ਕਪੂਰਥਲਾ (ਦ ਸਟੈਲਰ ਨਿਊਜ਼), ਗੌਰਵ ਮੜੀਆ: ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਣ ਵਲੋ ਸੂਬੇ ਵਿਚ ਨਸ਼ਾ ਤਸਕਰੀ ਵਿੱਚ ਨਾਮਜ਼ਦ ਲੋਕਾਂ ਦੀਆਂ ਜਾਇਦਾਦ ਨੂੰ ਕੁਰਕ ਕਰਨ ਦੇ ਫੈਸਲੇ ਦਾ ਸਮਰਥਨ ਕਰਦਿਆਂ ਹੋਇਆ ਕਪੂਰਥਲਾ ਦੇ ਆਪ ਆਗੂਆਂ ਪਰਵਿੰਦਰ ਸਿੰਘ ਢੋਟ, ਸੂਬਾ ਸਕੱਤਰ ਗੁਰਪਾਲ ਸਿੰਘ ਇੰਡੀਅਨ ਅਤੇ ਜਿਲਾ ਕਪੂਰਥਲਾ ਦੇ ਵਪਾਰ ਮੰਡਲ ਦੇ ਪ੍ਰਧਾਨ ਕੰਵਰ ਇਕਬਾਲ ਨੇ ਕਿਹਾ ਕਿ ਇਸ ਨਾਲ ਸੂਬੇ ਵਿਚ ਨਸ਼ੇ ਦੇ ਕਾਰੋਬਾਰ ਤੇ ਠੱਲ ਤਾਂ ਪਵੇਗੀ ਹੀ ਇਸ ਦੇ ਨਾਲ ਨਾਲ ਇਸ ਕਾਲੇ ਕਾਰੋਬਾਰ ਤੋ ਕੀਤੀ ਕਾਲੀ ਕਮਾਈ ਤੇ ਉਸ ਤੋਂ ਬਣਾਈ ਜਾਇਦਾਦ ਦੇ ਖ਼ਤਮ ਹੋਣ ਨਾਲ ਇਹਨਾ ਨਸ਼ਾ ਤਸਕਰਾਂ ਨੂੰ ਆਰਥਿਕ ਤੇ ਮਾਨਸਿਕ ਨੁਕਸਾਨ ਦਾ ਸਾਹਮਣਾ ਵੀ ਕਰਨਾ ਪਵੇਗਾ ਜੌ ਕੀ ਇਹਨਾ ਦੇ ਹੋਂਸਲੇ ਨੂੰ ਤੋੜਨ ਵਿਚ ਕਾਰਗਾਰ ਸਾਬਿਤ ਹੋਵੇਗਾ । ਆਪ ਆਗੂਆਂ ਨੇ ਇਹ ਵੀ ਕਿਹਾ ਕਿ ਵੈਸੇ ਵੀ ਪੂਰੇ ਪੰਜਾਬ ਦੇ ਵਿਚ ਕਰੋੜਾ ਦੀ ਕੀਮਤ ਵਾਲੀ ਨਸ਼ਕਰਾ ਤਸਕਰਾਂ ਦੀ ਜਮੀਨ ਜਾਇਦਾਦ ਪੰਜਾਬ ਪੁਲਿਸ ਵਲੋ ਪਹਿਲਾ ਵੀ ਕੁਰਕ ਕੀਤੀ ਗਈ ਹੈ ਜਿਸ ਨਾਲ ਬਹੁਤ ਸਾਰੇ ਨਸ਼ਾ ਤਸਕਰਾਂ ਦੇ ਹਾਲਾਤਾਂ ਮਾੜੇ ਹੋ ਚੁੱਕੇ ਹਨ ।
ਆਪ ਬੁਲਾਰਿਆਂ ਨੇ ਕਿਹਾ ਕਿ ਮੁੱਖ ਮੰਤਰੀ ਵਲੋ ਇਹ ਵੀ ਅਪੀਲ ਕੀਤੀ ਗਈ ਹੈ ਕੀ ਸੂਬੇ ਦੀਆਂ ਗ੍ਰਾਮ ਪੰਚਾਇਤਾ ਵੀ ਇਸ ਮੁਹਿੰਮ ਵਿਚ ਸਾਥ ਦਿੰਦੀਆਂ ਹੋਈਆਂ ਆਪਣੇ ਆਪਣੇ ਪਿੰਡਾਂ ਵਿਚ ਨਸ਼ਿਆ ਖਿਲਾਫ ਮਤੇ ਪਾਉਣ ਤੇ ਇਸ ਤਰਹਾਂ ਦਾ ਕੰਮ ਕਰਨ ਵਾਲੀਆਂ ਪੰਚਾਇਤਾਂ ਨੂੰ ਜਿਥੇ ਵੱਖ ਵੱਖ ਵਿਕਾਸ ਗ੍ਰਾਂਟਾਂ ਵਿਚ ਤਰਜੀਹ ਦਿੱਤੀ ਜਾਵੇਗੀ ਉਥੇ ਹੀ ਉਹਨਾ ਦੀ ਸੁਰੱਖਿਆ ਵੀ ਯਕੀਨੀ ਬਣਾਈ ਜਾਵੇਗੀ ਜਿਸ ਨਾਲ ਬਹੁਤ ਸਾਰੀਆਂ ਪੰਚਾਇਤਾ ਇਸ ਮੁਹਿੰਮ ਵਿਚ ਸਰਕਾਰ ਨਾਲ ਆਪਣਾ ਯੋਗਦਾਨ ਦੇਣ ਲਈ ਤਿਆਰ ਹੋ ਰਹੀਆਂ ਹਨ । ਆਪ ਆਗੂਆਂ ਨੇ ਦਾਅਵਾ ਕੀਤਾ ਕਿ ਉਹਨਾ ਵਲੋ ਕਪੂਰਥਲਾ ਦੀਆ ਪੰਚਾਇਤਾ ਨਾਲ ਰਾਬਤਾ ਕਾਇਮ ਕਰਕੇ ਉਹਨਾ ਨੂੰ ਇਸ ਲਈ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ ਜਿਸ ਦੇ ਸਿੱਟੇ ਵਜੋਂ ਬਹੁਤ ਸਾਰੀਆਂ ਪੰਚਾਇਤਾ ਇਸ ਮੁਹਿੰਮ ਵਿਚ ਜਲਦ ਹੀ ਭਾਗ ਲੈਂਦਿਆ ਹੋਇਆ ਨਸ਼ਿਆ ਖਿਲਾਫ ਮਤੇ ਪਾਉਣਗੀਆਂ ਜਿਸ ਨਾਲ ਪਿੰਡ ਪੱਧਰ ਤਕ ਇਹਨਾ ਨਸ਼ੇ ਦੇ ਸੌਦਾਗਰਾਂ ਦਾ ਸਫਾਇਆ ਹੋ ਸਕੇਗਾ ਉਹਨਾ ਕਿਹਾ ਕਿ ਪਿਛਲੀਆਂ ਸਰਕਾਰਾਂ ਨੇ ਨਸ਼ੇ ਦੇ ਖਾਤਮੇ ਦੇ ਨਾਮ ਤੇ ਕੇਵਲ ਨਸ਼ਾ ਤਸਕਰਾਂ ਨਾਲ ਅੱਖ ਮਿਚੋਲੀ ਖੇਡੀ ਹੈ ਅਤੇ ਨਸ਼ੇ ਦੇ ਇਸ ਕਾਰੋਬਾਰ ਨੂੰ ਖਤਮ ਕਰਨ ਦੀ ਬਜਾਏ ਉਹਨਾਂ ਨਾਲ ਆਪਣੀ ਹਿਸੇਦਾਰੀ ਰੱਖ ਕੇਵਲ ਤੇ ਕੇਵਲ ਇਸ ਕਾਲੇ ਕਾਰੋਬਾਰ ਨੂੰ ਅੱਗੇ ਵਧਾਇਆ ਹੈ ਅਤੇ ਨਸ਼ੇ ਦੇ ਖਾਤਮੇ ਦੇ ਨਾਮ ਤੇ ਝੂਠੇ ਡਰਾਮੇਬਾਜੀ ਕਰ ਆਮ ਲੋਕਾਂ ਦੀਆ ਭਾਵਨਾਵਾਂ ਨਾਲ ਖੇਡ ਖੇਡਿਆ ਹੈ । ਆਪ ਆਗੂਆਂ ਦੀ ਇਸ ਸੰਖੇਪ ਮੀਟਿੰਗ ਵਿੱਚ ਰਿਟਾਇਰਡ ਡੀ ਐਸ ਪੀ ਗੁਰਨਾਮ ਸਿੰਘ , ਰਿਟਾਇਰਡ ਇੰਸਪੈਕਟਰ ਪ੍ਰੇਮ ਸ਼ਰਮਾ , ਪ੍ਰਿੰਸੀਪਲ ਰਾਕੇਸ਼ ਕੁਮਾਰ ਅਨਮੋਲ ਗਿੱਲ , ਜਗਦੇਵ ਥਾਪਰ ਅਤੇ ਹੋਰ ਹਾਜ਼ਰ ਸਨ ।