ਨਵੀਂ ਦਿੱਲੀ (ਦ ਸਟੈਲਰ ਨਿਊਜ਼), ਪਲਕ। ਇਸਰੋ ਨੇ ਕਿਹਾ ਕਿ ਚੰਦਰਯਾਨ-3 ਦਾ ਲੈਂਡਰ ਵਿਕਰਮ ਚੰਦਰਮਾ ਉੱਤੇ ਸਲੀਪ ਮੋਡ ਵਿੱਚ ਚਲਾ ਗਿਆ ਹੈ ਅਤੇ ਕਰੀਬ 22 ਸਤੰਬਰ ਨੂੰ ਐਕਟਿਵ ਹੋਣ ਦੀ ਉਮੀਦ ਹੈ। ਇਸਰੋ ਨੇ ਸੋਸ਼ਲ ਮੀਡੀਆ ਤੇ ਪੋਸਟ ਸਾਂਝੀ ਕੀਤੀ ਹੈ ਕਿ ਚੰਦਰਯਾਨ-3 ਮਿਸ਼ਨ ਦੇ ਲੈਂਡਰ ਨੂੰ ਸਵੇਰੇ 8.00 ਵਜੇ ਦੇ ਕਰੀਬ ਸਲੀਪ ਮੋਡ ਵਿੱਚ ਸੈੱਟ ਕੀਤਾ ਗਿਆ ਸੀ। ਇਨ੍ਹਾਂ ਨੇ ਜੋ ਡਾਟਾ ਇਕੱਠਾ ਕੀਤਾ ਹੈ ਉਹ ਧਰਤੀ ਤੇ ਆਉਂਦਾ ਰਿਹਾ।
ਉਨ੍ਹਾਂ ਦੱਸਿਆ ਕਿ ਪੇਲੋਡਸ ਨੂੰ ਹੁਣ ਬੰਦ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਚਾਸ਼ਟੇ, ਰੰਭਾ-ਐਲਪੀ ਅਤੇ ਆਈਐਲਐਸਏ ਪੇਲੋਡਸ ਨੇ ਨਵੀਂ ਥਾਂ ਤੇ ਇਨ-ਸੀਟੂ ਪ੍ਰਯੋਗ ਕੀਤੇ। ਲੈਂਡਰ ਰਿਸੀਵਰ ਚਾਲੂ ਰੱਖੇ ਗਏ ਹਨ। ਸੌਰ ਊਰਜਾ ਖਤਮ ਹੋ ਜਾਣ ਤੇ ਬੈਂਟਰੀ ਖਤਮ ਹੋ ਜਾਣ ਉੱਤੇ ਵਿਕਰਮ, ਪ੍ਰਗਿਆਨ ਦੇ ਕੋਲ ਸੌ ਜਾਵੇਗਾ। 22 ਸਤੰਬਰ ਦੇ ਆਸ-ਪਾਸ , ਉਹਨਾਂ ਦੇ ਫਿਰ ਤੋਂ ਜਾਗਣ ਦੀ ਉਮੀਦ ਹੈ।