ਦਿੱਲੀ (ਦ ਸਟੈਲਰ ਨਿਊਜ਼), ਪਲਕ। ਭਾਰਤ ਦੀ ਅਭਿਲਾਸ਼ੀ ਮਿਸ਼ਨ ਚੰਦਰਮਾ ਦੇ ਤਹਿਤ, ਚੰਦਰਯਾਨ-3 ਨੇ ਚੰਦਰਮਾ ਦੇ ਪੰਜਵੇ ਅਤੇ ਆਖਰੀ ਔਰਬਿਟ ਵਿੱਚ ਸਫਲਤਾਪੂਰਵਕ ਪ੍ਰਵੇਸ਼ ਕਰ ਲਿਆ ਹੈ ਅਤੇ ਹੁਣ ਲੈਂਡਰ ਵਿਕਰਮ ਨੂੰ ਵੱਖ ਕਰਨ ਦੀ ਪ੍ਰਕਿਰਿਆ ਵੀ ਸ਼ੁਰੂ ਹੋ ਗਈ ਹੈ। ਇਸਰੋ ਨੇ ਕਿਹਾ ਕਿ 17 ਅਗਸਤ ਨੂੰ ਚੰਦਰਯਾਨ-3 ਦੇ ਪ੍ਰੋਪਲਸ਼ਨ ਮਾਡਿਊਲ ਤੋਂ ਲੈਂਡਰ ਮਾਡਿਊਲ ਨੂੰ ਵੱਖ ਕਰਨ ਦੀ ਯੋਜਨਾ ਹੈ। ਵੱਖ ਹੋਣ ਤੋਂ ਬਾਅਦ, ਲੈਂਡਰ ਨੂੰ ਇੱਕ ਔਰਬਿਟ ਵਿੱਚ ਰੱਖਣ ਲਈ ਇੱਕ ‘ਡੀਬੂਸਟ’ (ਧੀਮੀ ਪ੍ਰਕਿਰਿਆ) ਤੋਂ ਗੁਜਰਨ ਦੀ ਉਮੀਦ ਕੀਤੀ ਜਾਂਦੀ ਹੈ ਤਾਂ ਜੋ ਉਸ ਨੂੰ ਇੱਕ ਅਜਿਹੇ ਪੰਧ ਵਿੱਚ ਸਥਾਪਿਤ ਕੀਤਾ ਜਾ ਸਕੇ ਜਿੱਥੇ ਪੈਰੀਲਿਊਨ (ਚੰਨ ਦਾ ਸਭ ਤੋਂ ਨਜ਼ਦੀਕੀ ਬਿੰਦੂ) 30 ਕਿਲੋਮੀਟਰ ਹੈ ਅਤੇ ਐਪੋਲਿਊਨ ( ਚੰਨ ਦਾ ਸਭ ਤੋਂ ਦੂਰ ਦਾ ਬਿੰਦੂ) 30 ਕਿਲੋਮੀਟਰ ਹੈ।
ਇਸਰੋ ਦੇ ਚੇਅਰਮੈਨ ਐਸ ਸੋਮਨਾਥ ਨੇ ਲੈਂਡਿੰਗ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਲੈਂਡਿੰਗ ਦਾ ਸਭ ਤੋਂ ਮਹੱਤਵਪੂਰਨ ਹਿੱਸਾ 30 ਕਿਲੋਮੀਟਰ ਦੀ ਉਚਾਈ ਤੋਂ ਲੈਂਡਰ ਦੇ ਵੇਗ ਨੂੰ ਅੰਤਿਮ ਲੈਂਡਿੰਗ ਤੱਕ ਲਿਆਉਣ ਦੀ ਪ੍ਰਕਿਰਿਆ ਹੈ। ਸਾਰੇ ਪੜਾਵਾਂ ਵਿੱਚ ਲੋੜੀਂਦੀ ਪ੍ਰਕਿਰਿਆ ਨੂੰ ਨਿਯੰਤਰਿਤ ਕਰਨ ਅਤੇ ਇੱਕ ਸਹੀ ਲੈਂਡਿੰਗ ਕਰਨ ਦੀ ਕੋਸ਼ਿਸ਼ ਕਰਨ ਵੱਖ-ਵੱਖ ਐਲਗੋਰਿਦਮ ਲਗਾਏ ਜਾਂਦੇ ਹਨ। ਜੇਕਰ ਲੈਂਡਰ 23 ਅਗਸਤ ਨੂੰ ਚੰਦਰਮਾ ਦੀ ਸਤ੍ਹਾ ਤੇ ਸਾਫਟ ਲੈਂਡਿੰਗ ਕਰਦਾ ਹੈ ਤਾਂ ਇਹ ਭਾਰਤ ਲਈ ਵੱਡੀ ਸਫਲਤਾ ਹੋਵੇਗੀ।