ਹਰਿਆਣਾ (ਦ ਸਟੈਲਰ ਨਿਊਜ਼)। ਹਰਿਆਣਾ ਵਿੱਚ ਦਿਨੋ-ਦਿਨ ਲੁੱਟਾਂ ਖੋਹਾਂ ਦੀਆਂ ਵਾਰਦਾਤਾਂ ਨੂੰ ਚੋਰਾਂ ਵੱਲੋਂ ਅੰਜਾਮ ਦਿੱਤਾ ਜਾ ਰਿਹਾ ਹੈ। ਜਾਣਕਾਰੀ ਦਿੰਦਿਆਂ ਕੁਲਵੰਤ ਕੌਰ ਨੇ ਦੱਸਿਆ ਕਿ ਉਹ ਆਪਣੇ ਘਰ ਤੋਂ ਬਾਹਰ ਮੇਨ ਰੋਡ ਤੇ ਸੜਕ ਪਾਰ ਕਰਨ ਲਈ ਖੜ੍ਹੀ ਸੀ ਤਾਂ ਹਰਿਆਣਾ ਸਾਈਡ ਤੋਂ ਇੱਕ ਚਿੱਟੇ ਰੰਗ ਦੀ ਕਾਰ ਆਈ ਜਿਸਨੂੰ ਇੱਕ ਬਜੁਰਗ ਵਿਅਕਤੀ ਚਲਾ ਰਿਹਾ ਸੀ ਤੇ ਉਸਦੀ ਨਾਲ ਦੀ ਸੀਟ ਤੇ ਇੱਕ ਬਜੁਰਗ ਔਰਤ ਬੈਠੀ ਸੀ ਤੇ ਪਿਛਲੀ ਸੀਟ ਤੇ ਦੋ ਔਰਤਾਂ ਤੇ ਇੱਕ ਬੱਚਾਂ ਬੈਠਾ ਹੋਇਆ ਸੀ।
ਉਨ੍ਹਾਂ ਨੇ ਉਸਦੇ ਕੋਲ ਕਾਰ ਖੜੀ ਕੀਤੀ ਤੇ ਉਸਨੂੰ ਕਿਹਾ ਕਿ ਤੇਰੀ ਭੈਣ ਆਈ ਹੈ ਇਸਨੂੰ ਮਿਲ ਲੈ ਤੇ ਜਦੋ ਉਹ ਉਸਨੂੰ ਦੇਖਣ ਲੱਗੀ ਤੇ ਉਹ ਔਰਤ ਉਸਦੇ ਗੱਲੇ ਲੱਗ ਕੇ ਮਿਲੀ ਤੇ ਮਿਲਣ ਤੋਂ ਬਾਅਦ ਉਹ ਗੱਡੀ ਲੈ ਕੇ ਫਰਾਰ ਹੋ ਗਏ। ਜਦੋ ਉਹ ਉਥੋਂ ਚੱਲ ਗਏ ਤਾਂ ਉਸਨੇ ਦੇਖਿਆ ਕਿ ਉਸਦੀ ਸੱਜੀ ਬਾਂਹ ਵਿੱਚੋ ਦੋ ਸੋਨੇ ਦੀਆਂ ਬੰਗਾ ਜਿਹਨਾਂ ਦਾ ਵਜਨ 44 ਗ੍ਰਾਮ ਦੇ ਲਗਭਗ ਸੀ ਤੇ ਜਿਸਦੀ ਕੀਮਤ 2.5 ਲੱਖ ਦੇ ਕਰੀਬ ਸੀ ਜੋ ਕਿ ਗਾਇਬ ਸਨ ਤੇ ਔਰਤ ਨੇ ਇਸ ਸਬੰਧੀ ਥਾਣਾ ਹਰਿਆਣਾ ਨੂੰ ਲਿਖਤੀ ਦਰਖਾਸਤ ਦੇ ਦਿੱਤੀ ਹੈ ਤੇ ਉਹਨਾਂ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।