ਫਾਜਿਲਕਾ (ਦ ਸਟੈਲਰ ਨਿਊਜ਼): ਅਲੋਕ ਚੌਧਰੀ ਕਾਰਜਕਾਰੀ ਇੰਜੀਨੀਅਰ/ਫਾਜਿਲਕਾ, ਡਰੇਨੇਜ ਕਮ ਮਾਈਨਿੰਗ ਅਤੇ ਜਿਆਲੋਜੀ ਮੰਡਲ, ਜਲ ਸਰੋਤ ਵਿਭਾਗ ਪੰਜਾਬ ਨੇ ਦੱਸਿਆ ਕਿ ਇਸ ਮੰਡਲ ਅਧੀਨ ਪੈਂਦੀਆਂ ਡਰੇਨਾਂ ਦੀ ਮੱਛੀ ਦੀ ਬੋਲੀ ਕਰਵਾਈ ਜਾਣੀ ਹੈ। ਜਲਾਲਾਬਾਦ ਦੀਆਂ 15 ਡਰੇਨਾਂ, ਫਾਜ਼ਿਲਕਾ ਦੀਆਂ 10 ਅਬੋਹਰ ਦੀਆਂ 8 ਅਤੇ ਫਿਰੋਜ਼ਪੁਰ ਦੀਆਂ 14 ਡਰੇਨਾਂ ਹਨ।
ਉਨ੍ਹਾਂ ਦੱਸਿਆ ਕਿ ਡਰੇਨੇਜ ਕਮ ਮਾਈਨਿੰਗ ਉਪ ਮੰਡਲ ਜਲਾਲਾਬਾਦ ਅਤੇ ਫਿਰੋਜ਼ਪੁਰ ਅਧੀਨ ਆਉਂਦੀਆਂ ਡਰੇਨਾਂ ਦੀ ਬੋਲੀ ਮਿਤੀ 16 ਅਗਸਤ 2023 ਨੂੰ ਕਮਰਾ ਨੰ 1 ਨੇੜੇ ਸਾਡੀ ਰਸੋਈ, ਸਰਕਾਰੀ ਕੰਨਿਆ ਕਾਲਜ, ਜਲਾਲਾਬਾਦ ਵਿਖੇ ਅਤੇ ਡਰੇਨੇਜ ਕਮ ਮਾਇਨਿੰਗ ਉਪ ਮੰਡਲ ਫਾਜ਼ਿਲਕਾ ਅਤੇ ਅਬੋਹਰ ਅਧੀਨ ਆਉਂਦੀਆਂ ਡਰੇਨਾਂ ਦੀ ਬੋਲੀ ਮਿਤੀ 17 ਅਗਸਤ 2023 ਨੂੰ ਕੈਨਾਲ ਕਲੋਨੀ ਫਾਜਿਲਕਾ ਵਿਖੇ ਸਵੇਰੇ 11 ਵਜੇ ਤੋਂ ਸ਼ੁਰੂ ਕਰਵਾਈ ਜਾਣੀ ਹੈ।
ਉਨ੍ਹਾਂ ਜ਼ਿਲ੍ਹੇ ਦੇ ਸਮੂਹ ਮੱਛੀ ਠੇਕੇਦਾਰ ਉਕਤ ਮਿਤੀ ਅਨੁਸਾਰ ਉਕਤ ਸਥਾਨ ਤੇ ਬੋਲੀ ਵਿੱਚ ਸਮੇਂ ਸਿਰ ਹਾਜ਼ਰ ਹੋਣ। ਉਨ੍ਹਾਂ ਕਿਹਾ ਕਿ ਵਧੇਰੇ ਜਾਣਕਾਰੀ ਜਿਲ੍ਹਾ ਫਾਜਿਲਕਾ ਦੀ ਵੈਬਸਾਈਟ https://fazilka.nic.in ਅਤੇ ਜਲ ਸਰੋਤ ਵਿਭਾਗ ਦੀ ਵੈਬਸਾਈਟ https://irrigation.punjab.gov.in ਤੇ ਵਿਜਟ ਕੀਤੀ ਜਾ ਸਕਦੀ ਹੈ।