ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਸਿਵਲ ਸਰਜਨ ਡਾ. ਰਣਜੀਤ ਸਿੰਘ ਘੋਤੜਾ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਵਿਖੇ ਵਿਸ਼ਵ ਗੁਲਕੋਮਾ ਹਫਤਾ ਮਿਤੀ 7 ਮਾਰਚ ਤੋ ਲੈ ਕੇ 13 ਮਾਰਚ ਤੱਕ ਮਨਾਇਆ ਗਿਆ । ਜਿਸ ਵਿੱਚ ਅੱਖਾਂ ਦੇ ਫ੍ਰੀ ਕੈਪ ਲਗਾਏ ਗਏ ਜਿਸ ਵਿੱਚ 445 ਮਰੀਜਾ ਗੁਲਕੋਮਾ ਲਈ ਸਕਰੀਨ ਕੀਤੇ ਗਏ ਅਤੇ ਲੋੜੀਦੇ ਮਰੀਜਾਂ ਨੂੰ ਕਾਲੇ ਮੋਤੀਏ ਦੀਆ ਫ੍ਰੀ ਦਵਾਈਆ ਵੀ ਦਿੱਤੀਆ ਗਈਆ । ਇਸ ਮੋਕੇ ਅੱਖਾਂ ਦੇ ਮਾਹਿਰ ਡਾਕਟਰ ਡਾ ਸੋਤਖ ਰਾਮ, ਡਾ. ਮਨਦੀਪ ਕੋਰ, ਡਾ. ਪ੍ਰੇਮ ਭਾਰਤੀ , ਅਥਲਮਿਕ ਅਫਸਰ ਐਸ ਲੁਥਰਾ, ਸਟਾਫ ਰਮਨੀਕ ਅਤੇ ਸੁਖਦੇਵ ਸਿੰਘ ਮੌਜੂਦ ਸਨ ।
ਅੱਖਾਂ ਦੇ ਮਾਹਿਰ ਡਾਕਟਰ ਸੰਤੋਖ ਰਾਮ ਨੇ ਦੱਸਿਆ ਕਿ ਕਾਲਾ ਮੋਤੀਆ ਅੱਖਾਂ ਦੀ ਉਹ ਬਿਮਾਰੀ ਹੈ ਜਿਸ ਵਿੱਚ ਦਬਾਅ ਵੱਧਣ ਨਾਲ ਨਜਰ ਘੱਟ ਜਾਦੀ ਹੈ ਅਤੇ ਸਭ ਤੋ ਖਤਰਨਾਕ ਗੱਲ ਇਹ ਕਿ ਸਾਨੂੰ ਪਤਾ ਉਦੋ ਲਗਦਾ ਹੈ ਜਦੋ ਨਜਰ ਬਿਲਕੁਲ ਖਤਮ ਹੋ ਜਾਦੀ ਹੈ ਤੇ ਬਿਮਾਰੀ ਲਾ ਇਲਾਜ ਹੋ ਜਾਦੀ ਹੈ । ਜੇਰਕ ਸਮੇ ਸਿਰ ਇਸ ਦਾ ਇਲਾਜ ਅਤੇ ਡਾਕਟਰੀ ਚੈਅ ਅਪ ਤੇ ਕਾਲੇ ਮੋਤੀਏ ਤੇ ਬਚਿਆ ਜਾ ਸਕਦਾ ਹੈ । ਉਹਨਾਂ ਦੱਸਿਆ ਕਿ 40 ਸਾਲ ਤੋ ਵੱਧ ਉਮਰ ਦੇ ਵਿਆਕਤੀ ਹਾਈ ਬਲੱਡ ਪ੍ਰੈਸ਼ਰ,ਪਰਿਵਾਰ ਵਿੱਚ ਪਹਿਲਾਂ ਤੋ ਚੱਲ ਰਹੀ ਬਿਮਾਰੀ, ਚਮੜੀ ਦੇ ਰੋਗ, ਸਾਹ ਦੇ ਮਰੀਜ ਜੋ ਸਟੀਰਾਈਜ ਦਵਾਈ ਲੈਦੇ ਹਨ ਉਹਨਾਂ ਨੂੰ ਗੁਲਕੋਮਾ ਹੋਣ ਦੀ ਸੰਭਾਵਨਾ ਹੋ ਸਕਦੀ ਹੈ । ਉਹਨਾਂ ਇਹ ਵੀ ਦੱਸਿਆ ਕਿ ਪੁਰੇ ਸੰਸਾਰ ਵਿੱਚ 40 ਤੋ 80 ਸਾਲ ਦੀ ਉਮਰ ਦੇ 76 ਮਿਲੀਅਨ ਲੋਕਾਂ ਨੂੰ ਕਾਲਾ ਮੋਤੀਆ ਅਤੇ ਭਾਰਤ ਵਿਚ 12 ਮਿਲੀਅਨ ਲੋਕ ਇਸ ਬਿਮਾਰੀ ਤੇ ਪੀੜਤ ਹਨ ।
