ਪਠਾਨਕੋਟ (ਦ ਸਟੈਲਰ ਨਿਊਜ਼), ਰਿਪੋਰਟ ਪੰਕਜ। ਪਠਾਨਕੋਟ ਵਿੱਚ 20 ਦਿਨਾਂ ਬਾਅਦ ਚੰਬਾ-ਭਰਮੌਰ ਹਾਈਵੇ ਤੇ ਰਾਵੀ ਦਰਿਆ ਵਿੱਚੋਂ ਲਾਸ਼ ਮਿਲਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮ੍ਰਿਤਕ ਦੀ ਪਹਿਚਾਣ ਅਭਿਮਨਿਊ ਭਨੋਟ ਹਿਮਾਚਲ ਵਜੋ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਭਿਮਨਿਊ ਲੂਨਾ ਦੇ ਇੱਕ ਫੂਡ ਕੈਫੇ ਵਿੱਚ ਕੰਮ ਕਰਦਾ ਸੀ ਅਤੇ ਉਹ 16 ਨਵੰਬਰ ਨੂੰ ਲਾਪਤਾ ਹੋ ਗਿਆ ਸੀ, ਤੇ ਉਸਦੀ ਲਾਸ਼ 20 ਦਿਨ ਬਾਅਦ ਭਰਮੌਰ ਹਾਈਵੇਅ ਤੇ ਰਾਵੀ ਦਰਿਆ ਵਿੱਚੋ ਬਰਾਮਦ ਹੋਈ ਹੈ।
ਉਸਦੇ ਭਰਾ ਨੇ ਦੱਸਿਆ ਕਿ ਉਸਨੂੰ ਅਭਿਮਨਿਊ ਦਾ ਫੋਨ ਆਇਆ ਸੀ ਕਿ 14 ਵਿਅਕਤੀ ਕੈਫੇ ਵਿੱਚ ਆਏ ਅਤੇ ਉਸ ਤੇ ਹਮਲਾ ਕਰ ਦਿੱਤਾ ਅਤੇ ਉਹ ਆਪਣੀ ਜਾਨ ਬਚਾਉਣ ਲਈ ਉੱੱਥੋ ਭੱਜ ਕੇ ਇੱਕ ਸੜਕ ਤੇ ਆ ਗਿਆ ਤੇ ਅਚਾਨਕ ਉਸਦਾ ਫੋਨ ਬੰਦ ਹੋ ਗਿਆ। ਪੁਲਿਸ ਨੇ ਫੂਡ ਕੈਫੇ ਦੇ ਮਾਲਕ ਸਮੇਤ 15 ਲੋਕਾਂ ਖਿਲਾਫ ਮਾਮਲਾ ਦਰਜ ਕਰ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।