ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਵਿਧਾਨਸਭਾ ਵਿੱਚ ਰਸਮੀ ਸਹੁੰ ਚੁੱਕ ਸਮਾਗਮ ਦੌਰਾਨ ਹਲਕਾ ਚੱਬੇਵਾਲ ਦੇ ਵਿਧਾਇਕ ਡਾ. ਰਾਜ ਕੁਮਾਰ ਨੇ ਜਿੱਥੇ ਰਸਮੀ ਸਹੂੰ ਚੁੱਕੀ ਉੱਥੇ ਹੀ ਆਪਣੇ ਹਲਕਾ ਵਾਸੀਆਂ ਦੀ ਇਸੇ ਤਰਾਂ ਸੇਵਾ ਵਿੱਚ ਤੱਤਪਰ ਰਹਿਣ ਦੀ ਵੀ ਸਹੁੰ ਚੁੱਕੀ। ਡਾ. ਰਾਜ ਨੇ ਕਿਹਾ ਕਿ ਉਹਨਾਂ ਦੇ ਹਲਕੇ ਦੀ ਜਨਤਾ ਨੇ ਉਹਨਾਂ ਨੂੰ ਮੁੱੜ ਤੋਂ ਹਲਕੇ ਦੀ ਸੇਵਾ ਦਾ ਜੋ ਮਾਨ ਬਖਸ਼ਿਆ ਹੈ ਉਹ ਉਸ ਤੇ ਖਰਾ ਉਤਰਨ ਲਈ ਪੂਰੀ ਮਿਹਨਤ ਕਰਨਗੇ।
ਉਹਨਾਂ ਨੇ ਕਿਹਾ ਕਿ ਆਪਣੇ ਪਿਛਲੇ ਕਾਰਜਕਾਲ ਵਿੱਚ ਹਲਕੇ ਦੀ ਬਿਹਤਰੀ ਅਤੇ ਤੱਰਕੀ ਲਈ ਉਹਨਾਂ ਨੇ ਕੋਈ ਕਸਰ ਬਾਕੀ ਨਹੀਂ ਛੱਡੀ ਸੀ ਅਤੇ ਭੱਵਿਖ ਵਿੱਚ ਵੀ ਹਲਕਾ ਅਤੇ ਹਲਕਾ ਵਾਸੀਆਂ ਦੀ ਬਿਹਤਰੀ ਲਈ ਜੀ ਜਾਨ ਨਾਲ ਕੰਮ ਕਰਦਾ ਰਹਾਂਗਾ। ਡਾ. ਰਾਜ ਕੁਮਾਰ ਨੇ ਕਿਹਾ ਕਿ ਹਲਕਾ ਉਹਨਾਂ ਦਾ ਘਰ ਹੈ ਅਤੇ ਹਲਕਾ ਵਾਸੀ ਪਾਰਿਵਾਰਕ ਮੈਂਬਰ ਅਤੇ ਇਹਨਾਂ ਦੀ ਤੱਰਕੀ ਹੀ ਉਹਨਾਂ ਦਾ ਇਸ ਮਾੱਤਰ ਟੀਚਾ ਹੈ। ਜਿਸਨੂੰ ਪੂਰਾ ਕਰਨ ਲਈ ਉਹ ਹਲਕਾ ਵਾਸੀਆਂ ਦੇ ਸਹਿਯੋਗ ਅਤੇ ਅਸ਼ੀਰਵਾਦ ਨਾਲ ਕਾਰਜਸ਼ੀਲ ਰਹਿਣਗੇ।