ਹਰਦਾ (ਦ ਸਟੈਲਰ ਨਿਊਜ਼), ਰਿਪੋਰਟ: ਜੋਤੀ ਗੰਗੜ੍ਹ। ਹਰਦਾ ਜ਼ਿਲ੍ਹੇ ਦੇ ਰਹਿਣ ਵਾਲੇ ਇੱਕ ਮੁਸਲਿਮ ਭਰਾ ਨੇ ਆਪਣਾ ਵਰਤ ਤੋੜ ਕੇ ਇਕ ਹਿੰਦੂ ਭੈਣ ਨੂੰ ਖੂਨ ਦੇ ਕੇ ਉਸਦੀ ਜਾਨ ਬਚਾ ਲਈ । ਉਨ੍ਹਾਂ ਦੇ ਇਸ ਕਦਮ ਦੀ ਜ਼ਿਲ੍ਹੇ ਵਿੱਚ ਹਰ ਪਾਸੇ ਸ਼ਲਾਘਾ ਹੋ ਰਹੀ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ, ਸਿਰਾਲੀ ਦੀ ਰਹਿਣ ਵਾਲੀ ਸੀਮਾ ਰਾਜਪੂਤ ਨੂੰ ਜਣੇਪੇ ਲਈ ਬੀ ਪਾਜ਼ੇਟਿਵ ਖੂਨ ਦੀ ਲੋੜ ਸੀ।
ਜਿਵੇਂ ਹੀ ਇਰਸ਼ਾਦ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਸ ਨੇ ਖੂਨਦਾਨ ਕਰਕੇ ਔਰਤ ਦੀ ਜਾਨ ਬਚਾਈ। ਗੱਲਬਾਤ ਦੋਰਾਨ ਇਰਸ਼ਾਦ ਨੇ ਕਿਹਾ ਕਿ ਮਨੁੱਖਤਾ ਸਾਰੇ ਧਰਮਾਂ ਵਿੱਚ ਸਭ ਤੋਂ ਉੱਪਰ ਹੈ। ਇਸਤੋ ਇਲਾਵਾ ਉਸਨੇ ਕਿਹਾ ਕਿ ਉਸਨੂੰ ਰੋਜ਼ਾ ਤੋੜਨ ਦਾ ਪਛਤਾਵਾ ਨਹੀਂ ਹੈ। ਉਹ ਖੁਸ਼ ਹੈ ਕਿ ਉਸਨੇ ਮਨੁੱਖਤਾ ਦਾ ਫਰਜ਼ ਨਿਭਾਇਆ ਹੈ। ਦੱਸ ਦੇਈਏ, ਇਰਸ਼ਾਦ ਇੱਕ ਥੀਏਟਰ ਕਲਾਕਾਰ ਹੈ।