ਹੁਸ਼ਿਆਰਪੁਰ/ਹਰਿਆਣਾ(ਦਾ ਸਟੈਲਰ ਨਿਊਜ਼)। ਵਿਧਾਇਕ ਪਵਨ ਕੁਮਾਰ ਆਦੀਆ ਨੇ ਬੀ.ਪੀ.ਈ.ਓ ਦਫਤਰ ਭੂੰਗਾ ਵਿਖੇ ਬਲਾੱਕ 1 ਤੇ 2 ਦੇ ਸਕੂਲਾਂ ਨੂੰ 92 ਟਿਊਬ ਲਾਈਟਾਂ ਤੇ 75 ਪੱਖੇ ਵੰਡੇ। ਇਸ ਮੌਕੇ ਆਦੀਆ ਨੇ ਕਿਹਾ ਕਿ ਸਰਕਾਰ ਵਲੋਂ ਪ੍ਰਾਈਮਰੀ ਸਕੂਲ ਸਿੱਖਿਆ ਅੰਦਰ ਹੋਰ ਸੁਧਾਰ ਲਿਆਉਣ ਲਈ ਅਨੇਕਾ ਕਿਸਮ ਦੀਆਂ ਸਕੀਮਾਂ ਸ਼ੁਰੂ ਕੀਤੀਆ ਗਈਆਂ ਹਨ ਤਾਂ ਜੋ ਇਹਨਾਂ ਸਕੂਲਾਂ ਅੰਦਰ ਪੜ ਰਹੇ ਵਿਦਿਆਰਥੀ ਵੀ ਪ੍ਰਾਈਵੇਟ ਸਕੂਲਾਂ ਵਾਗ ਸਹੂਲਤਾਂ ਦਾ ਆਨੰਦ ਮਾਣ ਸਕਣ।
ਉਹਨਾਂ ਕਿਹਾ ਕਿ ਇਸੇ ਤਰਾਂ ਦੀ ਹੀ ਇਕ ਸਕੀਮ ਸਮਰਪਣ ਦੀ ਸ਼ੁਰੂਆਤ ਕੀਤੀ ਗਈ ਸੀ, ਜਿਸ ਤਹਿਤ ਸਮਰਪਣ ਦੇ ਮੈਬਰ ਤੋਂ 365 ਰੁਪਏ ਲਏ ਜਾਂਦੇ ਹਨ ਤੇ ਇਕੱਠੇ ਕੀਤੇ ਗਏ ਪੈਸੇ ਨੂੰ ਸਕੂਲ ਸਿੱਖਿਆ ਦੇ ਸੁਧਾਰ ਲਈ ਵਰਤਿਆ ਜਾ ਰਿਹਾ ਹੈ, ਜਿਸ ਤਹਿਤ ਅੱਜ ਵੱਖ ਵੱਖ ਸਕੂਲਾਂ ਲਈ ਉਹਨਾਂ ਦੀ ਮੰਗ ਅਨੁਸਾਰ ਪੱਖੇ ਤੇ ਟਿਊਬ ਲਾਈਟਾਂ ਦਿੱਤੀਆਂ ਜਾ ਰਹੀਆਂ ਹਨ।
ਇਸ ਮੌਕੇ ਮੋਹਣ ਸਿੰਘ ਲੇਹਲ ਜਿਲਾ ਸਿੱਖਿਆ ਅਫਸਰ (ਸ), ਜਸਪਾਲ ਸਿੰਘ ਪੰਡੋਰੀ ਪ੍ਰਧਾਨ ਬਲਾਕ ਕਾਂਗਰਸ ਭੂੰਗਾ, ਸੁਰਿੰਦਰ ਪਾਲ ਬੀ.ਪੀ.ਈ.ਓ ਭੂੰਗਾ 1, ਪ੍ਰਕਾਸ਼ ਚੰਦ ਬੀ.ਪੀ.ਈ.ਓ ਭੂੰਗਾ 2, ਰੇਖਾ ਰਾਣੀ ਤੇ ਸੰਜੀਵ ਕੁਮਰ ਲੇਖਾਕਾਰ, ਕੁਲਵੀਰ ਸਿੰਘ ਏ.ਬੀ.ਐਮ, ਜਸਵਿਦਰ ਕੌਰ, ਮਮਤਾ ਰਾਣੀ ਸਰਬਜੀਤ ਸਿੰਘ ਕੰਗ, ਜਸਵੀਰ ਸਿੰਘ ਵਾਲੀਆ, ਪੱਪੂ ਗੋਰਾਇਆ, ਜਗਤਜੀਤ ਸਿੰਘ, ਵਿਸ਼ਨੂੰ ਤਿਵਾੜੀ, ਕੁਲਵਿੰਦਰ ਸਿੰਘ ਬਿੱਲਾ, ਰਾਮ ਕੁਮਾਰ, ਸੁਖਜਿੰਦਰ ਸਿੰਘ ਪਨੂੰ, ਹਰਦੀਪ ਸਿੰਘ ਤੇ ਹੋਰ ਹਾਜ਼ਰ ਸਨ।
