ਖੰੰਨਾ (ਦ ਸਟੈਲਰ ਨਿਊਜ਼), ਰਿਪੋਰਟ: ਜੋਤੀ ਗੰਗੜ੍ਹ। ਖੰੰਨਾ ਪੁਲਿਸ ਨੇ ਵੱਡੀ ਸਫਲਤਾ ਹਾਸਿਲ ਕਰਦਿਆ ਪਿੰਡ ਮਲੌਦ ਦੇ ਆਮ ਆਦਮੀ ਪਾਰਟੀ ਦੇ ਨੇਤਾ ਦੇ ਘਰ ਛਾਪੇਮਾਰੀ ਕਰਦਿਆ 5 ਨਾਜ਼ਾਇਜ਼ ਹਥਿਆਰ ਬਰਾਮਦ ਕੀਤੇ ਹਨ। ਮਿਲੀ ਜਾਣਕਾਰੀ ਦੇ ਅਨੁਸਾਰ, ਆਰੋਪੀ ਦੀ ਪਹਿਚਾਣ ਦੀਪਕ ਗੋਇਲ ਦੇ ਤੋਰ ਤੇ ਹੋਈ ਹੈ। ਦੀਪਕ ਗੋਇਲ ਦੀ ਇਲਾਕੇ ਵਿੱਚ ਕਿਸੇ ਦੇ ਨਾਲ ਪੁਰਾਣੀ ਰੰਜਿਸ਼ ਚੱਲ ਰਹੀ ਸੀ ਜਿਸਦੇ ਕਾਰਣ ਉਸਨੇ ਘਰ ਵਿੱਚ ਹੀ ਹਥਿਆਰ ਰੱਖੇ ਹੋਏ ਸਨ।
ਪੁਲਿਸ ਨੇ ਇਸ ਮਾਮਲੇ ਵਿੱਚ ਦੋ ਲੋਕਾਂ ਨੂੰ ਗਿ੍ਰਫਤਾਰ ਕੀਤਾ ਸੀ ਅਤੇ ਜਿਸਤੋ ਬਾਅਦ ਉਹਨਾਂ ਦੋਵਾਂ ਨੌਜ਼ਵਾਨਾਂ ਨੇ ਦੱਸਿਆ ਕਿ ਆਪ ਨੇਤਾ ਦੀਪਕ ਗੋਇਲ ਨੇ ਘਰ ਵਿੱਚ ਨਾਜ਼ਾਇਜ਼ ਤੋਰ ਤੇ ਹਥਿਆਰ ਰੱਖੇ ਹੋਏ ਹਨ। ਜਿਸਦੇ ਕਾਰਣ ਪੁਲਿਸ ਨੇ ਆਪ ਨੇਤਾ ਦੇ ਘਰ ਅਚਾਨਿਕ ਹੀ ਛਾਪੇਮਾਰੀ ਕਰ ਉਸਦੇ ਘਰ ਵਿੱਚੋ ਨਾਜ਼ਾਇਜ਼ ਹਥਿਆਰ ਬਰਾਮਦ ਕਰ ਉਸਨੂੰ ਗਿ੍ਰਫਤਾਰ ਕਰ ਲਿਆ। ਪੁਲਿਸ ਨੇ ਮਾਮਲਾ ਦਰਜ ਕਰ ਅਗਲੀ ਕਾਰਵਾਈ ਸੁਰੂ ਕਰ ਦਿੱਤੀ ਹੈ।