ਕਪੂਰਥਲਾ (ਦ ਸਟੈਲਰ ਨਿਊਜ਼): ਗੌਰਵ ਮੜੀਆ। ਮਾਣਯੋਗ ਅਨੁਪਮ ਕਲੇਰ ਕਮਿਸ਼ਨਰ ਨਗਰ ਨਿਗਮ ਕਪੂਰਥਲਾ ਜੀ ਦੇ ਹੁਕਮਾਂ ਅਨੁਸਾਰ ਦਫਤਰ ਨਗਰ ਨਿਗਮ ਕਪੂਰਥਲਾ ਦੇ ਸਕੱਤਰ ਸੁਸ਼ਾਂਤ ਭਾਟੀਆ ਜੀ ਦੀ ਅਗਵਾਈ ਹੇਠ ਦਫ਼ਤਰ ਦੀ ਰੈਂਟ/ਤਹਿਬਜਾਰੀ ਸ਼ਾਖਾ ਵੱਲੋਂ ਸੁਲਤਾਨਪੁਰ ਰੋਡ ਸਬਜ਼ੀ ਮੰਡੀ ਦੇ ਸਾਹਮਣੇ ਨਵੇਂ ਬਣ ਰਹੇ ਨਜਾਇਜ਼ ਖੋਖਿਆ ਨੂੰ JCB ਮਸ਼ੀਨ ਨਾਲ ਹਟਾਇਆ ਗਿਆ । ਜਦੋਂ ਨਗਰ ਨਿਗਮ ਦੀ ਟੀਮ ਵੱਲੋਂ ਖੋਖਿਆ ਨੂੰ ਹਟਾਇਆ ਗਿਆ ਤੇ ਖੋਖੇ ਵਾਲਿਆ ਵੱਲੋਂ ਨਗਰ ਨਿਗਮ ਕਪੁਰਥਲਾ ਦੇ ਮੁਲਾਜ਼ਮਾਂ ਨਾਲ਼ ਕਾਫੀ ਜਿਆਦਾ ਬਹਿਸ ਕੀਤੀ ਗਈ ਅਤੇ ਕਾਫ਼ੀ ਲੋਕਾ ਨੁੰ ਇੱਕਠੇ ਕਰਕੇ ਹੰਗਾਮਾ ਕੀਤਾ ਗਿਆ ਤੇ ਨਗਰ ਨਿਗਮ ਕਪੂਰਥਲਾ ਦੀ ਟਰਾਲੀ ਦੇ ਅੱਗੇ ਖੜ ਕੇ ਟਰਾਲੀ ਨੂੰ ਜਾਣ ਤੋਂ ਰੋਕ ਲਿਆ ਗਿਆ। ਜਿਸ ਨਾਲ ਰੋਡ ਉਪਰ ਕਾਫੀ ਜਾਮ ਲੱਗ ਗਿਆ।
ਜਦੋਂ ਨਗਰ ਨਿਗਮ ਕਪੂਰਥਲਾ ਦੇ ਮੁਲਾਜ਼ਮਾਂ ਵੱਲੋਂ ਉੱਚ ਅਧਿਕਾਰੀਆਂ ਨੂੰ ਇਤਲਾਹ ਕੀਤੀ ਗਈ ਤਾਂ ਨਗਰ ਨਿਗਮ ਕਪੂਰਥਲਾ ਦੇ ਸਕੱਤਰ ਸੁਸ਼ਾਂਤ ਭਾਟੀਆ ਜੀ ਵੱਲੋਂ ਮੌਕੇ ਤੇ ਪਹੁੰਚ ਕੇ ਮਸਲੇ ਨੂੰ ਸੁਲਝਾਇਆ ਗਿਆ ਅਤੇ ਉਸ ਜਗ੍ਹਾ ਤੇ ਬਾਕੀ ਜਿੰਨੇ ਵੀ ਪੁਰਾਣੇ ਨਜਾਇਜ਼ ਖੋਖੇ ਵਾਲਿਆ ਨੂੰ ਚੇਤਾਵਨੀ ਦਿੱਤੀ ਗਈ ਕਿ ਉਹ ਅਪਣੇ ਆਪਣੇ ਖੋਖਿਆ ਨੂੰ ਜਲਦ ਤੋਂ ਜਲਦ ਹਟਾ ਲਿਆ ਜਾਵੇ ਜੇਕਰ ਲੋਕਾਂ ਵੱਲੋਂ ਨਜਾਇਜ਼ ਖੋਖੇ ਨਹੀਂ ਹਟਾਏ ਜਾਂਦੇ ਤਾਂ ਉਹਨਾਂ ਉੱਪਰ PMC ਐਕਟ 1976 ਅਧੀਨ ਕਾਰਵਾਈ ਆਰੰਭ ਕਰ ਦਿੱਤੀ ਜਾਵੇਗੀ । ਇਸ ਟੀਮ ਵਿੱਚ ਗੁਰਮੀਤ ਸਿੰਘ ਐਸ.ਉ,ਕੁਲਵੰਤ ਸਿੰਘ ਇੰਸਪੈਕਟਰ, ਜਗਦੀਸ਼ ਕੁਮਾਰ ਇੰਸਪੈਕਟਰ, ਸੰਜੀਵ ਇੰਸਪੈਕਟਰ ਸੰਜੇ ਧੀਰ ਜੇ. ਏ, ਨਰੇਸ਼ ਕੁਮਾਰ ਇੰਸਪੈਕਟਰ,ਗੁਰਦੀਪ ਸਿੰਘ, ਨਵਜੋਤ ਸਿੰਘ, ਗੌਰਵ ਸ਼ੁਕਲਾ, ਇਵਾਸ਼ੂ, ਅਜੈ ਕੁਮਾਰ, ਜਗਦੀਪ ਸਿੰਘ,ਕਰਨਵੀਰ, ਗਰੀਸ਼ ਪਾਠਕ ਅਤੇ ਹੋਰ ਆਦਿ ਹਾਜ਼ਿਰ ਸਨ।
