ਮਾਹਿਲਪੁਰ (ਦ ਸਟੈਲਰ ਨਿਊਜ਼)। ਸੂਬੇ ਭਰ ਵਿੱਚ ਹੋਈਆ ਵਿਧਾਨ ਸਭਾ ਚੋਣਾ ਵਿੱਚ ਆਪ ਦੇ ਹੱਕ ਵਿੱਚ ਆਏ ਨਤੀਜੇ ਸੂਬੇ ਦੇ ਆਮ ਲੋਕਾ ਦੀ ਜਿੱਤ ਹੋਈ ਹੈ। ਸੂਬੇ ਦੇ ਲੋਕ ਸੱਚਮੁੱਚ ਬਦਲਾਅ ਚਾਹੁੰਦੇ ਸਨ ਜੋ ਆਮ ਆਦਮੀ ਬਹੁਤ ਵੱਡੇ ਮਾਰਜ਼ਨ ਨਾਲ ਵਿਧਾਨ ਸਭਾ ਚੋਣਾ ਜਿੱਤੀ ਹੈ। ਇਹਨਾ ਵਿਚਾਰਾ ਦਾ ਪ੍ਰਗਟਾਵਾ ਹਲਕਾ ਗੜ੍ਹਸ਼ੰਕਰ ਤੋ ਆਪ ਆਗੂ ਜਸਪ੍ਰੀਤ ਸਿੰਘ ਫਲੋਰਾ ਨੇ ਗੱਲਬਾਤ ਕਰਦਿਆ ਕੀਤਾ ਅਤੇ ਕਿਹਾ ਕਿ ਇਸ ਵਾਰ ਫਿਰ ਤੋ ਹਲਕਾ ਗੜ੍ਹਸ਼ੰਕਰ ਦੇ ਵੋਟਰਾ ਨੇ ਆਪ ਦੇ ਉਮੀਦਵਾਰ ਜੈ ਕ੍ਰਿਸ਼ਨ ਸਿੰਘ ਰੋੜੀ ਤੇ ਵਿਸ਼ਵਾਸ ਕਰ ਕੇ ਦੁਬਾਰਾ ਜਿਤਾ ਕੇ ਆਪ ਦੀ ਸਰਕਾਰ ਬਨਾਉਣ ਵਿੱਚ ਵੱਡਾ ਯੋਗਦਾਨ ਪਾਇਆ ਹੈ।
ਇਸ ਮੋਕੇ ਉਹਨਾ ਕਿਹਾ ਕਿ ਇਸ ਵਾਰ ਜਿਥੇ ਸੂਬੇ ਦੇ ਲੋਕਾ ਨੇ ਰਵਾਇਤੀ ਪਾਰਟੀਆ ਨੂੰ ਹਰਾ ਕੇ ਆਮ ਲੋਕਾ ਦੀ ਸਰਕਾਰ ਦੇ ਹੱਥ ਫੱਤਵਾ ਦਿੱਤਾ ਹੈ ਉਥੇ ਹੀ ਆਮ ਆਦਮੀ ਪਾਰਟੀ ਆਮ ਲੋਕਾ ਦੀ ਸਰਕਾਰ ਸੂਬੇ ਅੰਦਰ ਵੱਡੇ ਪੱਧਰ ਤੇ ਬਦਲਾਅ ਕਰਨ ਲਈ ਵਚਨਵੱਧ ਰਹੇਗੀ। ਇਸ ਮੋਕੇ ਸੂਬੇ ਦੇ ਲੋਕਾ ਅਤੇ ਵਿਧਾਇਕ ਜੈ ਕ੍ਰਿਸ਼ਨ ਸਿੰਘ ਰੋੜੀ ਨੂੰ ਵਧਾਈ ਦਿੰਦਿਆ ਕਿਹਾ ਕਿ ਹੁਣ ਸੂਬੇ ਦੇ ਲੋਕਾ ਵਧਾਈ ਦੇ ਪਾਤਰ ਹਨ ਜੋ ਸੂਬੇ ਨੂੰ ਖੁਸ਼ਹਾਲ ਬਨਾਉਣ ਲਈ ਇਕੱਠੇ ਹੋ ਰਵਾਇਤੀ ਪਾਰਟੀਆ ਕੋਲੋ ਖਹਿੜਾ ਛੁਡਵਾ ਕੇ ਸੂਬੇ ਦੀ ਵਾਗਡੋਰ ਆਮ ਆਦਮੀ ਪਾਰਟੀ ਦੇ ਹੱਕ ਵਿੱਚ ਦਿੱਤੀ ਹੈ।
