ਕਪੂਰਥਲਾ(ਦ ਸਟੈਲਰ ਨਿਊਜ਼), ਰਿਪੋਰਟ- ਗੌਰਵ ਮੜੀਆ। ਥਾਣਾ ਸੁਭਾਨਪੁਰ ਦੇ ਅਧੀਨ ਪੈਂਦੇ ਪਿੰਡ ਦਿਆਲਪੁਰ ਜ਼ਿਲ੍ਹਾ ਕਪੂਰਥਲਾ ਵਿਖੇ ਬੁਟੀਕ ਚਲਾ ਰਹੀ ਮਹਿਲਾ ਜਿਸ ਦਾ ਨਾਮ ਅਨੂ ਪਤਨੀ ਅਨੂਪ ਕੁਮਾਰ ਹੈ। ਉਸ ਉੱਤੇ ਤੇਜ਼ਾਬ ਪਾ ਕੇ ਹਮਲਾ ਕੀਤਾ ਗਿਆ ਮਹਿਲਾ ਹਰ ਰੋਜ਼ ਦੀ ਤਰ੍ਹਾਂ ਆਪਣੀ ਬੁਟੀਕ ਤੇ ਕੰਮ ਕਰ ਰਹੀ ਸੀ ਸਵੇਰੇ ਤਕਰੀਬਨ 9 ਵਜੇ ਦੇ ਕਰੀਬ ਅਵਿਨਾਸ਼ ਕੁਮਾਰ ਸੇਠ ਉਰਫ (ਕਾਲੀ )ਪੁੱਤਰ ਤਿਲਕ ਰਾਜ ਸੇਠ ਉਸ ਦੀ ਬੁਟੀਕ ਤੇ ਹੈਲਮਟ ਪਾ ਕੇ ਗਿਆ ਤਾਂ ਕਿ ਜਿਸ ਨਾਲ ਉਸ ਮਹਿਲਾ ਦੀ ਪਛਾਣ ਵਿੱਚ ਨਾ ਆ ਸਕੇ ਅਤੇ ਮਹਿਲਾ ਤੇ ਤੇਜ਼ਾਬ ਪਾ ਕੇ ਹਮਲਾ ਕਰ ਦਿੱਤਾ।
ਮਹਿਲਾ ਦੀ ਦੁਕਾਨ ਦੇ ਗੁਆਂਢੀਆਂ ਤੇ ਸਾਬਕਾ ਸਰਪੰਚ ਪਰਮਜੀਤ ਸਿੰਘ ਪੱਡਾ ਆਦਿ ਸਭ ਨੇ ਉਸ ਮਹਿਲਾ ਨੂੰ ਪਿੰਡ ਦੇ ਨਜ਼ਦੀਕੀ ਬਰਾੜ ਹੌਸਪਿਟਲ ਵਿੱਚ ਦਾਖ਼ਲ ਕਰਵਾ ਦਿੱਤਾ। ਡਾ. ਪਰਮਿੰਦਰ ਪਾਲ ਸਿੰਘ ਬਰਾੜ ਨੇ ਮੌਕੇ ਤੇ ਮਹਿਲਾ ਦਾ ਇਲਾਜ ਸ਼ੁਰੂ ਕਰ ਦਿੱਤਾ ਅਵਿਨਾਸ਼ ਕੁਮਾਰ ਸੇਠ ਉਰਫ (ਕਾਲੀ )ਜੋ ਕਿ ਇਕ ਕੱਪੜੇ ਦੀ ਦੁਕਾਨ ਮੇਨ ਬਾਜ਼ਾਰ ਦਿਆਲਪੁਰ ਵਿਖੇ ਚਲਾ ਰਿਹਾ ਸੀ ਉਹ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਥਾਣਾ ਸੁਭਾਨਪੁਰ ਦੀ ਪੁਲਸ ਪਾਰਟੀ ਨੇ ਮੌਕੇ ਤੇ ਪਹੁੰਚ ਕੇ ਮਹਿਲਾ ਦੇ ਬਿਆਨ ਦੇ ਅਧਾਰ ਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
