ਫਗਵਾੜਾ (ਦ ਸਟੈਲਰ ਨਿਊਜ਼)। ਸਮਾਜ ਸੇਵਾ ਕਰਨ ਲਈ ਨੇਕ ਇਰਾਦਿਆਂ ਦੀ ਲੋੜ ਹੁੰਦੀ ਹੈ। ਜੋ ਬੱਚੇ ਚੰਗੀ ਸੋਚ ਅਤੇ ਇਮਾਨਦਾਰੀ ਨਾਲ ਅਗੇ ਵਧਦੇ ਹਨ ਉਹ ਹਮੇਸ਼ਾ ਕਾਮਯਾਬ ਹੋ ਕੇ ਮੰਜਿਲਾਂ ਨੂੰ ਸਰ ਕਰਦੇ ਹਨ । ਅਜਿਹਾ ਹੀ ਇਕ ਲੋਕ ਭਲਾਈ ਦਾ ਕਾਰਜ ਹਿਮਾਂਸ਼ੂ (ਜਮਾਤ 12ਵੀਂ ) ਅਤੇ ਗੋਪੀ (ਜਮਾਤ 7ਵੀਂ ) ਨੇ ਕਰਕੇ ਵਿਖਾਇਆ ਹੈ। ਇਨ੍ਹਾਂ ਦੋਵੇ ਬੱਚਿਆਂ ਨੇ 10 ਹਜ਼ਾਰ ਰੁਪਏ ਲੋਨ ਲੈ ਕੇ ਗੋਲ ਚੌਂਕ ਵਿਖੇ ਸੰਗਤਾ ਲਈ ਠੰਢੇ ਮਿੱਠੇ ਜਲ ਦੀ ਛਬੀਲ ਲਗਾਈ ਜਦੋ ਸਰਦਾਰ ਬਲਵਿੰਦਰ ਸਿੰਘ ਧਾਲੀਵਲ ਜੀ ਵਿਧਾਇਕ ਫਗਵਾੜਾ ਨੇ ਦੋਵੇ ਬੱਚਿਆਂ ਦੇ ਇਸ ਉਪਰਾਲੇ ਬਾਰੇ ਸੁਣਿਆ ਤੇ ਉਹ ਤੁਰੰਤ ਗੋਲ ਚੌਂਕ ਵਿਖੇ ਲਗਾਈ ਛਬੀਲ ਕੋਲ ਪੁੱਜੇ ਅਤੇ ਦੋਵੇ ਬੱਚਿਆਂ ਦੀ ਹੌਸਲਾ ਅਫਜਾਈ ਕੀਤੀ।
ਉਨ੍ਹਾਂ ਨੇ ਦੋਵੇ ਬੱਚਿਆਂ ਨੂੰ ਭਰੋਸਾ ਦਿਵਾਇਆ ਕਿ ਜਿਹੜੇ 10 ਹਜ਼ਾਰ ਰੁਪਏ ਉਨ੍ਹਾਂ ਨੇ ਲੋਨ ਲੈਕੇ ਛਬੀਲ ਲਗਾਈ ਹੈ ਉਹ 10 ਹਜ਼ਾਰ ਰੁਪਏ ਧਾਲੀਵਾਲ ਸਾਹਿਬ ਆਪਣੇ ਵਲੋਂ ਭਰਨਗੇ ਅਤੇ ਇਹਨਾਂ ਬੱਚਿਆਂ ਨੂੰ ਅੱਗੇ ਤੋਂ ਕਦੇ ਵੀ ਕਿਸੇ ਵੀ ਲੋਕ ਭਲਾਈ ਕਾਰਜ ਲਈ ਜੋ ਵੀ ਕੋਈ ਲੋੜ ਹੋਵੇ ਤਾ ਉਨ੍ਹਾਂ ਦੀ ਮਦਦ ਧਾਲੀਵਾਲ ਸਾਹਿਬ ਕਰਦੇ ਰਹਿਣਗੇ।
