ਕਪੂਰਥਲਾ(ਦ ਸਟੈਲਰ ਨਿਊਜ਼), ਰਿਪੋਰਟ- ਗੌਰਵ ਮੜੀਆ। ਐਲਾਇਨਸ ਕਲੱਬ ਕਪੂਰਥਲਾ ਕਿੰਗਜ਼ ਨੇ ਪ੍ਰਧਾਨ ਐਲੀ ਸੰਦੀਪ ਸਿੰਘ ਅਟਵਾਲ ਅਤੇ ਮੁੱਖ ਮਹਿਮਾਨ ਐਲੀ. ਐਮ.ਪੀ ਸਿੰਘ ਬਿਨਾਕਾ ਡਿਸਟ੍ਰਿਕਟ ਗਵਰਨਰ ਦੀ ਅਗਵਾਈ ਵਿੱਚ ਸਰਕਾਰੀ ਐਲੀਮੈਂਟਰੀ ਸਕੂਲ ਔਜਲਾ ਜੋਗੀ ਵਿਚ ਬੱਚਿਆਂ ਨੂੰ ਪੀਣ ਵਾਲੇ ਪਾਣੀ ਦੀਆਂ ਬੋਤਲਾਂ ਅਤੇ ਸਟੇਸ਼ਨਰੀ ਵੰਡੀਆਂ ਅਤੇ ਡਿਸਟ੍ਰਿਕਟ ਗਵਰਨਰ ਵਲੋਂ 18 ਜੁਲਾਈ ਤੋਂ 24 ਜੁਲਾਈ ਤੱਕ ਪੌਦੇ ਲਾਉਣ ਦੀ ਪ੍ਰਕਿਰਿਆ ਦੇ ਤਹਿਤ ਸਕੂਲ ਦੀ ਗਰਾਊਂਡ ਵਿੱਚ ਪੌਦੇ ਵੀ ਲਗਾਏ ਗਏ। ਬਿਨਾਕਾ ਨੇ ਸਕੂਲ ਦੇ ਸਟਾਫ ਅਤੇ ਵਿਦਿਆਰਥੀਆਂ ਨੂੰ ਪੋਦਿਆਂ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੱਤੀ।
ਇਸ ਮੌਕੇ ਤੇ ਵਾਈਸ ਡਿਸਟ੍ਰਿਕਟ ਗਵਰਨਰ ਪਵਨਜੀਤ ਸਿੰਘ ਵਾਲੀਆ ਨੇ ਦੱਸਿਆ ਕਿ ਉਨ੍ਹਾਂ ਦੀ ਕਲੱਬ ਜਲਦੀ ਹੀ ਇਸ ਸਕੂਲ ਨੂੰ ਅਡਾਪਟ ਕਰੇਗੀ ਅਤੇ ਇਸ ਅੰਦਰ ਸਾਰੀਆਂ ਸਹੂਲਤਾਂ ਪ੍ਰਦਾਨ ਕਰੇਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ। ਡਿਸਟ੍ਰਿਕਟ ਕੈਬਨਿਟ ਸੈਕਟਰੀ ਰਾਜੇਸ਼ ਸਾਹਨੀ, ਡਿਸਟ੍ਰਿਕਟ ਪੀਆਰਓ ਜਗਨ ਨਾਥ ਸੈਨੀ, ਸੈਕਟਰੀ ਮਨਦੀਪ ਸਿੰਘ, ਐਮ ਕੇ ਸ਼ਰਮਾ, ਰਾਜਪਾਲ ਐਰੀ, ਸੁਖਵਿੰਦਰ ਸਿੰਘ ਜਿੰਮੀ, ਗੁਰਨਾਮ ਸਿੰਘ, ਹਰਪ੍ਰੀਤ ਸਿੰਘ, ਹਰਮਨਦੀਪ ਸਿੰਘ, ਸਕੂਲ ਸਟਾਫ ਤੇ ਬੱਚੇ ਹਾਜ਼ਰ ਸਨ।
