ਗੁਰਦਾਸਪੁਰ (ਦ ਸਟੈਲਰ ਨਿਊਜ਼), ਰਿਪੋਰਟ ਪੰਕਜ। ਗੁਰਦਾਸਪੁਰ ਦੇ ਇਲਾਕੇ ਪਿੰਡ ਧੀਰੋਵਾਲ ਵਿੱਚ ਬਰਸਾਤੀ ਨਾਲੇ ਵਿੱਚ ਡੁੱਬਣ ਨਾਲ ਕਾਰਨ ਦੋ ਬੱਚਿਆਂ ਦੀ ਮੌਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਡੀਐੱਸਪੀ ਸ਼੍ਰੀ ਹਰਗੋਬਿੰਦਪੁਰ ਰਾਜੇਸ਼ ਕੱਕੜ ਨੇ ਦੱਸਿਆ ਕਿ ਦਿਲਪ੍ਰੀਤ ਜਿਸਦੀ ਉਮਰ 13 ਸਾਲ ਅਤੇ ਜਸਕਰਨ ਜਿਸਦੀ ਉਮਰ 14 ਸਾਲ ਜਿਹਨਾਂ ਦੀ ਪਹਿਚਾਣ ਵਾਸੀ ਪਿੰਡ ਧੀਰੋਵਾਲ ਵਜੋ ਹੋਈ ਹੈ।
ਉਹ ਦੋਵੇ ਪਿੰਡ ਧੀਰੋਵਾਲ ਨੇੜੇ ਬਰਸਾਤੀ ਨਾਲੇ ਵਿੱਚ ਪਾਣੀ ਦੇਖਣ ਗਏ ਇਸ ਦੌਰਾਨ ਦੋਵਾਂ ਦਾ ਪੈਰ ਤਿਲਕ ਗਿਆ ਅਤੇ ਪਾਣੀ ਵਿੱਚ ਡਿੱਗ ਗਏ। ਰਾਤ ਨੂੰ ਹਨ੍ਹੇਰੇ ਕਾਰਨ ਬੱਚਿਆਂ ਨੂੰ ਲੱਭਣ ਦੀ ਸਮੱਸਿਆ ਆਈ ਸੀ ਪਰ ਸਵੇਰੇ ਬੱਚਿਆਂ ਦੀਆ ਲਾਸ਼ਾਂ ਬਰਾਮਦ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਦੋਵਾਂ ਦੀ ਮੌਤਾਂ ਦੇ ਕਾਰਨ ਪੂਰੇ ਪਿੰਡ ਵਿੱਚ ਮਾਤਮ ਛਾਇਆ ਹੋਇਆ ਹੈ ਅਤੇ ਪਰਿਵਾਰ ਵਾਲਿਆਂ ਦਾ ਰੋ-ਰੋ ਬੁਰਾ ਹਾਲ ਹੈ।