ਕਪੂਰਥਲਾ (ਦ ਸਟੈਲਰ ਨਿਊਜ਼) ਰਿਪੋਰਟ: ਗੌਰਵ ਮੜੀਆ। ਕਾਂਗਰਸ ਪਾਰਟੀ ਵਲੋਂ ਲਗਾਤਾਰ ਇਹ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਉਹ ਹਿੰਦੂਆਂ ਦੀ ਹਿਤੈਸ਼ੀ ਦਿਖਾਈ ਦੇਵੇ, ਲੇਕਿਨ ਜਿਸ ਪਾਰਟੀ ਦੇ ਡੀਐਨਏ ਵਿੱਚ ਹੀ ਹਿੰਦੂ ਵਿਰੋਧ ਹੋਵੇ, ਉਸਦੀ ਪੋਲ ਤਾਂ ਖੁੱਲ ਹੀ ਜਾਂਦੀ ਹੈ। ਉਕਤ ਗੱਲਾਂ ਭਾਜਪਾ ਜਿਲ੍ਹਾ ਉਪ ਪ੍ਰਧਾਨ ਐਡਵੋਕੇਟ ਪਿਊਸ਼ ਮਨਚੰਦਾ, ਭਾਜਪਾ ਮੰਡਲ ਸਕੱਤਰ ਕੁਮਾਰ ਗੌਰਵ ਮਹਾਜਨ ਤੇ ਭਾਜਪਾ ਦੇ ਸਾਬਕਾ ਮੰਡਲ ਸਕੱਤਰ ਸ਼ਾਮ ਕੁਮਾਰ ਭੁਟਾਨੀ ਨੇ ਰਾਜਸਥਾਨ ਦੀ ਗਹਲੋਤ ਸਰਕਾਰ ਦੇ ਵੱਲੋਂ ਅਲਵਰ ਦੇ 300 ਤੋਂ ਜ਼ਿਆਦਾ ਸਾਲ ਪੁਰਾਣੇ ਮੰਦਿਰ ਨੂੰ ਤੋੜਨ ਅਤੇ ਉਸਦੇ ਬਾਅਦ ਗਊਸ਼ਾਲਾ ਨੂੰ ਤਹਿਸਨਹਿਸ ਕਰਕੇ ਗਊ ਮਾਤਾ ਨੂੰ ਤਪਦੀ ਗਰਮੀ ਵਿੱਚ ਜੰਗਲਾਂ ਵਿੱਚ ਭੁੱਖੇ ਪਿਆਸੇ ਛੱਡਣ ਦੀ ਸਖ਼ਤ ਸਬਦਾਂ ਵਿੱਚ ਨਿੰਦਾ ਕਰਦੇ ਹੋਏ ਕਿਹਾ ਕਿ ਰਾਜਸਥਾਨ ਦੀ ਕਾਂਗਰਸ ਸਰਕਾਰ ਨੇ ਹਿੰਦੂਆਂ ਨਾਲ ਬਦਲੇ ਦੀ ਭਾਵਨਾ ਦੇ ਤਹਿਤ 300 ਸਾਲ ਪੁਰਾਣੇ ਧਾਰਮਿਕ ਮੰਦਿਰ ਨੂੰ ਤੋੜਨ ਦਾ ਅਪਰਾਧ ਕੀਤਾ ਹੈ। ਉਨ੍ਹਾਂ ਨੇ ਅਰੋਪ ਲਗਾਇਆ ਕਿ ਮੰਦਿਰ ਵਿੱਚ ਵਿਰਾਜਮਾਨ ਮੂਰਤੀਆਂ ਨੂੰ ਵੀ ਖੰਡਿਤ ਕਰਕੇ ਹਿੰਦੂਆਂ ਦੀਆਂ ਧਾਰਮਿਕ ਭਾਵਨਾਵਾਂ ਦੇ ਨਾਲ ਖਿਲਵਾੜ ਕੀਤਾ ਹੈ।
ਐਡਵੋਕੇਟ ਪਿਊਸ਼ ਮਨਚੰਦਾ ਨੇ ਕਿਹਾ ਕਿ ਜਿਸ ਤਰ੍ਹਾਂ ਔਰੰਗਜੇਬ ਨੇ ਮੰਦਿਰ ਤੋੜੇ ਠੀਕ ਉਸੀ ਤਰਾਂ ਰਾਜਸਥਾਨ ਵਿੱਚ ਗਹਿਲੋਤ ਸਰਕਾਰ ਨੇ ਮੰਦਿਰ ਤੋੜਕੇ ਆਪਣੀ ਹਿੰਦੂ ਵਿਰੋਧੀ ਭਾਵਨਾਵਾਂ ਨੂੰ ਪ੍ਰਗਟਾਵਾ ਕੀਤਾ ਹੈ। ਉਨ੍ਹਾਂਨੇ ਕਿਹਾ ਕਿ ਕਰੋਲੀ, ਜਹਾਂਗੀਰਪੁਰੀ, ਖਰਗੋਨ ਆਦਿ ਸਥਾਨਾਂ ਤੇ ਘੜਿਆਲੀ ਹੰਝੂ ਬਹਾਨ ਵਾਲੀ ਕਾਂਗਰਸ ਹਿੰਦੂਆਂ ਦੀ ਸ਼ਰਧਾ ਤੇ ਬੇਰਹਿਮੀ ਨਾਲ ਚੋਟ ਕਰ ਰਹੀ ਹੈ। ਇਸਦਾ ਨਤੀਜਾ ਕਾਂਗਰਸ ਨੂੰ ਭੁਗਤਣਾ ਪਵੇਗਾ। ਉਨ੍ਹਾਂਨੇ ਕਿਹਾ ਕਿ 300 ਸਾਲ ਪੁਰਾਣਾ ਮੰਦਿਰ ਤੋੜਨਾ ਕਾਂਗਰਸ ਦੇ ਤਾਬੂਤ ਵਿੱਚ ਆਖਰੀ ਕਿੱਲ ਸਾਬਤ ਹੋਵੇਗਾ। ਇਸ ਘਟਨਾ ਦੀ ਸੀਬੀਆਈ ਜਾਂਚ ਅਤੇ ਦੋਸ਼ੀਆਂ ਦੇ ਖਿਲਾਫ ਸਖ਼ਤ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ। ਕੁਮਾਰ ਗੌਰਵ ਮਹਾਜਨ ਨੇ ਕਿਹਾ ਕਿ ਕਾਂਗਰਸ ਸ਼ੁਰੂ ਤੋਂ ਹੀ ਸੇਕਿਊਲਰੀਜਮ ਦੇ ਨਾਮ ਤੇ ਹਿੰਦੂਆਂ ਦਾ ਦਮਨ ਕਰਦੀ ਆਈ ਹੈ ਅਤੇ ਹਿੰਦੂਆਂ ਦੀ ਸ਼ਰਧਾ ਨਾਲ ਖਿਲਵਾੜ ਕਰਦੀ ਰਹੀ ਹੈ। ਰਾਜਸਥਾਨ ਦੀਆਂ ਮੌਜੂਦਾ ਘਟਨਾਵਾਂ ਨੇ ਇੱਕ ਵਾਰ ਫਿਰ ਸਾਬਤ ਕਰ ਦਿੱਤਾ ਹੈ ਕਿ ਇੱਕ ਵਰਗ ਵਿਸ਼ੇਸ਼ ਨੂੰ ਖੁਸ਼ ਕਰਣ ਲਈ ਰਾਜਸਥਾਨ ਦੀ ਕਾਂਗਰਸ ਸਰਕਾਰ ਨੇ ਭੇਦਭਾਵ ਦੀ ਨੀਤੀ ਅਪਣਾਉਂਦੇ ਹੋਏ ਕੇਵਲ ਹਿੰਦੂਆਂ ਦੇ ਮੰਦਿਰ ਅਤੇ ਗਊਸ਼ਾਲਾ ਨੂੰ ਆਪਣਾ ਨਿਸ਼ਾਨਾ ਬਣਾਇਆ, ਇਸ ਗੱਲ ਦੀ ਪੁਸ਼ਟੀ ਦਿੱਲੀ ਦੇ ਜਹਾਂਗੀਰਪੁਰੀ ਪ੍ਰਕਰਣ ਤੋਂ ਵੀ ਹੁੰਦੀ ਹੈ। ਜਿੱਥੇ ਬੰਗਲਾਦੇਸ਼ੀਆਂ ਅਤੇ ਰੋਹਿੰਗੀਆਂ ਦੇ ਨਾਜਾਇਜ਼ ਕਬਜੇ ਨੂੰ ਸਰਕਾਰ ਵਲੋਂ ਤੋੜਨ ਦੀਆਂ ਕੋਸ਼ਿਸ਼ਾਂ ਦੇ ਖਿਲਾਫ ਕਾਂਗਰਸ ਨੇ ਆਪਣੇ ਵਕੀਲ ਖੜੇ ਕਰਕੇ ਨਾਜਾਇਜ਼ ਕਬਜੇ ਹਟਾਣ ਦੀ ਕਾਰਵਾਈ ਨੂੰ ਸਟੇ ਕਰਵਾ ਲਿਆ। ਸ਼ਾਮ ਕੁਮਾਰ ਭੁਟਾਨੀ ਨੇ ਕਿਹਾ ਕਿ ਰਾਜਸਥਾਨ ਵਿੱਚ ਕਾਂਗਰਸ ਸਰਕਾਰ ਦੀ ਹਿਫਾਜ਼ਤ ਵਿੱਚ ਲਗਾਈ ਜਾ ਰਹੀ ਹਿੰਦੂਆਂ ਦੀ ਸ਼ਰਧਾ ਨੂੰ ਚੋਟ ਦਾ ਖਾਮਿਆਜਾ ਕਾਂਗਰਸ ਨੂੰ ਭੁਗਤਣਾ ਪਵੇਗਾ, ਕਿਉਂਕਿ ਹੁਣ ਹਿੰਦੂ ਸਮਾਜ ਜਾਗ੍ਰਤ ਹੋ ਰਿਹਾ ਹੈ ਅਤੇ ਕਾਂਗਰਸ ਦੇ ਕਾਲੇ ਮਨਸੂਬੇ ਸਮਝ ਚੁੱਕਿਆ ਹੈ।