ਬਟਾਲਾ (ਦ ਸਟੈਲਰ ਨਿਊਜ਼), ਲਵਪ੍ਰੀਤ ਸਿੰਘ ਖੁਸ਼ੀਪੁਰ: ਬਟਾਲਾ ਸ਼ਹਿਰ ਵਿੱਚ ਸਫਾਈ ਵਿਵਸਥਾ ਨੂੰ ਸਹੀ ਰੂਪ ਵਿੱਚ ਚਲਾਉਣ ਲਈ ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਬਟਾਲਾ ਸ਼ਹਿਰ ਦੇ ਚੋਣਵੇਂ ਏਰੀਏ ਵਿੱਚ ਨਾਈਟ ਸਵੀਪਿੰਗ ਸ਼ੁਰੂ ਕੀਤੀ ਜਾਵੇਗੀ। ਇਸ ਪ੍ਰੋਗਰਾਮ ਦਾ ਆਰੰਭ ਹਲਕਾ ਵਿਧਾਇਕ ਬਟਾਲਾ ਸ਼੍ਰੀ ਅਮਨਸ਼ੇਰ ਸਿੰਘ ਸ਼ੈਰੀ ਕਲਸੀ ਅਤੇ ਨਗਰ ਨਿਗਮ ਕਮਿਸ਼ਨਰ ਬਟਾਲਾ ਡਾ. ਸ਼ਾਇਰੀ ਭੰਡਾਰੀ ਵੱਲੋਂ ਕੱਲ ਰਾਤ 9.00 ਵਜੇ ਗਾਂਧੀ ਚੌਕ ਤੋਂ ਕੀਤਾ ਜਾਵੇਗਾ।
Advertisements
ਨਗਰ ਨਿਗਮ ਦੇ ਦਫਤਰ ਵਲੋਂ ਦੱਸਿਆ ਗਿਆ ਕਿ ਰਾਤ 8.00 ਵਜੇ ਤੋਂ 9.00 ਵਜੇ ਤੱਕ ਗਾਂਧੀ ਚੌਕ ਤੋਂ ਨਹਿਰੂ ਗੇਂਟ ਤੱਕ ਦੋਵੋ ਪਾਸੇ, ਬੱਸ ਸਟੈਂਡ ਬਟਾਲਾ 9.00 ਵਜੇ ਤੋਂ 9.40 ਵਜੇ ਤੱਕ, ਲੀਕ ਵਾਲਾ ਤਲਾਬ 9.40 ਤੋਂ 10.20 ਵਜੇ ਤੱਕ ਅਤੇ ਇਸ ਤੋਂ ਬਆਦ 10.20 ਤੋਂ 11.00 ਵਜੇ ਗਾਂਧੀ ਚੌਂਕ ਤੋਂ ਡੇਰਾ ਰੋਡ ਪੁਲ ਦੇ ਹੇਠਾਂ ਦੋਵੇਂ ਪਾਸੇ ਨਾਈਟ ਸਵੀਪਿੰਗ ਸ਼ੁਰੂ ਕੀਤੀ ਜਾਵੇਗੀ।
