ਲੰਡਨ (ਦ ਸਟੈਲਰ ਨਿਊਜ਼)। ਐਡਿਨਬਰਗ ਯੂਨੀਵਰਸਿਟੀ ਦੇ ਜਲਵਾਯੂ ਤਬਦੀਲੀ ਸੰਸਥਾਨ ਨੇ ਸਕਾਟਲੈਂਡ ਦੇ ਐਡਿਨਬਰਗ ਵਿੱਚ ਸਥਿਤ ਭਾਰਤੀ ਮਹਾਵਣਜ ਦੂਤਘਰ ਨਾਲ ਸਾਂਝੇਦਾਰੀ ਰਾਹੀਂ ਹਿੰਦੀ ਵਿੱਚ ਆਪਣਾ ਪਹਿਲਾਂ ਕੋਰਸ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਜਲਵਾਯੂ ਹੱਲ ਕੋਰਸ ਮਿਸਰ, ਸੰਯੁਕਤ ਅਰਬ ਅਮੀਰਾਤ, ਭਾਰਤ ਅਤੇ ਬ੍ਰਿਟੇਨ ਤੇ ਕੇਂਦਰਿਤ ਐਡੀਸ਼ਨਾਂ ਨਾਲ ਅੰਗਰੇਜ਼ੀ, ਅਰਬੀ ਅਤੇ ਹਿੰਦੀ ਵਿੱਚ ਉਪਲੱਬਧ ਹੈ।
Advertisements
ਯੂਨੀਵਰਸਿਟੀ ਵੱਲੋਂ ਜਾਣਕਾਰੀ ਮਿਲੀ ਹੈ ਕਿ ਇਹ ਕੋਰਸ ਪੁਰਸਕਾਰ ਜੇਤੂ ਜਲਵਾਯੂ ਤਬਦੀਲੀ ਮਾਹਿਰਾਂ ਨੇ ਡਿਜ਼ਾਈਨ ਤੇ ਵੰਡਿਆ ਹੈ, ਜਿਸ ਵਿੱਚ ਐਡਿਨਬਰਗ ਕਲਾਈਮੇਟ ਚੇਂਜ ਇੰਸਟੀਚਿਊਟ (ਈ.ਸੀ.ਸੀ.ਆਈ.) ਦੇ ਕਾਰਜਕਾਰੀ ਡਾਇਰੈਕਟਰ ਪ੍ਰੋਫੈਸਰ ਡੇਵ ਰੇ ਵੀ ਸ਼ਾਮਲ ਹਨ। ਪ੍ਰੋ. ਡੇਵ ਰੇ ਨੇ ਕਿਹਾ ਕਿ ਇਸ ਨਵੇਂ ਓਪਨ ਐਕਸੈੱਸ ਜਲਵਾਯੂ ਤਬਦੀਲੀ ਕੋਰਸ ਨੂੰ ਵਿਕਸਤ ਕਰਨ ਲਈ ਭਾਰਤੀ ਵਣਜ ਦੂਤਘਰ ਨਾਲ ਸਾਂਝੇਦਾਰੀ ਵਿੱਚ ਕੰਮ ਕਰਨਾ ਬਹੁਤ ਖੁਸ਼ੀ ਦੀ ਗੱਲ ਹੈ। ਦੂਤਘਰ ਨਾਲ ਸਾਡਾ ਸਬੰਧ ਸ਼ਾਨਦਾਰ ਹੈ।
