ਗੜਸ਼ੰਕਰ(ਦ ਸਟੈਲਰ ਨਿਊਜ਼), ਰਿਪੋਰਟ- ਹਰਦੀਪ ਚੌਹਾਨ। ਪਿੰਡਾਂ ਦੇ ਸਰਵਪੱਖੀ ਵਿਕਾਸ ਲਈ ਯਤਨਸ਼ੀਲ ਸਰਪੰਚਾਂ ਵਿੱਚੋਂ ਬਲਦੀਪ ਸਿੰਘ ਸਰਪੰਚ ਇਬਰਾਹੀਮਪੁਰ ਦਾ ਨਾਮ ਪਹਿਲੀਆਂ ਕਤਾਰਾਂ ਵਿੱਚ ਆਉਂਦਾ ਹੈ।ਨੌਜਵਾਨ ਤੇ ਸੰਘਰਸ਼ੀਲ ਸਰਪੰਚ ਬਲਦੀਪ ਸਿੰਘ ਵਲੋਂ ਹਮੇਸ਼ਾਂ ਪਿੰਡ ਦੀ ਭਲਾਈ ਲਈ ਯਤਨ ਕੀਤੇ ਜਾਂਦੇ ਰਹਿੰਦੇ ਹਨ।ਇਸੇ ਲੜੀ ਵਿੱਚ ਉਹਨਾਂ ਦੇ ਯਤਨਾਂ ਸਦਕਾ ਐਨ ਆਰ ਆਈ ਦਰਸ਼ਨ ਸਿੰਘ ਪਿੰਕਾ ਵਲੋਂ ਪਿੰਡ ਵਿੱਚ ਸ਼੍ਰੀ ਗੁਰੂ ਰਵਿਦਾਸ ਗੁਰਦੁਆਰਾ ਸਾਹਿਬ ਲਈ 251000 ਰੁਪਏ ਦੀ ਆਰਥਿਕ ਸਹਾਇਤਾ ਦਿੱਤੀ ਗਈ।
ਲੋਕ ਭਲਾਈ ਦੇ ਇਸ ਕਾਰਜ਼ ਦੀ ਪ੍ਰਸੰਸਾਂ ਕਰਦਿਆਂ ਸਰਪੰਚ ਬਲਦੀਪ ਸਿੰਘ ਇਬਰਾਹੀਮਪੁਰ ਵਲੋਂ ਪਿੰਡ ਵਾਸੀਆਂ ਦੀ ਹਾਜ਼ਰੀ ਵਿੱਚ ਕਿਹਾ ਕਿ ਸਰਕਾਰਾਂ ਦੇ ਨਾਲ਼ ਨਾਲ ਐਨ ਆਰ ਆਈ ਵੀਰਾਂ ਭੈਣਾਂ ਨੂੰ ਸਮਾਜਿਕ ਤੇ ਧਾਰਮਿਕ ਵਿਕਾਸ ਲਈ ਅੱਗੇ ਆਉਣਾ ਚਾਹੀਦਾ ਹੈ ਤਾਂ ਜੋ ਪਿੰਡਾਂ ਦਾ ਸਰਵਪੱਖੀ ਵਿਕਾਸ ਨਿਰੰਤਰ ਜ਼ਾਰੀ ਰਹੇ। ਉਹਨਾਂ ਲੋਕ ਭਲਾਈ ਕਾਰਜ਼ਾਂ ਲਈ ਐਨ.ਆਰ.ਆਈ ਗੁਰਦੀਪ ਸਿੰਘ ਤੇ ਮੰਗਲ ਸਿੰਘ ਬੰਗਾਂ ਵਲੋਂ ਸਕੂਲ ਵਾਸਤੇ ਦਿੱਤੇ ਇੱਕ ਲੱਖ ਰੁਪਏ ਦਾ ਜ਼ਿਕਰ ਕਰਦਿਆਂ ਐਨ.ਆਰ.ਆਈ ਵੀਰਾਂ ਦਾ ਧੰਨਵਾਦ ਕੀਤਾ।
ਇਸ ਮੌਕੇ ਸਮੂਹ ਪੰਚਾਇਤ ਮੈਂਬਰ, ਮਾਸਟਰ ਬਲਬੀਰ ਸਿੰਘ, ਐਨ.ਆਰ.ਆਈ ਅਵਤਾਰ ਸਿੰਘ, ਠੇਕੇਦਾਰ ਪ੍ਰਕਾਸ਼, ਅਵਤਾਰ ਸਿੰਘ ਮਨੀਲਾ, ਹੈਡ ਟੀਚਰ ਸੁਰਿੰਦਰ ਕੌਰ, ਮਾਸਟਰ ਸਤਪਾਲ, ਸੁਰਿੰਦਰ ਸਿੰਘ ਸਪੇਨ ਤੇ ਪਿੰਡ ਵਾਸੀ ਹਾਜ਼ਰ ਸਨ।