ਜਲੰਧਰ, (ਦ ਸਟੈਲਰ ਨਿਊਜ਼)। ਜਲੰਧਰ ’ਚ ਚੋਰਾਂ ਦੀ ਤਕਨੀਕ ਡਬਲ ਅਤੇ ਇਰਾਦੇ ਪ੍ਰਬਲ ਹੁੰਦੇ ਜਾ ਰਹੇ ਹਨ, ਉੱਥੇ ਹੀ ਪ੍ਰਸ਼ਾਸਨ ਸੁੱਤਾ ਹੋਇਆ ਹੈ। ਦਿਨ ਪ੍ਰਤੀਦਿਨ ਚੋਰਾਂ ਦੀ ਤਕਨੀਕ ਹੋਰ ਵੀ ਡਬਲ ਹੁੰਦੀ ਜਾ ਰਹੀ ਹੈ । ਪਹਿਲੇ ਚੋਰ ਕਿਸੇ ਸਾਮਾਨ ਦੀ ਚੋਰੀ ਕਰਦੇ ਸੀ ਅਤੇ ਉਹ ਪੂਰਾ ਸਮਾਨ ਹੀ ਲੈ ਜਾਂਦੇ ਸਨ ਪਰ ਹੁਣ ਚੋਰਾਂ ਨੇ ਇਕ ਤਰੀਕਾ ਅਪਣਾਇਆ ਹੈ ਕਿ ਪੂਰਾ ਸਮਾਨ ਨਹੀਂ ਤਾਂ ਉਸਦਾ ਕੁਝ ਹਿੱਸਾ ਹੀ ਸਹੀ। ਇਸ ਤਰ੍ਹਾਂ ਦੀਆਂ ਘਟਨਾ ਜਲੰਧਰ ਦੀ ਜੈਨ ਕਾਲੋਨੀ ਵਾਰਡ ਨੰਬਰ 66 ’ਚ ਹੋਈ ਹੈ।
ਦਰਅਸਲ ਮਾਮਲਾ ਇਸ ਤਰ੍ਹਾਂ ਹੈ ਕਿ ਜੈਨ ਕਾਲੋਨੀ ਦੇ ਰਹਿਣ ਵਾਲੇ ਅਰਵਿੰਦ ਵਾਲਿਆ ਜਦੋਂ ਦੇਰ ਰਾਤ 12 ਵਜੇ ਕਿਤੋਂ ਘੁੰਮ ਕੇ ਆ ਰਹੇ ਸਨ ਤਾਂ ਕਿਸੇ ਨੇ ਉਨ੍ਹਾਂ ਨੂੰ ਫੋਨ ਕਰ ਕੇ ਦੱਸਿਆ ਕਿ ਤੁਹਾਡੀ ਕਾਰ ਦੇ ਚਾਰੋਂ ਪਹੀਏ ਚੋਰ ਲੈ ਗਏ ਹਨ, ਜਦੋਂ ਕਾਰ ਦੇ ਮਾਲਕ ਉੱਥੇ ਪਹੁੰਚੇ ਤਾਂ ਦੇਖਿਆ ਕਿ ਸੱਚ ’ਚ ਉਨ੍ਹਾਂ ਦੀ ਕਾਰ ਦੇ ਚਾਰੋਂ ਪਹੀਏ ਕਾਰ ’ਚ ਨਹੀਂ ਸਨ। ਉਨ੍ਹਾਂ ਨੇ ਇਸ ਦੀ ਜਾਣਕਾਰੀ ਪੁਲਸ ਕਰਮਚਾਰੀਆਂ ਨੂੰ ਦਿੱਤੇ ਅਤੇ ਪੁਲਸ ਕਰਮਚਾਰੀਆਂ ਨੇ ਸੀ.ਸੀ.ਟੀ.ਵੀ. ਫੁਟੇਜ ਦੇਖੀ ਅਤੇ ਉਨ੍ਹਾਂ ਨੇ ਭਰੋਸਾ ਦਿੱਤਾ ਕਿ ਕੁਝ ਹੀ ਸਮਾਂ ’ਚ ਇਨ੍ਹਾਂ ਚੋਰਾਂ ਨੂੰ ਅਸੀਂ ਫੜ ਲਵਾਂਗੇ। ਅਜੇ ਤੱਕ ਉਨ੍ਹਾਂ ਚੋਰਾਂ ਦੀ ਪਹਿਚਾਣ ਨਹੀਂ ਹੋ ਸਕੀ ਪਰ ਪੁਲਸ ਨੇ ਨੇ ਦਾਅਵਾ ਕੀਤਾ ਹੈ ਕਿ ਉਹ ਉਨ੍ਹਾਂ ਨੂੰ ਜਲਦ ਹੀ ਫੜ੍ਹ ਲਵੇਗੀ।