ਹਰਿਆਣਾ (ਦ ਸਟੈਲਰ ਨਿਊਜ਼) ਰਿਪੋਰਟ- ਪ੍ਰੀਤੀ ਪਰਾਸ਼ਰ । ਬੀਤੀ ਰਾਤ ਕਸਬਾ ਹਰਿਆਣਾ ਮੇਨ ਰੋਡ ਤੇ ਸਥਿਤ ਜੇਕੇ ਐਂਡ ਮੱਲਣ ਕਰਿਆਨਾ ਸਟੋਰ ਤੇ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਚੋਰੀ ਸਬੰਧੀ ਜਾਣਕਾਰੀ ਦਿੰਦਿਆਂ ਜੇਕੇ ਕਰਿਆਨਾ ਸਟੋਰ ਦੇ ਮਾਲਕ ਮਨੂੰ ਮੱਲਣ ਪੁੱਤਰ ਜਤਿੰਦਰ ਮੱਲਣ ਵਾਸੀ ਹਰਿਆਣਾ ਨੇ ਦੱਸਿਆ ਕਿ ਬੀਤੀ ਰਾਤ 11 ਕੁ ਵਜੇ ਚੋਰਾਂ ਵੱਲੋਂ ਉਹਨਾਂ ਦੀ ਦੁਕਾਨ ਬਾਹਰ ਲੱਗੀਆਂ ਲਾਈਟਾਂ ਦੇ ਕਨੈਕਸ਼ਨ ਕੱਟੇ ਗਏ ਤੇ ਦੁਕਾਨ ਦੇ ਜਿੰਦਰੇ ਤੋੜ ਕੇ ਅੰਦਰ ਦਾਖਲ ਹੋ ਕੇ ਦੁਕਾਨ ਅੰਦਰ ਪਿਆ ਕਰਿਆਨੇ ਦਾ ਸਮਾਨ ਬਾਸਮਤੀ ਚਾਵਲ, ਖੰਡ ਦੀਆਂ ਬੋਰੀਆਂ, ਫੀਡ ਤੇ ਹੋਰ ਸਮਗਰੀ ਚੋਰੀ ਕੀਤੀ ਗਈ ਜਿਸ ਕਾਰਨ ਦੁਕਾਨ ਦਾ ਪੰਜ ਤੋਂ 6 ਲੱਖ ਦਾ ਨੁਕਸਾਨ ਕੀਤਾ ਗਿਆ ਹੈ।
ਦੁਕਾਨ ਮਾਲਕ ਨੇ ਦੱਸਿਆ ਕਿ ਦੁਕਾਨ ਦੇ ਨਾਲ ਲੱਗੇ ਸੀਸੀਟੀ ਕੈਮਰੇ ਵਿੱਚ ਚੋਰਾਂ ਦੀਆਂ ਫੋਟੋਆਂ ਕੈਦ ਕਰ ਲਈਆਂ ਗਈਆਂ ਹਨ ਇਸ ਚੋਰੀ ਵਿੱਚ 10 ਤੋਂ 15 ਵਿਅਕਤੀਆਂ ਵੱਲੋਂ ਇਸ ਚੋਰੀ ਨੂੰ ਅਨਜਾਮ ਦਿੱਤਾ ਗਿਆ ਹੈ ਉਹਨਾਂ ਦੱਸਿਆ ਕਿ ਰਾਤ ਨੂੰ ਪੁਲਿਸ ਮੁਲਾਜਮ ਗਸਤ ਦੌਰਾਨ ਆਪਣੇ ਮੋਟਰਸਾਈਕਲ ਤੇ ਸਵਾ ਹੋ ਕੇ ਗੁਜਰ ਰਹੇ ਸਨ ਤਾਂ ਸੜਕ ਕਿਨਾਰੇ ਖੜੀ ਗੱਡੀ ਦੇਖ ਰੁਕੇ ਤਾ ਇਹਨਾਂ ਤੋਂ ਪੁੱਛਗਿੱਛ ਕੀਤੀ ਤੇ ਪੁਲਿਸ ਵੱਲੋਂ ਇਹਨਾਂ ਦੀ ਗੱਡੀ ਦੇ ਨੰਬਰ ਦੀ ਫੋਟੋ ਵੀ ਮੋਬਾਇਲ ਵਿੱਚ ਲਈ ਗਈ ਜਦੋਂ ਚੋਰਾਂ ਨੇ ਆਪਣੇ ਆਪ ਨੂੰ ਫੜ ਹੁੰਦੇ ਦਿਖਾਈ ਦਿੱਤਾ ਤਾਂ ਚੋਰਾਂ ਵੱਲੋਂ ਪੁਲਿਸ ਮੁਲਾਜ਼ਮ ਦੇ ਮੋਟਰਸਾਈਕਲ ਦੀ ਚਾਬੀ ਕੱਢ ਲਈ ਗਈ ਤੇ ਉਸਦਾ ਮੋਬਾਇਲ ਖੋ ਲਿਆ ਗਿਆ ਤੇ ਗੱਡੀ ਨੂੰ ਉਸ ਜਗ੍ਹਾ ਤੋਂ ਭਜਾ ਲਿਆ ਗਿਆ ਤੇ ਜਾਂਦੇ ਜਾਂਦੇ ਚੋਰਾਂ ਵੱਲੋਂ ਪੁਲਿਸ ਮੁਲਾਜ਼ਮ ਦਾ ਮੋਬਾਈਲ ਫੋਨ ਥਾਣੇ ਦੇ ਬਾਹਰ ਢਾਬੇ ਕੋਲ ਸੁੱਟ ਦਿੱਤਾ ਗਿਆ ਦੁਕਾਨਦਾਰ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਵੀ ਮੇਰੀ ਦੁਕਾਨ ਤੇ ਪੰਜ ਛੇ ਵਾਰੀ ਚੋਰੀ ਹੋ ਚੁੱਕੀ ਹੈ ਦੁਕਾਨ ਮਾਲਕ ਨੇ ਪੁਲਿਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ। ਕਿ ਚੋਰਾਂ ਦੀ ਭਾਲ ਕੀਤੀ ਜਾਵੇ। ਇਸ ਸਬੰਧੀ ਜਦੋਂ ਥਾਣਾ ਹਰਿਆਣਾ ਦੇ ਮੁਖੀ ਗੁਰਪ੍ਰੀਤ ਸਿੰਘ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਹਨਾਂ ਦੱਸਿਆ ਕੀ ਪੁਲਿਸ ਕੋਲ ਚੋਰਾਂ ਵੱਲੋਂ ਵਰਤੀ ਗਈ ਗੱਡੀ ਦਾ ਨੰਬਰ ਉਹਨਾਂ ਕੋਲ ਆ ਗਿਆ ਹੈ ਤੇ ਪੁਲਿਸ ਚੋਰਾਂ ਨੂੰ ਟਰੇਸ ਕਰ ਰਹੀ ਹੈ ਤੇ ਜਲਦ ਤੋਂ ਜਲਦ ਇਹ ਚੋਰ ਫੜੇ ਜਾਣਗੇ।
