ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਬਹੁਮੁੱਲੀਆ ਸੇਵਾਵਾਂ ਦੇ ਲਈ ਤਹਿ ਦਿਲੋਂ ਧੰਨਵਾਦ ਕਰਦਿਆਂ ਪ੍ਰਸ਼ੋਤਮ ਰਾਜ ਅਹੀਰ ਸੂਬਾ ਪ੍ਰਧਾਨ ਲੇਬਰ ਵਿੰਗ ਸੰਯੁਕਤ ਸਮਾਜ ਮੋਰਚਾ ਪੰਜਾਬ ਨੇ ਪ੍ਰੈਸ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਨਰਸ ਹੋਣਾ ਇੱਕ ਬਹੁਤ ਮਾਣ ਵਾਲਾ ਕਿੱਤਾ ਹੈ, ਪਰ ਅੱਜ ਦੇ ਦਿਨ ਇਹ ਜ਼ਰੂਰ ਕਹਾਂਗਾ ਕਿ ਮੇਰਾ ਨਿੱਜੀ ਮੰਨਣਾ ਹੈ ਕਿ ਪੰਜਾਬ ਵਿੱਚ ਹਾਲੇ ਵੀ ਇਸ ਕਿੱਤੇ ਨੂੰ ਬਣਦਾ ਸਤਿਕਾਰ ਨਹੀਂ ਮਿਲਿਆ ਜਦਕਿ ਹਰ ਇੱਕ ਇਨਸਾਨ ਦੀ ਦੁੱਖ ਵਿੱਚ ਸੇਵਾ ਕਰਨਾ ਉਨ੍ਹਾਂ ਦੀ ਜਾਨ ਸਿਹਤ ਨੂੰ ਆਪਣਾ ਹਿੱਸਾ ਸਮਝਦੇ ਹੋਏ ਦੁਬਾਰਾ ਸਿਹਤਮੰਦ ਬਣਾਉਣ ਵਿੱਚ ਡਾਕਟਰ ਸਾਹਿਬਾਨ ਦੇ ਨਾਲ ਇਨ੍ਹਾਂ ਦਾ ਮੁੱਖ ਰੋਲ ਹੈ।
ਇਸ ਭਲਾਈ ਦੇ ਕਿੱਤੇ ਲਈ ਸਹੀ ਉਜਰਤਾ ਨਾ ਮਿਲਣਾ ਤੇ ਹੋਰ ਭੱਤੇ ਵੀ ਬਹੁਤ ਘੱਟ ਹੋਣੇ ਇਹ ਬਹੁਤ ਵਿਚਾਰਨ ਵਾਲੀ ਗੱਲ ਹੈ ਤੇ ਮੁੱਦਾ ਵੀ ਹੈ ਜਿਸ ਦੇ ਚਲਦਿਆਂ ਆਏ ਦਿਨ ਸਾਡੀਆਂ ਮਿਹਨਤੀ ਦਿਨ ਰਾਤ ਦੀਆ ਡਿਉਟੀਆਂ ਨਿਭਾ ਭੈਣਾ ਧੀਆ ਆਪਣੇ ਹੱਕਾਂ ਲਈ ਹੜਤਾਲਾਂ ਧਰਨੇ ਮੁਜ਼ਾਹਰੇ ਕਰਦੀਆਂ ਹਨ। ਸੋ ਅੱਜ ਦੇ ਦਿਨ ਪੰਜਾਬ ਸਰਕਾਰ ਵੱਲੋਂ ਇਨ੍ਹਾਂ ਦੀ ਉਜਰਤਾ ਵਿਚ ਚਾਹੇ ਸਰਕਾਰੀ ਚਾਹੇ ਗੈਰ ਸਰਕਾਰੀ ਹਸਪਤਾਲਾਂ ਵਿੱਚ ਡਿਉਟੀਆਂ ਨਿਭਾ ਰਹੀਆਂ ਹੋਣ ਵਾਧਾ ਕਰੇ ਹੈ ਤੇ ਹੋਰ ਭੱਤੇ ਵੀ ਵਧਾਵੇ ਨਹੀਂ ਤਾਂ ਜਲਦੀ ਅਸੀ ਹਾਈਕਮਾਂਡ ਦੇ ਆਦੇਸ਼ ਨਾਲ ਆਪਣੀਆਂ ਧੀਆਂ ਭੈਣਾਂ ਨਰਸਾਂ ਦੇ ਹੱਕ ਵਿੱਚ ਸੰਘਰਸ਼ ਉਲੀਕਾਗੇ।