੂ ਬਲਬੀਰ ਰਾਣਾ,ਵਪਾਰ ਮੰਡਲ ਦੇ ਹਲਕਾ ਇੰਚਾਰਜ ਅਵਤਾਰ ਸਿੰਘ ਥਿੰਦ,ਰਾਜਵਿੰਦਰ ਸਿੰਘ ਧੰਨਾ,ਯੂਥ ਵਿੰਗ ਦੇ ਵੀਰਕਮਾਲਜੀਤ ਸਿੰਘ,ਕੁਲਵਿੰਦਰ ਸਿੰਘ ਚਾਹਲ,ਮੱਖਣ ਸਿੰਘ ਗਿੱਲ,ਸੰਦੀਪ ਸਿੰਘ,ਬਰਿੰਦਰ ਸਿੰਘ ਕਿੰਦਾ,ਯੂਥ ਵਿੰਗ ਦੇ ਸੁਰਜੀਤ ਸਿੰਘ ਵਿੱਕੀ ਆਦਿ ਮੌਜੂਦ ਸਨ।
