ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਨਗਰ ਨਿਗਮ ਦੇ ਕਮਿਸ਼ਨਰ ਬਲਬੀਰ ਰਾਜ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸ਼ਹਿਰ ਵਿੱਚ ਪੈ ਰਹੀ ਜਿਆਦਾ ਠੰਡ ਕਾਰਨ ਸ਼ਹਿਰਵਾਸੀਆਂ ਨੂੰ ਠੰਡ ਤੋ ਬਚਾਉ ਕਰਨ ਲਈ ਨਗਰ ਨਿਗਮ ਵੱਲੋਂ ਸ਼ਹਿਰ ਦੀਆਂ ਵੱਖ-ਵੱਖ ਮੁੱਖ ਥਾਵਾਂ ਰੇਲਵੇ ਸਟੇਸ਼ਨ, ਬੱਸ ਸਟੈਂਡ, ਮਾਹਿਲਪੁਰ ਅੱਡਾ ਆਦਿ ਵਿਖੇ ਲੱਕੜੀਆਂ ਲਗਾ ਕੇ ਸਵੇਰੇ ਅਤੇ ਸ਼ਾਮ ਅੱਗ ਜਲਾਉਣ ਦਾ ਪ੍ਰਬੰਧ ਕੀਤਾ ਗਿਆ ਹੈ।
ਤਾਂ ਜੋ ਬੇਸਹਾਰਾ ਲੋਕ ਅਤੇ ਯਾਤਰੀ ਇਸ ਅੱਗ ਦਾ ਸਹਾਰਾ ਲੈ ਕੇ ਕੜਾਕੇ ਦੀ ਪੈ ਰਹੀ ਠੰਡ ਤੋਂ ਆਪਣਾ ਬਚਾਉ ਕਰ ਸਕਣ। ਉਹਨਾਂ ਦੱਸਿਆ ਕਿ ਜਦ ਤੱਕ ਜਿਆਦਾ ਠੰਡ ਪੈਦੀਂ ਰਹੇਗੀ ਨਗਰ ਨਿਗਮ ਵਲੋਂ ਇਹ ਪ੍ਰਬੰਧ ਜਾਰੀ ਰੱਖੇ ਜਾਣਗੇ।