ਨਾਭਾ(ਦ ਸਟੈਲਰ ਨਿਊਜ਼), ਰਿਪੋਰਟ- ਰਵੀ ਸ਼ੰਕਰ। ਸ਼੍ਰੀ ਪਰਸ਼ੂਰਾਮ ਵਾਟਿਕਾ ਪਟਿਆਲਾ ਵਿਖੇ ਭਾਰਤੀਆ ਨਵਾਂ ਸਾਲ ਬੜੀ ਧੂਮਧਾਮ ਦੇ ਨਾਲ ਹਵਨ ਯੱਗ ਕਰਦੇ ਹੋਏ ਸਭ ਨੇ ਮਿਲ ਕੇ ਮਨਾਇਆ। ਇਸ ਨਵਵਰਸ਼ ਸਮਾਰੋਹ ਵਿੱਚ ਸਨਾਤਨ ਸੰਸਕ੍ਰਿਤੀ ਨੂੰ ਪੂਰੇ ਪੰਜਾਬ ਦੇ ਵਿੱਚ ਪ੍ਰਚਾਰ ਪ੍ਰਸਾਰ ਕਰਨ ਲਈ ਵਿਚਾਰ ਕੀਤੇ ਗਏ। ਜਿਵੇਂ ਕਿ ਕੱਲ ਚੇਤ ਦੇ ਪਹਿਲੇ ਨਰਾਤੇ ਭਾਰਤੀਆ ਨਵਾਂ ਸਾਲ ਸੀ ਜਿੱਥੇ ਕਿ ਇਹ ਨਵਾਂ ਸਾਲ ਪੂਰੇ ਭਾਰਤ ਵਿੱਚ ਧੂਮਧਾਮ ਨਾਲ ਮਨਾਇਆ ਜਾਂਦਾ ਸੀ ਹੁਣ ਇਹ ਪ੍ਰਥਾ ਲਗਪਗ ਅਲੋਪ ਹੋ ਗਈ।
ਜਿਸ ਕਰਕੇ ਇਸ ਉੱਤੇ ਅਸ਼ਵਨੀ ਭਾਸਕਰ ਸ਼ਾਸਤਰੀ ਨੇ ਵਿਸਥਾਰ ਪੂਰਵਕ ਦੱਸਿਆ ਕਿ ਇਹ ਉਹ ਦਿਨ ਹੈ ਜਿਸ ਦਿਨ ਬ੍ਰਹਮਾ ਜੀ ਨੇ ਸ੍ਰਿਸ਼ਟੀ ਦੀ ਰਚਨਾ ਆਰੰਭ ਕੀਤੀ ਸੀ ਅਤੇ ਸਤਯੁੱਗ ਵੀ ਇਸ ਦਿਨ ਤੋਂ ਸ਼ੁਰੂ ਹੋਇਆ ਸੀ ਹੋਰ ਵੀ ਕਈ ਕਾਰਨਾਂ ਤੇ ਚਾਨਣਾ ਪਾਉਂਦੇ ਹੋਏ ਦੱਸਿਆ ਕਿ ਇਸ ਦਿਨ ਤੋਂ ਸ੍ਰਿਸ਼ਟੀ ਸ਼ੁਰੂ ਹੋਣ ਦੇ ਨਾਤੇ ਸਤਯੁੱਗ ਸ਼ੁਰੂ ਹੋਣ ਦੇ ਕਰਕੇ ਭਾਰਤ ਭੂਮੀ ਤੇ ਇਹ ਇਕ ਬੜੇ ਤਿਉਹਾਰ ਦੇ ਰੂਪ ਵਿੱਚ ਮਨਾਇਆ ਜਾਂਦਾ ਸੀ ਪ੍ਰੰਤੂ ਕਈ ਤਾਕਤਾਂ ਨੇ ਭਾਰਤ ਉਤੇ ਰਾਜ ਕਰਨ ਕਰਕੇ ਸਾਡੀ ਸੰਸਕ੍ਰਿਤੀ ਦਾ ਘਾਣ ਕੀਤਾ,ਹੁਣ ਸਾਡਾ ਸਾਰਿਆਂ ਦਾ ਫਰਜ਼ ਬਣਦਾ ਹੈ ਕਿ ਕੌਮੀ ਏਕਤਾ ਦਾ ਨਾਅਰਾ ਬੁਲੰਦ ਕਰਦੇ ਹੋਏ ਆਪਣੇ ਰਾਸ਼ਟਰ ਦੇ ਹਿੱਤ ਵਿਚ ਦੁਬਾਰਾ ਤੋਂ ਸਨਾਤਨ ਸੰਸਕ੍ਰਿਤੀ ਨੂੰ ਘਰ ਘਰ ਪਹੁੰਚਾਈਏ, ਅਖਿਲ ਭਾਰਤੀਆ ਸਨਾਤਨ ਸਮਾਜ ਵੈਲਫੇਅਰ ਫਰੰਟ ਅਪੀਲ ਕਰਦਾ ਹੈ ਕਿ ਆਓ ਆਓ ਸਭ ਮਿਲ ਕੇ ਸਨਾਤਨ ਸੰਸਕ੍ਰਿਤੀ ਦੀ ਦੀ ਲਹਿਰ ਨੂੰ ਘਰ-ਘਰ ਪਹੁੰਚਾਈਏ ਅਤੇ ਬਿਖਰੀ ਹੋਈ ਮਾਲਾ ਨੂੰ ਮੁੜ ਸੁਰਜੀਤ ਕਰੀਏ।
ਇਸ ਵਿਚ ਬ੍ਰਾਹਮਣ ਭਲਾਈ ਬੋਰਡ ਦੇ ਚੇਅਰਮੈਨ ਹਰਿੰਦਰ ਪਾਲ ਸ਼ਰਮਾ ਕੌਰਜੀਵਾਲਾ ਨੇ ਕਿਹਾ ਕਿ ਸਨਾਤਨ ਸਮਾਜ ਦੇ ਹੱਕਾਂ ਦੀ ਲੜਾਈ ਆਖ਼ਰੀ ਸਾਹ ਤੱਕ ਲੜਦਾ ਰਹਾਂਗਾ।ਈਸ਼ਵਰ ਚੰਦ ਸ਼ਰਮਾ ਸਨਾਤਨ ਧਰਮ ਮਹਾਂਵੀਰ ਦਲ ਪ੍ਰਧਾਨ ਨੇ ਸਾਰਿਆਂ ਦਾ ਸਵਾਗਤ ਕੀਤਾ ਤੇ ਆਪਣੀ ਟੀਮ ਵੱਲੋਂ ਅਖਿਲ ਭਾਰਤੀਆ ਸਨਾਤਨ ਸਮਾਜ ਵੈੱਲਫੇਅਰ ਫਰੰਟ ਦੇ ਨਾਲ ਚੱਲਣ ਦਾ ਸੰਕਲਪ ਲਿਆ। ਫਰੰਟ ਦੇ ਸਮਰਥਨ ਵਿਚ ਵੱਖ-ਵੱਖ ਸਭਾਵਾਂ ਨੇ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ ਜਿਸ ਵਿਚ ਨਿਤਨ ਪੰਜੋਲਾ ਨੇ ਮੰਚ ਦਾ ਸੰਚਾਲਨ ਬਾਖੂਬੀ ਨਾਲ ਨਿਭਾਇਆ। ਇਸ ਦੇ ਵਿੱਚ ਕੀਰਤੀ ਕਾਟਲ, ਰਾਜਪੂਤ ਮਹਾਸਭਾ ਰੇਲਵੇ, ਸ਼ਿਵ ਮੰਦਰ ਕਮੇਟੀ(ਪ੍ਰਤਾਪਨਗਰ) ਗੋਬਿੰਦ ਰਾਮ ਸੇਠ, ਬਾਬਾ ਪੰਡਤ ਸ੍ਰੀ ਪਰਸ਼ੂਰਾਮ ਸੈਨਾ, ਯਾਦਵਿੰਦਰ ਸ਼ਰਮਾ(ਬ੍ਰਾਹਮਣ ਸਮਾਜ), ਰਾਜ ਕੁਮਾਰ ਸ਼ਰਮਾ (ਸ੍ਰੀ ਬ੍ਰਾਹਮਣ ਸਭਾ), ਰੌਬਿਨ ਖੋਸਲਾ, ਪਵਨ ਕੁਮਾਰ(ਸੰਤਾਂ ਦੀ ਕੁਟੀਆ ਕਮੇਟੀ),ਅਸ਼ਵਨੀ ਗੱਗੀ ਸਰਵੋਪਰੀ ਮੰਦਰ ਕਮੇਟੀ ਪ੍ਰਧਾਨ, ਡਾ ਧਰਮਪਾਲ ਰਾਏਪੁਰ ਮੰਡਲਾਂ,ਆਤਮਾ ਰਾਮ ਧਬਲਾਨ,ਦਰਸ਼ਨ ਸਿੰਘ ਪੀ ਆਰਟੀਸੀ,ਮਹਿੰਦਰਪਾਲ ਬਹਾਦਰਗੜ, ਪਵਨ ਪੰਜੋਲਾ, ਅਜੇ ਜੇਨਗਰ, ਜਿਤੇਸ਼ ਜੌਲੀ, ਰਾਮ ਗੋਪਾਲ ਸ਼ਰਮਾ, ਭੂਸ਼ਨ ਸ਼ਰਮਾ, ਅਸ਼ੋਕ ਸ਼ਰਮਾ ਮੌਜੂਦ ਰਹੇ।
