ਕਪੂਰਥਲਾ , (ਦ ਸਟੈਲਰ ਨਿਊਜ਼): ਜੇਕਰ ਅਸੀਂ ਬਚਪਨ ਤੋਂ ਹੀ ਯੋਗ ਨੂੰ ਆਪਣੀ ਜੀਵਨ ਸ਼ੈਲੀ ਵਿਚ ਸ਼ਾਮਲ ਕਰੀਏ ਤਾਂ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ।ਯੋਗਾ ਨਾ ਸਿਰਫ਼ ਸਾਡੇ ਸਰੀਰ ਨੂੰ ਮਜ਼ਬੂਤ ਬਣਾਉਂਦਾ ਹੈ ਸਗੋਂ ਮਨ ਅਤੇ ਆਤਮਾ ਨੂੰ ਵੀ ਵਧੇਰੇ ਸੰਤੁਸ਼ਟੀ ਦਿੰਦਾ ਹੈ।ਪੁਰਸ਼ਾਂ, ਔਰਤਾਂ, ਬੱਚਿਆਂ, ਨੌਜਵਾਨਾਂ, ਬਜ਼ੁਰਗਾਂ ਸਭ ਲਈ ਫਾਇਦੇਮੰਦ ਹੈ। ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਪਤੰਜਲੀ ਯੋਗ ਸਮਿਤੀ ਅਤੇ ਭਾਰਤ ਸਵਾਭਿਮਾਨ ਵੱਲੋਂ ਮੰਗਲਵਾਰ ਨੂੰ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਮੌਕੇ ਤੇ ਸਟੇਟ ਗੁਰਦੁਆਰਾ ਸਾਹਿਬ ਵਿਖੇ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਮੌਕੇ ਤੇ ਸ਼ਮ੍ਹਾਂ ਰੌਸ਼ਨ ਕਰਦੇ ਹੋਏ ਬਜਰੰਗ ਦਲ ਦੇ ਸਾਬਕਾ ਸੂਬਾ ਪ੍ਰਧਾਨ ਨਰੇਸ਼ ਪੰਡਿਤ ਨੇ ਕੀਤਾ। ਇਸ ਮੌਕੇ ਪਤੰਜਲੀ ਯੋਗ ਸਮਿਤੀ ਦੀ ਮਹਿਲਾ ਰਾਜ ਸੰਚਾਰ ਇੰਚਾਰਜ ਪਰਵੀਨ ਚੋਕਰੀਆ ਨੇ ਹਾਜ਼ਰ ਲੋਕਾ ਨੂੰ ਯੋਗ ਕਿਰਿਆਵਾਂ ਦਾ ਅਭਿਆਸ ਕਰਵਾਇਆ ਅਤੇ ਸਰੀਰ ‘ਤੇ ਪੈਣ ਵਾਲੇ ਪ੍ਰਭਾਵਾਂ ਬਾਰੇ ਜਾਣਕਾਰੀ ਦਿੱਤੀ।
ਇਸ ਮੌਕੇ ਪਰਵੀਨ ਚੋਕਰੀਆ ਨੇ ਓਮ ਦੇ ਉਚਾਰਣ ਦੀ ਵਿਹਾਰਕ ਮਹੱਤਤਾ ਬਾਰੇ ਦੱਸਦੇ ਹੋਏ ਕਿਹਾ ਕਿ ਆ ਤੋਂ ਆਚਰਣ,ਓ ਤੋਂ ਉਚਾਰਨ ਵਮ ਤੋਂ ਮਨ ਦੇ ਵਿਚਾਰ ਇਨ੍ਹਾਂ ਤਿੰਨਾਂ ਨੂੰ ਸੰਤੁਲਿਤ ਬਣਾ ਕੇ ਸਰੀਰ ਅਤੇ ਮਨ ਨੂੰ ਤੰਦਰੁਸਤ ਰਹਿੰਦਾ ਹੈ।ਉਨ੍ਹਾਂ ਕਿਹਾ ਕਿ ਅੱਜ-ਕੱਲ੍ਹ ਮਨੁੱਖ ਸੋਚਦਾ ਕੁਝ ਹੈ,ਬੋਲਦਾ ਕੁਝ ਅਤੇ ਕਰਦਾ ਕੁਝ ਹੈ।ਇਹੀ ਤਨਾਵ,ਚਿੰਤਾ,ਅਸੰਤੁਸ਼ਟ ਦਾ ਕਾਰਨ ਹੈ।ਇਸ ਨਾਲ ਦਿਲ ਦੇ ਰੋਗ,ਹਾਈ ਬਲੱਡ ਪ੍ਰੈਸ਼ਰ,ਸ਼ੂਗਰ,ਗਠੀਆ ਵਰਗੀਆਂ ਬੀਮਾਰੀਆਂ ਹੁੰਦੀਆਂ ਹਨ। ਉਨ੍ਹਾਂ ਨੇ ਯੋਗਾ ਦਾ ਮਤਲਬ ਸਮਝਾਉਂਦੇ ਹੋਏ ਕਿਹਾ ਕਿ ਸਰੀਰਕ ਸਿਹਤ ਦੇ ਹਿਸਾਬ ਨਾਲ ਮਨ ਅਤੇ ਸਰੀਰ ਦਾ ਸੰਤੁਲਿਤ ਮਿਲਾਪ ਅਤੇ ਅਧਿਆਤਮਿਕਤਾ ਦੇ ਅਨੁਸਾਰ ਮਨ ਅਤੇ ਆਤਮਾ ਦਾ ਪ੍ਰਮਾਤਮਾ ਨਾਲ ਸਬੰਧ ਰਹਿੰਦਾ ਹੈ।ਇਸ ਤਰ੍ਹਾਂ ਮਨ ਸਰੀਰ-ਆਤਮਾ-ਪਰਮਾਤਮਾ ਵਿਚਕਾਰ ਵਿਚੋਲੇ ਦਾ ਕੰਮ ਕਰਦਾ ਹੈ।ਮਨ ਦੀ ਸਿਹਤ ਲਈ ਸਭ ਤੋਂ ਵਧੀਆ ਭੋਜਨ ਸਕਾਰਾਤਮਕ ਸੋਚ ਹੈ ਤੇ ਵਧੀਆ ਵਿਚਾਰ ਹੈ।ਇਸ ਮੌਕੇ ਨਰੇਸ਼ ਪੰਡਿਤ ਨੇ ਯੋਗਾ ਨੂੰ ਧਰਮ ਨਾਲ ਜੋੜਨ ਵਾਲਿਆਂ ‘ਤੇ ਚੁਟਕੀ ਲੈਂਦਿਆਂ ਕਿਹਾ ਕਿ ਯੋਗਾ ਨੂੰ ਧਰਮ ਨਾਲ ਜੋੜਨ ਵਾਲੇ ਅਸਲ ਵਿਚ ਧਰਮ ਦਾ ਅਸਲ ਅਰਥ ਹੀ ਨਹੀਂ ਜਾਣਦੇ।
ਇਸ ਮੌਕੇ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੇ ਜ਼ਿਲ੍ਹਾ ਮੰਤਰੀ ਰਾਜੂ ਸੂਦ,ਜ਼ਿਲ੍ਹਾ ਪ੍ਰਧਾਨ ਪ੍ਰਧਾਨ ਨਰਾਇਣ ਦਾਸ,ਜ਼ਿਲ੍ਹਾ ਉਪ ਪ੍ਰਧਾਨ ਜੋਗਿੰਦਰ ਤਲਵਾੜ,ਅਨਿਲ ਵਾਲੀਆ ਅਤੇ ਬਜਰੰਗ ਦਲ ਦੇ ਜ਼ਿਲ੍ਹਾ ਉਪ ਪ੍ਰਧਾਨ ਆਨੰਦ ਯਾਦਵ ਨੇ ਯੋਗਾ ਨੂੰ ਹਰ ਕਿਸੇ ਦੇ ਸਿਹਤਮੰਦ ਜੀਵਨ ਲਈ ਜ਼ਰੂਰੀ ਦੱਸਿਆ ਅਤੇ ਖੁਸ਼ੀ ਪ੍ਰਗਟਾਈ ਕਿ ਅੱਜ ਪੂਰਾ ਵਿਸ਼ਵ ਭਾਰਤ ਦੀ ਪਰੰਪਰਾ ਅਨੁਸਾਰ ਯੋਗਾ ਨੂੰ ਸਵੀਕਾਰ ਅਤੇ ਅਪਣਾ ਰਿਹਾ ਹੈ।ਉਪਰੋਕਤ ਆਗੂਆਂ ਨੇ ਕਿਹਾ ਕਿ ਯੋਗਾ ਹਰ ਕਿਸੇ ਨੂੰ ਤੰਦਰੁਸਤ ਸਰੀਰ,ਸਾਫ ਮਨ ਅਤੇ ਸ਼ਾਂਤ ਬੁੱਧੀ ਲਈ ਲਾਭਦਾਇਕ ਹੈ।ਹਜ਼ਾਰਾਂ ਸਾਲ ਪਹਿਲਾਂ ਸਾਡੀ ਰਿਸ਼ੀ ਪਰੰਪਰਾ ਨੇ ਜਿਸ ਚੀਜ ਨੂੰ ਹਜਾਰਾਂ ਸਾਲ ਪਹਿਲਾ ਸਾਬਤ ਕੀਤਾ। ਪੂਰਾ ਵਿਸ਼ਵ ਉਸ ਨੂੰ ਸਵੀਕਾਰ ਕਰ ਰਿਹਾ ਹੈ।ਸੰਯੁਕਤ ਰਾਸ਼ਟਰ ਸੰਘ ਵੱਲੋਂ ਐਲਾਨਿਆ ਗਿਆ ਅੰਤਰਰਾਸ਼ਟਰੀ ਯੋਗ ਦਿਵਸ ਇਸ ਦਾ ਸਬੂਤ ਹੈ।
ਉਪਰੋਕਤ ਆਗੂਆਂ ਨੇ ਕਿਹਾ ਕਿ ਕੁਝ ਲੋਕ ਆਦਤਨ ਹਰ ਗੱਲ ਵਿੱਚ ਨੁਕਸ ਕੱਢਦੇ ਹਨ।ਜਿਸ ਯੋਗ ਦੀ ਮਹੱਤਤਾ ਨੂੰ ਦੁਨੀਆ ਦੇ ਕਰੀਬ ਦੋ ਸੌ ਦੇਸ਼ ਸਵੀਕਾਰ ਕਰ ਰਹੇ ਹਨ,ਉਸ ਯੋਗ ਨੂੰ ਲੈਕੇ ਆਪੱਤੀ ਕਿਉਂ,ਯੋਗ ਨੂੰ ਧਰਮ ਨਾਲ ਜੋੜਨ ਵਾਲੇ ਧਰਮ ਦਾ ਅਰਥ ਵੀ ਨਹੀਂ ਜਾਣਦੇ।ਧਰਮ ਦਾ ਮੂਲ ਅਰਥ ਕਰਤੱਵ ਹੈ।ਜੇਕਰ ਫਿਰ ਵੀ ਕੋਈ ਨਾ ਸਮਝਣਾ ਚਾਏ ਤਾਂ ਉਸ ਦੀਆਂ ਗੱਲਾਂ ਨੂੰ ਨਜ਼ਰਅੰਦਾਜ਼ ਕਰ ਦਿਓ।ਇਹ ਵੀ ਇਕ ਤਰਾਂ ਦਾ ਯੋਗ ਹੈ।ਉਪਰੋਕਤ ਆਗੂਆਂ ਨੇ ਕਿਹਾ ਕਿ ਯੋਗਾ ਜੋੜਨ ਦੀ ਇੱਕ ਪ੍ਰਕਿਰਿਆ ਹੈ।ਇਸ ਵਾਰ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਯੋਗ ਦਿਵਸ ਤੇ ਪ੍ਰੋਗਰਾਮ ਆਯੋਜਿਤ ਗਏ ਹਨ।ਯੋਗਾ ਸਮਾਜ ਨੂੰ ਸਮਾਜ ਨਾਲ ਜੋੜਦਾ ਹੈ।ਸਾਡੇ ਦੇਸ਼ ਵਿੱਚ ਇਸ ਵਿਧੀ ਨੂੰ ਪ੍ਰਾਚੀਨ ਕਾਲ ਤੋਂ ਮਾਨਤਾ ਪ੍ਰਾਪਤ ਹੈ।ਸਾਡੇ ਦੇਸ਼ ਦੀ ਦਵਾਈ ਪ੍ਰਣਾਲੀ ਆਯੁਰਵੇਦ ਨੂੰ ਵੀ ਹੁਣ ਤੱਕ 151 ਦੇਸ਼ਾਂ ਨੇ ਸਵੀਕਾਰ ਕੀਤਾ ਹੈ। ਕਰ ਚੁੱਕੇ ਹਨ।ਅੱਗੇ ਵੀ ਇਸ ਨੂੰ ਅਪਣਾਉਣ ਦੀ ਹੋੜ ਲੱਗੀ ਹੈ।
