ਕਪੂਰਥਲਾ(ਦ ਸਟੈਲਰ ਨਿਊਜ਼),ਰਿਪੋਰਟ: ਗੌਰਵ ਮੜੀਆ। ਅੰਮ੍ਰਿਤਸਰ ਵਿੱਚ ਅੱਜ 160ਵੀਂ ਸਟੇਟ ਲੈਵਲ ਬੈਂਕਰ ਮੀਟਿੰਗ ਕਰਵਾਈ ਗਈ ਮੀਟਿੰਗ ਵਿੱਚ ਬੈਪਟਿਸਟ ਚੈਰੀਟੇਬਲ ਸੁਸਾਇਟੀ,ਪੰਜਾਬ ਦੇ ਪ੍ਰਧਾਨ ਜੋਗਾ ਸਿੰਘ ਅਟਵਾਲ ਦੀ ਅਗਵਾਈ ਹੇਠ ਸਾਂਝੀ ਜ਼ਿਮੇਵਾਰੀ ਵਾਲੇ ਗਰੁੱਪਾਂ ਦੀਆਂ ਮੈਂਬਰਾਂ ਨੇ ਵੱਡੀ ਗਿਣਤੀ ਵਿੱਚ ਹਿੱਸਾ ਲਿਆ। ਇਸ ਮੌਕੇ ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਅਟਵਾਲ ਨੇ ਉੱਦਮੀਆਂ ਨੂੰ ਕਾਰੋਬਾਰ ਚਲਾਉਣ ਲਈ ਸਸਤੇ ਲੋਨ ਦੇਣ ਨੂੰ ਸ਼ਲਾਘਾ ਯੋਗ ਕਦਮ ਦੱਸਿਆ। ਅੰਮ੍ਰਿਤਸਰ ਦੇ ਨਿੱਜੀ ਹੋਟਲ ਵਿੱਚ ਮੁਦਰਾ ਕਰਜ਼ਿਆਂ ਦਾ ਕ੍ਰੈਡਿਟ ਆਊਟਰੀਚ ਕੈਂਪ ਲਗਾਇਆ ਗਿਆ ਜਿਸ ਵਿੱਚ ਮਾਨਯੋਗ ਵਿੱਤ ਰਾਜ ਮੰਤਰੀ ਭਾਗਵਤ ਕ੍ਰਿਸ਼ਨਾ ਰਾਓ ਕਰਾਡ ਨੇ 10 ਲਾਭਪਾਤਰੀਆਂ ਨੂੰ ਕਰਜ਼ਿਆਂ ਦੇ ਮਨਜ਼ੂਰੀ ਪੱਤਰ ਬਾਕੀ ਦੇ ਬੈਂਕਾਂ ਨੇ ਆਪਣੇ ਪੱਧਰ ਤੇ ਮਨਜ਼ੂਰੀ ਪੱਤਰ ਵੰਡੇ । ਜਿਸ ਦੀ ਕੜੀ ਸਟੇਟ ਬੈਂਕ ਆਫ ਇੰਡੀਆ ਦੇ ਰਿਜਨਲ ਮੈਨੇਜਰ ਕੇ.ਕੇ ਡੋਲੀਆ ਨੇ ਸਾਂਝੀ ਜ਼ਿਮੇਵਾਰੀ ਗਰੁੱਪ ਮੈਂਬਰ ਪਰਮਜੀਤਕੌਰ,ਅਰਵਿੰਦਰ ਕੌਰ, ਨੀਲਮ, ਰੀਨਾ,ਮਮਤਾ,ਮਨਜਿੰਦਰ ਕੌਰ ਆਦਿ ਨੂੰ ਮਨਜ਼ੂਰ ਕੀਤੇ ਗਏ ਕਰਜ਼ਿਆਂ ਦੇ ਵੰਡੇ ।
ਅਨਿਲ ਗੁਪਤਾ ਮੈਨੇਜਰ ਸਟੇਟ ਬੈਂਕ ਆਫ ਇੰਡੀਆ ਨੇ ਕਿਹਾ ਬੈਪਟਿਸਟ ਚੈਰੀਟੇਬਲ ਸੁਸਾਇਟੀ ਵਲੋਂ ਜਿੰਨਾ ਉਦਮੀ ਔਰਤਾਂ ਨੂੰ ਸਾਂਝੀ ਜ਼ਿਮੇਵਾਰੀ ਵਾਲੇ ਗਰੁੱਪਾਂ ਦੀ ਮੁਹਿੰਮ ਨਾਲ ਜੋੜਿਆ ਗਿਆ ਹੈ ਉਨ੍ਹਾਂ ਨੂੰ ਬੈਂਕ ਨੇ ਬਿਨਾਂ ਕਿਸੇ ਦੇਰੀ ਕਾਰੋਬਾਰ ਚਲਾਉਣ ਲਈ ਕਰਜ਼ ਮਨਜ਼ੂਰ ਕੀਤੇ ਹਨ। ਇਸ ਮੌਕੇ ਤੇ ਹਰਪਾਲ ਸਿੰਘ,ਸਰਬਜੀਤ ਸਿੰਘ,ਰਾਬਿੰਦਰ ਕੌਰ,ਇੰਦਰਜੀਤ ਕੌਰ, ਮਲਕੀਤ ਸਿੰਘ ਅਤੇ ਅਰੁਣ ਅਟਵਾਲ ਹਾਜ਼ਰ ਸਨ।