ਆ ਵੜਿਆ ਪੰਜਾਬ ਦੇ ਵਿੱਚ ਫਿਰ ਹੜ੍ਹਾਂ ਦਾ ਪਾਣੀ
ਹੜ੍ਹ ਪ੍ਰਬੰਧਕਾਂ ਨੂੰ ਪਤਾ ਨਹੀ ਅਕਲ ਕਦੋੰ ਹੈ ਆਣੀ
ਕਦੋ ਕਰੋਗੇ ਠੀਕ ਏਥੇ ਉਲਝੀ ਪਈ ਹੈ ਤਾਣੀ
ਦਿਸਦੇ ਪਏ ਉਦਾਸ ਹੀ ਮੈਨੂੰ ਲੋਕ ਤੇ ਮੇਰੇ ਹਾਣੀ
ਫ਼ਸਲਾਂ ਬੂਟੇ ਰੁੜ੍ਹ ਗਏ ਬਚੀ ਨਹੀ ਕੋਈ ਟਾਹਣੀ
ਆਪੇ ਦੱਸੋ ਖਾਣ ਵਾਲਿਆਂ ਰੋਟੀ ਕਿੱਥੋਂ ਖਾਣੀ
ਹਰ ਸਾਲ ਵਿਗੜ ਜਾਂਦੀ ਹੈ ਬਰਸਾਤਾਂ ਵਿੱਚ ਕਹਾਣੀ
ਵੇਖਿਓ ਹੁਣ ਮੁਆਵਜ਼ਿਆਂ ਦੀ ਵੀ ਵੰਡ ਹੋਣੀ ਕਾਣੀ
ਮਿੱਟੀ ਦੀ ਬਣਾ ਦਿੱਤੀ ਹੈ ਹੜ੍ਹ ਦੇ ਪਾਣੀ ਨੇ ਘਾਣੀ
ਸ਼ਕਲ ਆਪਣੇ ਖੇਤਾਂ ਦੀ ਹੁਣ ਜਾਂਦੀ ਨਹੀ ਪਛਾਣੀ
ਦਿਨ ਰਾਤ ਸੁਣਦੇ ਰਹਿੰਦੇ ਹਨ ਲੋਕ ਗੁਰਾਂ ਦੀ ਬਾਣੀ
ਕੋਈ ਪਤਾ ਨਹੀ ਲਗਦਾ ਏਥੇ ਆਫ਼ਤ ਕਦ ਆ ਜਾਣੀ
ਬਰਬਾਦੀ ਕਰਨ ਆਉਂਦਾ ਜਦ ਡੈਮ ਜਾਂ ਹੜ੍ਹ ਦਾ ਪਾਣੀ
ਰਾਹਤ ਸਮੱਗਰੀ ਲੈ ਆਉੰਦੀ ਹੈ ਮਿੱਤਰਾਂ ਦੀ ਕੋਈ ਢਾਣੀ
ਸ਼ੱਕਰ ਗੁੜ ਗਿੱਲਾ ਹੋ ਗਿਆ ਖੰਡ ਦੀ ਬਣ ਗਈ ਚਾਣੀ
ਸਭ ਕੁਝ ਜਿਸ ਦਾ ਰੁੜ੍ਹ ਜਾਏ ਜ਼ਿੰਦਗੀ ਜਾਂਦੀ ਕਿੱਥੇ ਮਾਣੀ
ਦਰਿਆਵਾਂ ਨੂੰ ਜੋੜ ਦਿੳ ਗੱਲ ਹੈ ਬਹੁਤ ਸਿਆਣੀ
ਇਸ ਨਾਲ ਵੀ ਹਊ ਭਲਾ ਲੋਕਾਂ ਦਾ ਸੋਚਣ ਜੇ ਪ੍ਰਾਣੀ
ਟੇਰਕਿਆਨਾ ਚੜ੍ਹਿਆ ਰਹੂ ਕਿਤੇ ਕਿੰਨਾ ਕੁ ਚਿਰ ਹੁਣ ਪਾਣੀ
ਆਖ਼ਰ ਵਿੱਚ ਤਾਂ ਵਗਣਾਂ ਹੀ ਪੈਣਾ ਇਸ ਨੂੰ ਪੁਲ਼ਾਂ ਦੇ ਥਾਣੀ
ਰਘਵੀਰ ਸਿੰਘ ਟੇਰਕਿਆਨਾ
ਐਡਵੋਕੇਟ -ਹੁਸ਼ਿਆਰਪੁਰ
ਫ਼ੋਨ : 9814173402