ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਮੌਜੂਦਾ ਸਮੇਂ ਵਿਚ ਸੰਸਾਰ ਵਿਚ ਸੰਤਾਂ-ਮਹਾਤਮਾਵਾਂ ਦੀ ਬਹੁਤ ਲੋੜ ਹੈ, ਉਨਾਂ ਦੀਆਂ ਸਿੱਖਿਆਵਾਂ ਨੂੰ ਹਾਸਲ ਕਰਕੇ ਸਾਰੇ ਭਗਤੀ ਮਾਰਗ ’ਤੇ ਅੱਗੇ ਵੱਧਦੇ ਹੋਏ ਖੁਦ ਆਨੰਦਮਈ ਜੀਵਨ ਬਤੀਤ ਕਰੀਰੇ ਅਤੇ ਜਨ ਜਨ ਤੱਕ ਗਿਆਨ ਰੂਪੀ ਰੋਸ਼ਨੀ ਪਹੁੰਚਾਉਣ ਦਾ ਸਾਧਨ ਬਣੀਏ। ਇਹ ਉਦਗਾਰ ਸਤਿਗੁਰ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਨੇ 74ਵੇਂ ਸਲਾਨਾ ਨਿਰੰਕਾਰੀ ਸੰਤ ਸਮਾਗਮ ਦੇ ਸਮਾਪਨ ਮੌਕੇ ਵਰਚੁਅਲ ਰੂਪ ’ਚ ਵਿਸ਼ਵਭਰ ਦੇ ਸ਼ਰੱਧਾਲੁ ਭਗਤਾਂ ਨੂੰ ਸੰਬੋਧਨ ਕਰਦੇ ਹੋਏ ਪ੍ਰਗਟ ਕੀਤੇ। ਇਸ ਤਿੰਨ ਰੋਜ਼ਾ ਸਮਾਗਮ ਦਾ ਸਫਲਤਾਪੂਰਵਕ ਸਮਾਪਤ ਹੋਇਆ ਜਿਸਦਾ ਭਰਪੂਰ ਆਨੰਦ ਮਿਸ਼ਨ ਦੀ ਵੈਬਸਾਈਟ ਅਤੇ ਸਾਧਨਾ ਟੀ . ਵੀ . ਚੈਨਲ ਰਾਹੀਂ ਵਿਸ਼ਵ ਭਰ ਦੇ ਸ਼ਰੱਧਾਲੂ ਭਗਤਾਂ ਅਤੇ ਪ੍ਰਭੁ ਪ੍ਰੇਮੀਆਂ ਨੇ ਲਿਆ।
ਸਤਿਗੁਰੂ ਮਾਤਾ ਜੀ ਨੇ ਕਿਹਾ ਕਿ ਬ੍ਰਹਮਗਿਆਨ ਨਾਲ ਭਗਤੀ ਮਾਰਗ ਉੱਤੇ ਚਲਦੇ ਹੋਏ ਪਰਮਾਤਮਾ ’ਤੇ ਦਿ੍ਰੜ ਵਿਸ਼ਵਾਸ ਰੱਖਕੇ ਜੀਵਨ ਆਨੰਦਿਤ ਹੋ ਜਾਂਦਾ ਹੈ । ਜਦੋਂ ਅਸੀਂ ਪਰਮਾਤਮਾ ਨੂੰ ਜੀਵਨ ਦਾ ਆਧਾਰ ਬਣਾ ਲੈਂਦੇ ਹਾਂ ਅਤੇ ਪੂਰਨ ਤੌਰ ’ਤੇ ਉਸ ਵਿੱਚ ਸਮਰਪਿਤ ਹੋ ਕੇ ਮਨ ’ਚ ਜਦੋਂ ਸਤਸੰਗ , ਸੇਵਾ , ਸਿਮਰਨ ਦੀ ਲਗਨ ਲੱਗ ਜਾਂਦੀ ਹੈ ਤਾਂ ਇਹ ਜੀਵਨ ਅਸਲੀਅਤ ਵਿੱਚ ਮਹਿਕ ਉੱਠਦਾ ਹੈ । ਇਸ ਲਈ ਸਾਨੂੰ ਇਸ ਨਿਰੰਕਾਰ ਪ੍ਰਭੂ ਦੇ ਰੰਗ ਵਿੱਚ ਲਗਾਤਾਰ ਰੰਗੇ ਰਹਿਣਾ ਚਾਹੀਦਾ ਹੈ ਅਤੇ ਆਪਣਾ ਵਿਸ਼ਵਾਸ ਇੰਨਾ ਦਿ੍ਰੜ ਬਣਾਈਏ ਕਿ ਫਿਰ ਕਿਸੇ ਵੀ ਅਵਸਥਾ ਵਿੱਚ ਉਹ ਡੋਲ ਨਹੀਂ ਪਾਈਏ।
ਕਵੀ ਸੰਮੇਲਨ
ਸਮਾਗਮ ਦੇ ਸਮਾਪਤੀ ਦੌਰ ਵਿੱਚ ਇੱਕ ਬਹੁ-ਭਾਸ਼ੀ ਕਵੀ ਸੰਮੇਲਨ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿੱਚ ‘ਸ਼ਰਧਾ ਭਗਤੀ ਵਿਸ਼ਵਾਸ ਰਹੇ , ਮਨ ਵਿੱਚ ਆਨੰਦ ਦਾ ਵਾਸ ਰਹੇ’’ ਸਿਰਲੇਖ ਉੱਤੇ ਅਨੇਕਾਂ ਕਵੀਆਂ ਨੇ ਹਿੰਦੀ , ਪੰਜਾਬੀ , ਮੁਲਤਾਨੀ , ਹਰਿਆਣਵੀ , ਉਰਦੂ ਅਤੇ ਅੰਗਰੇਜ਼ੀ ਭਾਸ਼ਾ ਵਿੱਚ ਆਪਣੀਆਂ ਆਪਣੀਆਂ ਕਵਿਤਾਵਾਂ ਪੜੀਆਂ ।
ਸਮਾਗਮ ਸਮਾਰਿਕਾ : –
ਸਮਾਗਮ ਦੇ ਮੁੱਖ ਵਿਸ਼ਾ ‘ਵਿਸ਼ਵਾਸ ਭਗਤੀ ਆਨੰਦ’ ਉੱਤੇ ਆਧਾਰਿਤ ਇੱਕ ਵਿਸ਼ੇਸ਼ ਸਮਾਰਿਕਾ ਸਮਾਗਮ ਦੇ ਦੋ ਦਿਨ ਪਹਿਲਾਂ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਦੇ ਕਰਕਮਲਾਂ ਨਾਲ ਪ੍ਰਕਾਸ਼ਿਤ ਕੀਤੀ ਗਈ ਜਿਸ ਵਿੱਚ ਹਿੰਦੀ , ਅੰਗਰੇਜ਼ੀ ਅਤੇ ਪੰਜਾਬੀ ਭਾਸ਼ਾਵਾਂ ਵਿੱਚ ਲੇਖ ਸਮਿੱਲਤ ਕੀਤੇ ਗਏ ਹਨ ।
ਨਿਰੰਕਾਰੀ ਪ੍ਰਦਰਸ਼ਨੀ
ਇਸ ਸਾਲ ਵਰਚੁਅਲ ਰੂਪ ਵਿੱਚ ਨਿਰੰਕਾਰੀ ਪ੍ਰਦਰਸ਼ਨੀ ਸਮਾਗਮ ਦੇ ਕੁੱਝ ਦਿਨ ਪਹਿਲਾਂ ਹੀ ਮਿਸ਼ਨ ਦੀ ਵੈਬਸਾਈਟ ਉੱਤੇ ਦਰਸ਼ਾਈ ਗਈ ਜਿਸ ਵਿੱਚ ਮਿਸ਼ਨ ਦੇ ਇਤਿਹਾਸ ਅਤੇ ਸਤਿਗੁਰੂ ਦੀ ਕਲਿਆਣ ਯਾਤਰਾਵਾਂ ਅਤੇ ਹੋਰ ਗਤੀਵਿਧੀਆਂ ਨੂੰ ਮਾਡਲਾਂ ਅਤੇ ਚਿਤਰਾਂ ਦੀ ਸਹਾਇਤਾ ਨਾਲ ਨਿਰੰਕਾਰੀ ਪ੍ਰਦਰਸ਼ਨੀ ਅਤੇ ਬਾਲ ਪ੍ਰਦਰਸ਼ਨੀ ਦੇ ਰੂਪ ਵਿੱਚ ਵਿਖਾਇਆ ਗਿਆ । ਇਸ ਪ੍ਰਦਰਸ਼ਨੀ ਵਿੱਚ ‘ਵਿਸ਼ਵਾਸ ਭਗਤੀ ਆਨੰਦ’ ਵਿਸ਼ਾ ਉੱਤੇ ਆਧਾਰਿਤ ਲਘੁ ਨਾਟਕ ਨੂੰ ਪ੍ਰੋਗਰਾਮ ਦੇ ਰੂਪ ਵਿੱਚ ਵੀ ਪੇਸ਼ ਕੀਤਾ ਗਿਆ ।