ਜਲੰਧਰ (ਦ ਸਟੈਲਰ ਨਿਊਜ਼): ਆਮ ਆਦਮੀ ਪਾਰਟੀ ਵਿੱਚ ਬਗਾਵਤ ਹੋ ਗਈ ਹੈ। ਜਲੰਧਰ ਵੈਸਟ ਦੀ ਸਿਆਸਤ ਵਿੱਚ ਵੱਡਾ ਬਦਲਾਅ ਆਇਆ ਹੈ। ਹਲਕਾ ਵੈਸਟ ਤੋਂ ‘ਆਪ’ ਦੀ ਟਿਕਟ ਨਾ ਮਿਲਣ ‘ਤੇ ਬਾਗੀ ਹੋਏ ਡਾ: ਸ਼ਿਵ ਦਿਆਲ ਮਾਲੀ ਨੇ ਪੱਛਮੀ ਹਲਕੇ ‘ਚ ਭਾਜਪਾ ਉਮੀਦਵਾਰ ਮਹਿੰਦਰ ਭਗਤ ਨੂੰ ਸਮਰਥਨ ਦਿੱਤਾ ਹੈ |
ਡਾ: ਵਾਲੀਆ ਫਿਲਹਾਲ ਭਾਜਪਾ ਵਿਚ ਸ਼ਾਮਲ ਨਹੀਂ ਹੋਏ ਹਨ ਪਰ ਉਨ੍ਹਾਂ ਦੇ ਸਹਿਯੋਗ ਨਾਲ ਭਗਤ ਭਾਈਚਾਰੇ ਦਾ ਵੋਟ ਬੈਂਕ ਇਕਜੁੱਟ ਹੋ ਸਕਦਾ ਹੈ ਅਤੇ ਮਹਿੰਦਰ ਭਗਤ ਨੂੰ ਚੋਣਾਂ ਵਿਚ ਇਸ ਦਾ ਲਾਭ ਮਿਲਣਾ ਯਕੀਨੀ ਹੈ। ਐਤਵਾਰ ਨੂੰ ਮਹਿੰਦਰ ਭਗਤ ਭਾਰਗਵ ਕੈਂਪ ਵਿਖੇ ਡਾ: ਸ਼ਿਵ ਦਿਆਲ ਮਾਲੀ ਨੂੰ ਮਿਲੇ ਅਤੇ ਲੰਬੀ ਗੱਲਬਾਤ ਤੋਂ ਬਾਅਦ ਡਾ: ਮਾਲੀ ਨੇ ਉਨ੍ਹਾਂ ਦਾ ਸਮਰਥਨ ਕੀਤਾ |ਡਾ: ਮਾਲੀ ਨੇ ਕਿਹਾ ਹੈ ਕਿ ਉਹ ਹਲਕੇ ਦੀ ਬਿਹਤਰੀ ਲਈ ਮਿਲ ਕੇ ਕੰਮ ਕਰਨਗੇ। ਡਾ: ਸ਼ਿਵ ਦਿਆਲ ਮਾਲੀ ਪਿਛਲੇ 6 ਸਾਲਾਂ ਤੋਂ ਜਲੰਧਰ ਪੱਛਮੀ ‘ਚ ਕੰਮ ਕਰ ਰਹੇ ਹਨ ਅਤੇ ਆਮ ਆਦਮੀ ਪਾਰਟੀ ਦੀ ਟਿਕਟ ਦੇ ਸਭ ਤੋਂ ਵੱਡੇ ਦਾਅਵੇਦਾਰ ਸਨ ਪਰ ਆਖਰੀ ਸਮੇਂ ‘ਚ ‘ਆਪ’ ‘ਚ ਸ਼ਾਮਲ ਹੋਈ ਸ਼ੀਤਲ ਅੰਗੁਰਾਲ ਨੂੰ ਟਿਕਟ ਦੇ ਦਿੱਤੀ ਗਈ। ਉਦੋਂ ਤੋਂ ਡਾ: ਮਾਲੀ ਗੁੱਸੇ ‘ਚ ਚੱਲ ਰਹੇ ਸਨ।
ਜੇਕਰ ਉਹ ਆਜ਼ਾਦ ਤੌਰ ‘ਤੇ ਚੋਣ ਲੜਦੇ ਤਾਂ ਭਗਤ ਭਾਈਚਾਰੇ ਦਾ ਵੋਟ ਬੈਂਕ ਵੰਡਿਆ ਜਾ ਸਕਦਾ ਸੀ। ਮਹਿੰਦਰ ਭਗਤ ਨੇ ਡਾ: ਮਾਲੀ ਨੂੰ ਸਮੇਂ ਸਿਰ ਆਪਣੇ ਨਾਲ ਲਿਆਉਣ ਵਿੱਚ ਸਫ਼ਲਤਾ ਹਾਸਲ ਕੀਤੀ ਹੈ। ਡਾ: ਸ਼ਿਵ ਦਿਆਲ ਮਾਲੀ ਕਦੋਂ ਭਾਜਪਾ ‘ਚ ਸ਼ਾਮਲ ਹੋਣਗੇ ਜਾਂ ਬਾਹਰੋਂ ਸਮਰਥਨ ਜਾਰੀ ਰੱਖਣਗੇ ਇਸ ‘ਤੇ ਸਸਪੈਂਸ ਬਣਿਆ ਹੋਇਆ ਹੈ।
