ਕਪੂਰਥਲਾ (ਦ ਸਟੈਲਰ ਨਿਊਜ਼), ਗੌਰਵ ਮੜੀਆ। ਵਿਰਾਸਤ ਸ਼ਹਿਰ ਵਿੱਚ ਮੰਗਲਵਾਰ ਨੂੰ ਵਿਸ਼ਵ ਹਿੰਦੂ ਪ੍ਰੀਸ਼ਦ ਅਤੇ ਬਜਰੰਗ ਦਲ ਦੇ ਵਰਕਰਾਂ ਵੱਲੋਂ ਆਪੋ-ਆਪਣੇ ਘਰਾਂ ਵਿੱਚ ਨਵਰਾਤਰੀ ਅਸ਼ਟਮੀ ਦਾ ਤਿਉਹਾਰ ਧੂਮਧਾਮ ਨਾਲ ਮਨਾਇਆ ਗਿਆ।ਵਰਕਰਾਂ ਨੇ ਮਾਂ ਮਹਾਗੌਰੀ ਅਤੇ ਸਿੱਧੀਦਾਤਰੀ ਦੇ ਸਰੂਪ ਦੀ ਪੂਜਾ ਕੀਤੀ ਅਤੇ ਕੰਨਿਆ ਪੂਜਾ ਕਰਕੇ ਬੇਟੀਆਂ ਦੀ ਸੁਰੱਖਿਆ ਦਾ ਪ੍ਰਣ ਲਿਆ।ਇਸ ਦੌਰਾਨ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੇ ਜਲੰਧਰ ਵਿਭਾਗ ਦੇ ਪ੍ਰਧਾਨ ਨਰੇਸ਼ ਪੰਡਿਤ ਨੇ ਆਪਣੇ ਗ੍ਰਹਿ ਵਿਖੇ ਪਰਿਵਾਰ ਸਮੇਤ ਕੰਜਕਾਂ ਨੂੰ ਘਰ ਬੁਲਾਇਆ ਅਤੇ ਉਨ੍ਹਾਂ ਨੂੰ ਭੋਜਨ ਕਰਵਾਇਆ ।ਇਸ ਰੀ ਪਹਿਲਾ ਸਾਰੀਆਂ ਕੰਜਕਾ ਦੇ ਜਲ ਨਾਲ ਪੈਰ ਧੋ ਕੇ ਉਨ੍ਹਾਂਦੇ ਮੱਥੇ ਤੇ ਤਿਲਕ ਲਗਾਇਆ।ਬਾਅਦ ਵਿੱਚ ਸਾਰੀਆਂ ਕੰਜਕਾ ਨੂੰ ਹਲਵਾ ਅਤੇ ਪੁਰੀ ਦਾ ਭੋਜਨ ਕਰਵਾ ਕੇ ਉਨ੍ਹਾਂਦਾ ਅਸ਼ੀਰਵਾਦ ਲਿਆ ਗਿਆ।ਇਸ ਤੋਂ ਬਾਅਦ ਸਾਰੀਆਂ ਕੰਜਕਾਂ ਨੂੰ ਤੋਹਫੇ ਦਿੱਤੇ ਗਏ।ਇਸ ਮੌਕੇ ਨਰੇਸ਼ ਪੰਡਿਤ ਨੇ ਕਿਹਾ ਕਿ ਅੱਜ ਦੇਸ਼ ਭਰ ਚ ਮਾਤਰਾਣੀ ਦੀ ਪੂਜਾ ਕੀਤੀ ਜਾ ਰਹੀ ਹੈ ਅਤੇ ਭਗਤਮਈ ਮਾਹੌਲ ਹੈ।
ਅੱਜ ਕੰਜਲਾ ਬਿਠਾਇਆ ਜਾਂਦੀਆ ਹਨ ਅਤੇ ਉਨ੍ਹਾਂਨੂੰ ਭੋਗ ਲਗਾਇਆ ਜਾਂਦਾ ਹੈ ਅਤੇ ਲੋਕ ਕੰਜਕ ਪੂਜਾ ਵੀ ਕਰਦੇ ਹਨ, ਪਰ ਅੱਜ ਸਾਨੂੰ ਧੀਆਂ ਨੂੰ ਪੂਜਣ ਦੇ ਨਾਲ-ਨਾਲ ਮਜ਼ਬੂਤ ਅਤੇ ਸ਼ਕਤੀਸ਼ਾਲੀ ਬਣਾਉਣਾ ਵੀ ਜਰੂਰੀ ਹੈ।ਇਸ ਦੀ ਸ਼ੁਰੂਆਤ ਸਾਨੂੰ ਆਪਣੇ ਘਰ ਅਤੇ ਆਲੇ-ਦੁਆਲੇ ਤੋਂ ਕਰਨੀ ਚਾਹੀਦੀ ਹੈ। ਧੀਆਂ ਨੂੰ ਅੱਗੇ ਵਧਣ ਅਤੇ ਸਿਹਤਮੰਦ ਸਰੀਰ ਦੇਣ ਵਿੱਚ ਮਦਦ ਕਰੋ। ਧੀਆਂ ਨੂੰ ਦੇਵੀ ਦਾ ਰੂਪ ਕਿਹਾ ਜਾਂਦਾ ਹੈ,ਅਤੇ ਉਨ੍ਹਾਂਦੀ ਪੂਜਾ ਕੀਤੀ ਜਾਂਦੀ ਹੈ,ਪਰ ਹੁਣ ਧੀਆਂ ਨੂੰ ਪੂਜਣ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਸਸ਼ਕਤ ਬਣਾਉਣ ਦੀ ਲੋੜ ਹੈ।ਕੁੜੀਆਂ ਨਾਲ ਬਲਾਤਕਾਰ ਅਤੇ ਛੇੜਛਾੜ ਦੀਆਂ ਨਾ ਜਾਣੇ ਕਿੰਨੀਆਂ ਘਟਨਾਵਾਂ ਹੁੰਦੀਆਂ ਹਨ।ਹਾਲ ਹੀ ਵਿੱਚ ਪੰਜਾਬ ਦੇ ਨਾਭਾ ਦੇ ਇੱਕ ਕਾਲਜ ਵਿੱਚ ਵਾਪਰੀ ਇੱਕ ਘਟਨਾ ਨੇ ਸਭ ਨੂੰ ਹਿਲਾ ਕੇ ਰੱਖ ਦਿੱਤਾ। ਅਜਿਹੇ ਚ ਲੋੜ ਹੈ ਲੜਕੀਆਂ ਨੂੰ ਸਵੈ-ਰੱਖਿਆ ਬਲਵਾਨ ਤੇ ਮਜਬੂਤ ਬਣਾਓ, ਉਨ੍ਹਾਂ ਨੂੰ ਸਵੈ-ਰੱਖਿਆ ਕਰਨਾ ਸਿਖਾਓ ਅਤੇ ਲੋੜ ਪੈਣ ਤੇ ਇਸ ਦੀ ਸਹੀ ਵਰਤੋਂ ਕਰਨਾ ਸਿਖਾਓ।
ਨਰੇਸ਼ ਪੰਡਿਤ ਨੇ ਕਿਹਾ ਕਿ ਅਸਲੀ ਕੰਨਿਆ ਪੂਜਣ ਇਹੀ ਹੈ ਕਿ ਤੁਸੀਂ ਲੜਕੀਆਂ ਨੂੰ ਖੁੱਲ੍ਹ ਕੇ ਰਹਿਣ ਦੀ ਆਜ਼ਾਦੀ ਦਿਓ, ਉਨ੍ਹਾਂ ਨੂੰ ਕੀ ਪਹਿਨਣਾ ਹੈ,ਕੀ ਖਾਣਾ ਚਾਹੀਦਾ ਹੈ, ਅਜਿਹਾ ਮਾਹੌਲ ਪ੍ਰਦਾਨ ਕਰੋ ਕਿ ਬੇਟੀਆਂ ਤੁਹਾਡੇ ਨਾਲ ਖੁੱਲ੍ਹ ਕੇ ਗੱਲ ਕਰ ਸਕਣ,ਧੀਆਂ ਨੂੰ ਉਨ੍ਹਾਂ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਵਿੱਚ ਮਦਤ ਕਰੋ।ਧੀਆਂ ਨੂੰ ਅੱਗੇ ਵਧਾਉਣ ਅਤੇ ਹਰ ਕੰਮ ਵਿੱਚ ਭਾਗੀਦਾਰ ਬਣੋ।