ਸਿਕੰਦਰਾ ( ਦ ਸਟੈਲਰ ਨਿਊਜ਼), ਰਿਪੋਰਟ: ਜੋਤੀ ਗੰਗੜ੍ਹ। ਸਿਕੰਦਰਾ ਬਲਾਕ ਦੇ ਗੋਖੂਲਾ ਫਤਿਹਪੁਰ ਪੰਚਾਇਤ ਦੇ ਗੌਹਰ ਨਗਰ ਪਿੰਡ ਦੇ ਰਹਿਣ ਵਾਲੇ ਸੂਰਜ ਦੀ ਪੜ੍ਹਾਈ ਲਈ ਲਗਨ ਬਾਕੀ ਅਪੰਗ ਬੱਚਿਆਂ ਨੂੰ ਪ੍ਰੇਰਿਤ ਕਰਦੀ ਹੈ। ਸੂਰਜ ਜੋ ਕਿ ਅਪੰਗ ਹੋਣ ਦੇ ਬਾਵਜੂਦ ਵੀ ਰੋਜ਼ ਇੱਕ ਲੱਤ ਦੇ ਸਹਾਰੇ 3 ਕਿਲੋਮੀਟਰ ਦੀ ਦੂਰੀ ਤੇ ਸਥਿਤ ਨੌਵੀ ਕਲਾਸ ਵਿੱਚ ਪੜ੍ਹਨ ਲਈ ਜਾਂਦਾ ਹੈ। ਸੂਰਜ ਦਾ ਕਹਿਣਾ ਹੈ ਕਿ ਉਹ ਪੜ੍ਹ ਲਿਖ ਕੇ ਅਧਿਆਪਕ ਬਣਨਾ ਚਾਹੁੰਦਾ ਹੈ। ਦੱਸ ਦਈਏ ਕਿ ਸੂਰਜ ਨੇ ਦੋ ਸਾਲ ਦੀ ਉਮਰ ਵਿੱਚ ਪੋਲੀਓ ਕਾਰਨ ਆਪਣੀ ਸੱਜੀ ਲੱਤ ਅਤੇ ਸੱਜਾ ਹੱਥ ਗੁਆ ਲਿਆ ਸੀ। ਪਰ, ਸੂਰਜ ਨੇ ਖੱਬੀ ਲੱਤ ਅਤੇ ਖੱਬਾ ਹੱਥ, ਜੋ ਸਰੀਰ ਵਿੱਚ ਕਮਜ਼ੋਰ ਸਮਝੇ ਜਾਂਦੇ ਸਨ, ਨੂੰ ਤਾਕਤ ਦੀ ਢਾਲ ਬਣਾ ਦਿੱਤਾ। ਇਸ ਅਪਾਹਜ ਵਿਦਿਆਰਥੀ ਦੇ ਪਿਤਾ ਭੁਨੇਸ਼ਵਰ ਯਾਦਵ ਦੀ ਚਾਰ ਸਾਲ ਪਹਿਲਾਂ ਅਧਰੰਗ ਦੇ ਤਿੰਨ ਹਮਲਿਆਂ ਤੋਂ ਬਾਅਦ ਮੌਤ ਹੋ ਗਈ ਸੀ। ਹੋਣਹਾਰ ਵਿਦਿਆਰਥੀ ਦਾ ਇੱਕ ਵੱਡਾ ਭਰਾ ਅਤੇ ਦੋ ਭੈਣਾਂ ਹਨ।
ਜਿਸਤੋਂ ਬਾਅਦ ਮਾਂ ਨੇ ਮਿਹਨਤ ਕਰ ਸੂਰਜ ਦੀ ਜਿੱਦ ਹੋਣ ਤੇ ਉਸਦਾ ਸਕੂਲ ਵਿੱਚ ਦਾਖਿਲਾਂ ਕਰਵਾਇਆਂ। ਸੂਰਜ ਦਾ ਕਹਿਣਾ ਹੈ ਕਿ ਇਕ ਲੱਤ ਨਾਲ ਸਕੂਲ ਜਾਣਾ ਮੁਸ਼ਕਲ ਹੈ, ਪਰ ਦੋਸਤ ਸਕੂਲ ਜਾਣ ਵਿਚ ਮਦਦ ਕਰਦੇ ਹਨ। ਮੈਂ ਪੜ੍ਹ ਕੇ ਅਧਿਆਪਕ ਬਣਨਾ ਚਾਹੁੰਦਾ ਹਾਂ, ਕਿਸੇ ‘ਤੇ ਬੋਝ ਨਾ ਬਣਾ, ਇਸ ਲਈ ਮੈਂ ਪੜ੍ਹਨਾ ਚਾਹੁੰਦਾ ਹਾਂ। ਇਸ ਵਿਦਿਆਰਥੀ ਦੀ ਮਾਂ ਲਲਿਤਾ ਦੇਵੀ ਨੇ ਦੱਸਿਆ ਕਿ 2 ਸਾਲ ਦੀ ਉਮਰ ‘ਚ ਉਸ ਦਾ ਸੱਜਾ ਹੱਥ ਅਤੇ ਲੱਤ ਬੇਕਾਰ ਹੋ ਗਈ ਸੀ, ਫਿਰ ਵੀ ਪੜ੍ਹਾਈ ਦੀ ਜ਼ਿੱਦ ਕਾਰਨ ਉਹ ਇਕ ਲੱਤ ‘ਤੇ ਸਕੂਲ ਜਾਂਦਾ ਸੀ, ਉਹ ਸਕੂਲ ‘ਚ ਪੜ੍ਹ ਰਿਹਾ ਹੈ। ਜੇਕਰ ਮਦਦ ਮਿਲ ਜਾਂਦੀ ਤਾਂ ਉਸਦੀ ਮਿਹਨਤ ਨੂੰ ਬਲ ਮਿਲਣਾ ਸੀ। ਪੰਚਾਇਤ ਦੇ ਮੁਖੀ ਭੂਸ਼ਣ ਯਾਦਵ ਅਤੇ ਸਕੂਲ ਦੇ ਅਧਿਆਪਕ ਵਰਿੰਦਰ ਮਿਸ਼ਰਾ ਦਾ ਕਹਿਣਾ ਹੈ ਕਿ ਸਰੀਰਕ ਅਸਮਰੱਥਾ ਹੋਣ ਦੇ ਬਾਵਜੂਦ ਪੜ੍ਹਨ-ਲਿਖਣ ਦੀ ਲਗਨ ਅਤੇ ਇਕ ਲੱਤ ‘ਤੇ ਸਕੂਲ ਆਉਣਾ ਅਤੇ ਖੱਬੇ ਹੱਥ ‘ਤੇ ਚੰਗੀ ਲਿਖਾਈ ਨਾਲ ਪੜ੍ਹਨਾ ਬਾਕੀ ਬੱਚਿਆਂ ਨੂੰ ਵੀ ਸੀਖ ਦਿੰਦੀ ਹੈ।