ਕਪੂਰਥਲਾ (ਦ ਸਟੈਲਰ ਨਿਊਜ਼), ਗੌਰਵ ਮੜੀਆ। ਯੂਥ ਭਾਜਪਾ ਦੇ ਸੂਬਾ ਮੀਤ ਪ੍ਰਧਾਨ ਅੰਮ੍ਰਿਤ ਸਿੰਘ ਡੱਲੀ ਅਤੇ ਯੂਥ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਸੰਨੀ ਬੈਂਸ ਨੇ ਕਿਹਾ ਕਿ ਦੇਸ਼ ਨੂੰ ਅੱਗੇ ਲਿਜਾਣ ਲਈ ਮਜ਼ਬੂਤ ਸਰਕਾਰ ਦਾ ਹੋਣਾ ਬਹੁਤ ਜ਼ਰੂਰੀ ਹੈ। ਭਾਜਪਾ ਆਗੂਆਂ ਨੇ ਕਿਹਾ ਕਿ ਭਾਰਤ ਤੇਜ਼ੀ ਨਾਲ ਵਿਕਾਸ ਲਈ ਪੂਰੀ ਤਰ੍ਹਾਂ ਤਿਆਰ ਹੈ ਅਤੇ ਇਸ ਦੇ ਆਧਾਰ ਵੀ ਮਜ਼ਬੂਤ ਹੈ। ਉਨ੍ਹਾਂ ਕਿਹਾ ਕਿ ਪਿਛਲੇ 10 ਸਾਲਾਂ ਵਿੱਚ ਕੀਤੇ ਗਏ ਸੁਧਾਰਾਂ ਕਾਰਨ ਅੱਜ ਦੇਸ਼ ਦਾ ਬੈਂਕਿੰਗ ਖੇਤਰ ਮਜ਼ਬੂਤ ਸਥਿਤੀ ਵਿੱਚ ਹੈ। ਬੈਂਕਾਂ ਦੀ ਵਿੱਤੀ ਹਾਲਤ ਸੁਧਰ ਰਹੀ ਹੈ। ਭਾਜਪਾ ਦੀ ਮੋਦੀ ਸਰਕਾਰ ਨੇ ਬੈਂਕਾਂ ਦੇ ਐਨਪੀਏ ਦੀ ਸਮੱਸਿਆ ਵੱਲ ਧਿਆਨ ਦਿੱਤਾ, ਬੈਂਕਾਂ ਨੂੰ ਪੂੰਜੀ ਮੁਹੱਈਆ ਕਰਵਾਈ, ਦੀਵਾਲੀਆਪਨ ਕਾਨੂੰਨ ਲਿਆਂਦਾ ਅਤੇ ਕਰਜ਼ਾ ਵਸੂਲੀ ਅਥਾਰਟੀ ਨੂੰ ਮਜ਼ਬੂਤ ਕੀਤਾ। ਡੱਲੀ ਨੇ ਵਰਕਰਾਂ ਨੂੰ ਲੋਕ ਸਭਾ ਚੋਣਾਂ ਲਈ ਹੁਣ ਤੋਂ ਹੀ ਲੋਕਾਂ ਨਾਲ ਸੰਪਰਕ ਕਰਨ ਲਈ ਕਿਹਾ ਹੈ। ਉਨ੍ਹਾਂ ਵਰਕਰਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਤੁਸੀਂ ਭਾਜਪਾ ਹੀ ਨਹੀਂ,ਦੇਸ਼ ਦੀ ਖੁਸ਼ਹਾਲੀ ਦੇ ਮਜਬੂਤ ਸਿਪਾਹੀ ਹੋ।
ਪਾਰਟੀ ਤੋਂ ਦੇਸ਼ ਵੱਡਾ ਹੁੰਦਾ ਹੈ।ਉਨ੍ਹਾਂ ਕਿਹਾ ਕਿ ਸਾਨੂੰ ਬੂਥ ਨੂੰ ਛੋਟਾ ਨਹੀਂ ਸਮਝਣਾ ਚਾਹੀਦਾ। ਇਸ ਤੋਂ ਉੱਪਰ ਉੱਠ ਕੇ ਸਮਾਜ ਵਿੱਚ ਆਪਣੀ ਪਛਾਣ ਬਣਾਉਣੀ ਚਾਹੀਦੀ ਹੈ। ਪ੍ਰਧਾਨ ਮੰਤਰੀ ਅਤੇ ਮੁੱਖ ਮੰਤਰੀ ਬੂਥ ਵਰਕਰਾਂ ਦੇ ਆਧਾਰ ਤੇ ਬਣਦੇ ਹਨ।ਭਾਜਪਾ ਉਹ ਪਾਰਟੀ ਨਹੀਂ ਹੈ ਜੋ ਏਸੀ ਕਮਰਿਆਂ ਵਿੱਚ ਬੈਠ ਕੇ ਫਤਵੇ ਜਾਰੀ ਕਰਦੀ ਹੈ। ਉਨ੍ਹਾਂ ਵਰਕਰਾਂ ਨੂੰ ਕਿਹਾ ਕਿ ਬੂਥ ਤੇ ਭਾਜਪਾ ਦੀ ਪਛਾਣ ਸੇਵਾਭਾਵ ਦੀ ਹੋਣੀ ਚਾਹੀਦੀ ਹੈ। ਇਸ ਲਈ ਛੋਟੇ-ਮੋਟੇ ਕੰਮ ਕਰਨੇ ਚਾਹੀਦੇ ਹਨ। ਪਿੰਡ ਵਿੱਚ ਜਿੱਥੇ ਬੈਠੋ ਉੱਥੇ ਇੱਕ ਅਖਬਾਰ ਲਿਆ ਕੇ ਰੱਖ ਦੀਓ ਕੇਂਦਰ ਅਤੇ ਸੂਬੇ ਅਤੇ ਭਾਜਪਾ ਦੀਆਂ ਚੰਗੀਆਂ ਖਬਰਾਂ ਉੱਥੇ ਲਗਾਓ। ਇੱਕ ਫਸਟ ਏਡ ਬਾਕਸ ਲਗਾ ਸਕਦੇ ਹੋ। ਇਸ ਤਰ੍ਹਾਂ ਕਰਨ ਨਾਲ ਤੁਸੀਂ ਇੱਕ ਸਮਾਜਕ ਨੇਤਾ ਬਣੋਗੇ। ਸੰਨੀ ਬੈਂਸ ਨੇ ਕਿਹਾ ਕਿ ਵਰਕਰ ਵਿੱਚ ਹੋਰ ਕੰਮ ਕਰਨ ਦੀ ਭੁੱਖ ਹੋਣੀ ਚਾਹੀਦੀ ਹੈ। ਪਿੰਡਾਂ ਦਾ ਵਿਕਾਸ ਕਰਨਾ ਹੋਵੇਗਾ। ਹਰਿਆਲੀ, ਸੂਰਜੀ ਊਰਜਾ ਅਤੇ ਪਾਣੀ ਉੱਤੇ ਕੰਮ ਕਰਨਾ ਹੋਵੇਗਾ। ਪਿੰਡਾਂ ਵਿੱਚ ਇਹ ਉਪਰਾਲੇ ਹੋਣੇ ਚਾਹੀਦੇ ਹਨ।ਇਸ ਨੂੰ ਸਰਕਾਰ ਦਾ ਕੰਮ ਨਾ ਸਮਝੋ।ਇਸ ਨੂੰ ਲੋਕਾਂ ਦਾ ਕੰਮ ਸਮਝ ਕੇ ਕਰੋ। ਇਨ੍ਹਾਂ ਕੰਮਾਂ ਨਾਲ ਤੁਹਾਡਾ ਬੂਥ ਮਜ਼ਬੂਤ ਹੋਵੇਗਾ। ਬੈਂਸ ਨੇ ਕਿਹਾ ਕਿ ਸਾਡਾ ਉਦੇਸ਼ ਕਿਸੇ ਇੱਕ ਸਕੀਮ ਦਾ ਲਾਭ ਦੇਣਾ ਨਹੀਂ ਹੈ। ਸੌ ਫੀਸਦੀ ਸਕੀਮਾਂ ਦਾ ਲਾਭ ਦੇਣਾ ਹੈ। ਪੀਐਮ ਆਵਾਸ ਨਿਵਾਸੀਆਂ ਨੂੰ ਮੁਦਰਾ ਜਾਂ ਹੋਰ ਸਕੀਮਾਂ ਦਾ ਲਾਭ ਮਿਲ ਰਿਹਾ ਹੈ ਜਾਂ ਨਹੀਂ।
ਉਨ੍ਹਾਂ ਨੂੰ ਇਹ ਲਾਭ ਦਿਵਾਓ। ਜੇਕਰ ਬੂਥ ਵਰਕਰ ਇਹ ਕੰਮ ਜਿੰਮੇਵਾਰੀ ਸਮਝ ਕੇ ਕਰੇ ਤਾਂ ਤੁਹਾਡੀ ਤਾਕਤ ਬਣੇਗੀ। ਨਮੋ ਐਪ ਸਮੇਤ ਹੋਰ ਤਰੀਕਿਆਂ ਨਾਲ ਲੋਕਾਂ ਨੂੰ ਜੋੜੋ। ਵਿਰੋਧੀ ਪਾਰਟੀਆਂ ਤੇ ਹਮਲਾ ਬੋਲਦਿਆਂ ਬੈਂਸ ਨੇ ਕਿਹਾ ਕਿ ਤੁਸ਼ਟੀਕਰਨ ਦੀ ਰਾਜਨੀਤੀ ਨੇ ਦੇਸ਼ ਨੂੰ ਨੁਕਸਾਨ ਪਹੁੰਚਾਇਆ ਹੈ।ਕੁਝ ਲੋਕ ਸਿਰਫ ਆਪਣੀ ਪਾਰਟੀ ਲਈ ਜਿਉਂਦੇ ਹਨ ਅਤੇ ਆਪਣੇ ਕੱਲ ਦਾ ਭਲਾ ਕਰਨਾ ਚਾਹੁੰਦੇ ਹਨ। ਉਨ੍ਹਾਂ ਨੇ ਇਹ ਸਭ ਇਸ ਲਈ ਕੀਤਾ ਕਿਉਂਕਿ ਉਨ੍ਹਾਂ ਨੂੰ ਭ੍ਰਿਸ਼ਟਾਚਾਰ ਦਾ ਕਮਿਸ਼ਨ ਮਲਾਈ ਖਾਣ ਕੱਟ ਮਨੀ ਦਾ ਹਿੱਸਾ ਮਿਲਦਾ ਹੈ। ਉਨ੍ਹਾਂ ਨੇ ਜੋ ਰਸਤਾ ਚੁਣਿਆ ਹੈ, ਉਸ ਲਈ ਬਹੁਤੀ ਮਿਹਨਤ ਦੀ ਲੋੜ ਨਹੀਂ ਹੈ ਅਤੇ ਇਹ ਤੁਸ਼ਟੀਕਰਨ ਅਤੇ ਵੋਟ ਬੈਂਕ ਦਾ ਰਸਤਾ ਹੈ।
ਗਰੀਬਾਂ ਨੂੰ ਗਰੀਬ ਬਣਾਏ ਰੱਖਣਾ ਵੰਚਿਤਾਂ ਨੂੰ ਵੰਚਿਤ ਬਣਾਏ ਰੱਖਣਾ ਉਨ੍ਹਾਂ ਦੀ ਰਾਜਨੀਤੀ ਚਲਦੀ ਹੈ। ਤੁਸ਼ਟੀਕਰਨ ਦਾ ਇਹ ਰਾਹ ਕੁਝ ਲਾਭ ਤਾਂ ਜ਼ਰੂਰ ਦੇ ਸਕਦਾ ਹੈ ਪਰ ਇਹ ਲੋਕਾਂ ਲਈ ਬਹੁਤ ਵਿਨਾਸ਼ਕਾਰੀ ਹੈ। ਇਹ ਦੇਸ਼ ਦੇ ਵਿਕਾਸ ਨੂੰ ਰੋਕਦਾ ਹੈ। ਇਹ ਦੇਸ਼ ਵਿੱਚ ਵਿਨਾਸ਼ ਲਿਆਉਂਦਾ ਹੈ ਅਤੇ ਵੰਡ ਪੈਦਾ ਕਰਦਾ ਹੈ, ਇਹ ਸਮਾਜ ਵਿੱਚ ਕੰਧਾਂ ਬਣਾਉਂਦਾ ਹੈ। ਇੱਕ ਪਾਸੇ ਅਜਿਹੇ ਲੋਕ ਜੋ ਤੁਸ਼ਟੀਕਰਨ ਕਰਕੇ ਆਪਣੇ ਸੁਆਰਥ ਲਈ ਦੂਜਿਆਂ ਦੇ ਖਿਲਾਫ ਖੜਾ ਕਰਦੇ ਹਨ। ਭਾਜਪਾ ਦੇ ਸੰਕਲਪ ਵੱਡੇ ਹਨ ਅਤੇ ਭਾਜਪਾ ਦੇਸ਼ ਨੂੰ ਆਪਣੀ ਪਹਿਲ ਤੇ ਰੱਖਦੀ ਹੈ, ਇਸ ਲਈ ਭਾਜਪਾ ਨੇ ਫੈਸਲਾ ਕੀਤਾ ਹੈ ਕਿ ਸਾਨੂੰ ਤੁਸ਼ਟੀਕਰਨ ਦੇ ਰਾਹ ਤੇ ਨਹੀਂ ਤੁਰਨਾ ਹੈ, ਵੋਟ ਬੈਂਕ ਦੇ ਰਾਹ ਤੇ ਨਹੀਂ ਚੱਲਣਾ ਹੈ। ਸਾਡਾ ਰਾਹ ਤੁਸ਼ਟੀਕਰਨ ਦਾ ਨਹੀਂ ਸੰਤੁਸ਼ਟੀ ਕਰਨ ਦਾ ਹੈ।
