ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਜੂਨੀਅਰ ਇੰਜੀਨੀਅਰ (ਆਰ) ਜੇ.ਡੀ.ਏ. ਜਲੰਧਰ ਜਗਬੀਰ ਸਿੰਘ ਨੇ ਦੱਸਿਆ ਕਿ ਜ਼ਿਲਾ ਹੁਸ਼ਿਆਰਪੁਰ ਅਧੀਨ ਚੱਲ ਰਹੀਆਂ ਅਣ ਅਧਿਕਾਰਤ ਉਸਾਰੀਆਂ ਨੂੰ ਠੱਲ ਪਾਉਣ ਲਈ ਅੱਜ ਵਧੀਕ ਮੁੱਖ ਪ੍ਰਸ਼ਾਸਕ ਜੇ.ਡੀ.ਏ. ਅਨੁਪਮ ਕਲੇਰ ਦੇ ਹੁਕਮਾਂ ‘ਤੇ ਬਜਵਾੜਾ-ਊਨਾ ਰੋਡ, ਪਿੰਡ ਬਸੀ, ਰਾਜਪੁਰ ਭਾਈਆਂ ਅਤੇ ਪਿੰਡ ਖਨੌੜਾ ਵਿਖੇ 4 ਅਣ ਅਧਿਕਾਰਤ ਕਲੋਨੀਆਂ ਨੂੰ ਤੋੜਿਆ ਗਿਆ ਹੈ।
ਉਹਨਾਂ ਆਮ ਜਨਤਾ ਨੂੰ ਅਪੀਲ ਕੀਤੀ ਕਿ ਉਹ ਇਸ ਸਬੰਧ ਵਿੱਚ ਜਾਗਰੂਕ ਹੋਣ ਅਤੇ ਪੁੱਡਾ ਵਿਭਾਗ ਦੀ ਐਨ.ਓ.ਸੀ. ਤੋਂ ਬਿਨਾਂ ਪ੍ਰਾਪਤ ਪਲਾਟਾਂ ਦੀ ਖਰੀਦਦਾਰੀ ਨਾ ਕੀਤੀ ਜਾਵੇ ਅਤੇ ਨਾ ਹੀ ਅਣ ਅਧਿਕਾਰਤ ਕਲੋਨੀਆਂ ਵਿੱਚ ਪਲਾਟਾਂ ਦੀ ਰਜਿਸਟਰੀ ਕਰਵਾਈ ਜਾਵੇ।