ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼), ਰਿਪੋਰਟ-ਇੰਦਰਜੀਤ ਸਿੰਘ ਹੀਰਾ/ਗੁਰਜੀਤ ਸੋਨੂੰ: ਥਾਣਾ ਬੁੱਲੋਵਾਲ ਅਧੀਨ ਆਉਂਦੇ ਪਿੰਡ ਦੀ 21 ਸਾਲਾਂ ਦੀ ਇੱਕ ਲੜਕੀ ਲਾਪਤਾ ਹੋਣ ਦੇ ਕਾਰਨ ਲੜਕੀ ਦੇ ਘਰਦਿਆਂ ਵਲੋ ਥਾਣੇ ਇਤਲਾਹ ਦੇਣ, ਉਪਰੰਤ ਥਾਣਾ ਪ੍ਰਭਾਰੀ ਬੁੱਲੋਵਾਲ ਬਲਜਿੰਦਰ ਸਿੰਘ ਨੇ ਲੜਕੀ ਨੂੰ ਕਰੀਬ 44 ਮਿੰਟਾਂ ਵਿੱਚ ਲੱਭ ਕੇ ਘਰਦਿਆਂ ਦੇ ਹਵਾਲੇ ਕੀਤਾ, ਜਿਸ ਪ੍ਰਤੀ ਥਾਣਾ ਪ੍ਰਭਾਰੀ ਬੁੱਲੋਵਾਲ ਦੇ ਬਲਜਿੰਦਰ ਸਿੰਘ ਨਾਲ ਗੱਲਬਾਤ ਕਰਨ ਉਪਰੰਤ, ਉਨਾਂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸਾਨੂੰ ਲੜਕੀ ਦੇ ਗੁੰਮ ਹੋਣ ਦੀ ਸੂਚਨਾ ਮਿਲੀ ਸੀ, ਜਿਸ ਦੌਰਾਨ ਅਸੀਂ ਲੜਕੀ ਦਾ ਨੰਬਰ ਟੈਕਨੀਕਲ ਹੁਸ਼ਿਆਰਪੁਰ ਨੂੰ ਦਿੱਤਾ ਤੇ ਜਿਨਾਂ ਨੇ ਸਾਨੂੰ ਕੁਝ ਕੁ ਮਿੰਟਾਂ ਦੇ ਵਿੱਚ ਲੜਕੀ ਦੇ ਨੰਬਰ ਦੀ ਲੋਕੇਸ਼ਨ ਸੈਂਡ ਕਰ ਦਿੱਤੀ।
ਜੋਕਿ ਦੂਸਰੇ ਜ਼ਿਲ੍ਹੇ ਦੀ ਸੀ ਅਤੇ ਮੈਂ ਉਸ ਲੋਕੇਸ਼ਨ ਦਾ ਪਤਾ ਲਗਾਉਂਦਿਆਂ ਅੰਮ੍ਰਿਤਸਰ ਰੂਲਰ ਸੈਲ ਤੇ ਲੋਕੇਸ਼ਨ ਨਾਲ ਲੱਗਦੀ ਚੌਂਕੀ ਦਾ ਨੰਬਰ ਲਿਆ ਜੋਕਿ ਰਈਏ ਦੇ ਚੌਂਕੀ ਇੰਨਚਾਰਜ ਹਰਦੀਪ ਸਿੰਘ ਦਾ ਸੀ। ਜਦ ਅਸੀਂ ਹਰਦੀਪ ਸਿੰਘ ਨੂੰ ਇਸ ਦੀ ਲੋਕੇਸ਼ਨ ਅਤੇ ਫੋਟੋ ਸੈਂਡ ਕੀਤੀ ਤਾਂ ਉਹਨਾਂ ਨੇ ਕੁਝ ਕੁ ਮਿੰਟਾਂ ਦੇ ਵਿੱਚ ਹੀ ਲੜਕੀ ਨੂੰ ਬਰਾਮਦ ਕਰ ਸਾਨੂੰ ਇਨਫੋਰਮੇਸ਼ਨ ਦਿੱਤੀ ਤਾਂ, ਅਸੀਂ ਘਰਦਿਆਂ ਦੀ ਇਤਲਾਹ ਦੇਣ ਉਪਰੰਤ 44 ਮਿੰਟਾਂ ਵਿੱਚ ਹੀ ਦੂਸਰੇ ਜ਼ਿਲ੍ਹੇ ਦੀ ਪੁਲਿਸ ਦੇ ਸਹਿਯੋਗ ਨਾਲ ਲੜਕੀ ਨੂੰ ਲੱਭ ਕੇ ਉਹਨਾਂ ਦੇ ਘਰਦਿਆਂ ਦੇ ਹਵਾਲੇ ਕੀਤਾ। ਇਸ ਮੌਕੇ ਲੜਕੀ ਦੇ ਪਰਿਵਾਰਕ ਮੈਂਬਰਾਂ ਨੇ ਥਾਣਾ ਮੁਖੀ ਪ੍ਰਭਾਵੀ ਵੀ ਬੁੱਲੋਵਾਲ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ। ਥਾਣਾ ਮੁਖੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕੀ ਗੁੰਮ ਹੋਈ ਲੜਕੀ ਦੇ ਲੱਭਣ ਵਿੱਚ ਦੂਸਰੇ ਜਿਲ੍ਹੇ ਦੀ ਪੁਲਿਸ ਦਾ ਵੀ ਬਹੁਤ ਵੱਡਾ ਸਹਿਯੋਗ ਹੈ।
