ਗੜਸ਼ੰਕਰ (ਦ ਸਟੈਲਰ ਨਿਊਜ਼), ਰਿਪੋਰਟ- ਹਰਦੀਪ ਚੌਹਾਨ। ਅੱਜ ਇੱਥੇ ਸਰਕਾਰੀ ਮਿਡਲ ਸਕੂਲ ਗੁਰੂ ਵਿਖੇ ਅੰਤਰਰਾਸ਼ਟਰੀ ਮਹਿਲਾ ਦਿਹਾੜਾ ਵਿਦਿਆਰਥੀਆਂ ਅਤੇ ਸਟਾਫ ਵੱਲੋਂ ਮਨਾਇਆ ਗਿਆ ਇਸ ਪ੍ਰੋਗਰਾਮ ਪ੍ਰਧਾਨਗੀ ਸਕੂਲ ਮੁਖੀ ਮੁਕੇਸ਼ ਕੁਮਾਰ, ਭਾਰਤ ਜਿਉਤੀ, ਸੁਨੀਤਾ ਰਾਣੀ ਕਮੇਟੀ ਚੇਅਰਪਰਸਨ ਪ੍ਰਵੀਨ ਕੌਰ ਨੇ ਕੀਤੀ। ਵਿਦਿਆਰਥੀਆਂ ਨੂੰ ਤੇ ਮਾਪਿਆਂ ਨੂੰ ਸੰਬੋਧਨ ਕਰਦਿਆਂ ਹੋਇਆਂ ਮੁਕੇਸ਼ ਕੁਮਾਰ ਨੇ ਦੱਸਿਆ ਕਿ ਅੱਜ ਦਾ ਦਿਹਾੜਾ ਪੂਰੀ ਦੁਨੀਆਂ ਦੇ ਵਿੱਚ ਔਰਤ ਦਿਵਸ ਦੇ ਤੌਰ ਤੇ ਮਨਾਇਆ ਜਾਂਦਾ ਹੈ ਅੱਜ ਦਾ ਦਿਹਾੜਾ ਔਰਤਾਂ ਦੇ ਲਈ ਇਤਿਹਾਸਕ ਅਤੇ ਪ੍ਰੇਰਨਾ ਯੋਗ ਹੈ।
ਔਰਤਾਂ ਨੂੰ ਜਥੇਬੰਦ ਹੋ ਕੇ ਪ੍ਰਚੱਲਤ ਰੂੜੀਆਂ ਦੇ ਅਤੇ ਉਹਨਾਂ ਨਾਲ ਹੋ ਰਹੇ ਸਮਾਜਿਕ ਸ਼ੋਸ਼ਣ ਦੇ ਖਿਲਾਫ ਸ਼ੰਘਰਸ਼ ਕਰਨਾ ਚਾਹੀਦਾ ਹੈ ਇਸ ਸਮੇਂ ਬੱਚਿਆਂ ਨੂੰ ਸੰਬੋਧਨ ਕਰਦਿਆਂ ਹੋਇਆਂ ਮੈਡਮ ਸੁਨੀਤਾ ਰਾਣੀ ਤੇ ਬਲਜਿੰਦਰ ਕੌਰ ਨੇ ਲੜਕੀਆਂ ਦੀ ਪੜਾਈ ਦੀ ਮਹੱਤਤਾ ਵਾਰੇ ਕਿਹਾ ਕਿ ਪੜੀ ਲਿਖੀ ਮਾਂ ਬੱਚੇ ਲਈ ਯੂਨੀਵਰਸਿਟੀ ਹੁੰਦੀ ਹੈ।
ਉੱਥੇ ਔਰਤਾਂ ਨੂੰ ਸਵਿਤਰੀ ਬਾਈ ਫੂਲੇ, ਲਕਸ਼ਮੀ ਬਾਈ ,ਕਲਪਨਾ ਚਾਵਲਾ ਅਤੇ ਸੁਨੀਤਾ ਵਿਲੀਅਮ ਤੋਂ ਪ੍ਰੇਰਨਾ ਲੈ ਕੇ ਆਪਣਾ ਜੀਵਨ ਜੀਣਾ ਚਾਹੀਦਾ ਹੈ ਇਸ ਸਮੇਂ ਮਿੱਟੀ ਚੇਅਰਪਰਸਨ ਪ੍ਰਵੀਨ ਕੌਰ ਭਾਰਤ ਜਿਉਤੀ ਰੁਮਿੰਦਰ ਕੁਮਾਰ ਵਿਰਮਾਨੀ ਆਦਿ ਨੇ ਵੀ ਬੱਚਿਆਂ ਨੂੰ ਸੰਬੋਧਨ ਕੀਤਾ ।