ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਪਰਿਵਾਰ ਨਿਯੋਜਨ ਦੇ ਪੱਕੇ ਤਰੀਕਿਆ ਨੂੰ ਮਰਦਾ ਵਿੱਚ ਪ੍ਰਫੁਲਿਤ ਕਰਨ ਵੱਜੋ ਸਿਹਤ ਵਿਭਾਗ ਕੌਮੀ ਨਸਬੰਦੀ ਪੰਦਰਵਾੜਾ ਮਨਾ ਰਿਹਾ ਹੈ ਜੋ 4 ਦਸੰਬਰ ਤੱਕ ਚਲੇਗਾ। ਇਸੇ ਸਬੰਧ ਵਿੱਚ ਸਿਵਲ ਸਰਜਨ ਡਾ ਜਸਬੀਰ ਸਿੰਘ ਦੀਆਂ ਹਦਾਇਤਾਂ ਮੁਤਾਬਿਕ ਜਿਲਾ ਪਰਿਵਾਰ ਭਲਾਈ ਅਫਸਰ ਡਾ ਰਜਿੰਦਰ ਰਾਜ ਦੀ ਪ੍ਰਧਾਨਗੀ ਹੇਠ ਜਿਲੇ ਦੇ ਸਮੂਹ ਬਲਾਕਾ ਦੇ ਹੈਲਥ ਐਜੂਕੇਟਰ ਅਤੇ ਸ਼ਹਿਰੀ ਖੇਤਰ ਨਾਲ ਸਬੰਧਿਤ ਮੈਡੀਕਲ ਅਫਸਰਾਂ ਦੀ ਵਿਸ਼ੇਸ ਮੀਟਿੰਗ ਦਫਤਰ ਸਿਵਲ ਸਰਜਨ ਵਿਖੇ ਹੋਈ ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਡਾ ਰਜਿੰਦਰ ਰਾਜ ਨੇ ਦੱਸਿਆ ਕਿ 28 ਨਵੰਬਰ ਤੋਂ 4 ਦਸੰਬਰ 2020 ਤੱਕ ਜਿਲਾ ਹਸਪਤਾਲ , ਸਬ ਡਿਵੀਜਨ ਹਸਪਤਾਲ ਤੇ ਚੋਣਵੇ ਸਮੁਦਾਇਕ ਸਿਹਤ ਕੇਦਰਾਂ ਵਿੱਚ ਪਰਿਵਾਰ ਨਿਯੋਜਨ ਦੀਆਂ ਸਾਰੀਆਂ ਸੇਵਾਵਾਂ ਮੁੱਫਤ ਦਿਤੀਆ ਜਾਣਗੀਆਂ ਤੇ ਨਸਬੰਦੀ ਕਰਵਾਉਣ ਵਾਸਤੇ ਤਰਜੀਹ ਦਿੱਤੀ ਜਾਵੇਗੀ । ਦੇਸ਼ ਦੀ ਵੱਧਦੀ ਅਬਾਦੀ ਨੂੰ ਕਾਬੂ ਹੇਠ ਰੱਖਣ ਲਈ ਪਰਿਵਾਰ ਨਿਯੋਜਨ ਦਾ ਅਹਿਮ ਰੋਲ ਹੈ ਅਤੇ ਵਧਦੀ ਅਬਾਦੀ ਦੇਸ਼ ਦੇ ਵਿਕਾਸ ਵਿੱਚ ਰੁਕਾਵਟ ਦਾ ਕਾਰਨ ਬਣਦੀ ਹੈ । ਜਿਲਾ ਟੀਕਾਕਰਨ ਅਫਸਰ ਡਾ ਗੁਰਦੀਪ ਸਿੰਘ ਕਪੂਰ ਵੱਲੋਂ ਮਿਸ਼ਨ ਪੰਜਾਬ ਫਹਿਤੇ ਤਹਿਤ ਲੋਕ ਸਾਝੇਦਾਰੀ ਮਹਿੰਮ ਅਤੇ ਕੋਵਿਡ ਕਾਲ ਵਿੱਚ ਲੋਕਾਂ ਅੰਦਰ ਇਸ ਤੋ ਬਚਾਉ ਲਈ ਜਾਗਰੂਕਤਾ ਪੈਦਾ ਕਰਨ ਲਈ ਲੋੜ ਬਾਰੇ ਦੱਸਿਆ । ਇਸ ਮੀਟਿੰਗ ਵਿੱਚ ਜਿਲਾ ਮਾਸ ਮੀਡੀਆ ਅਫਸਰ ਪਰਸ਼ੋਤਮ ਲਾਲ ਅਤੇ ਡੀ ਪੀ ਐਮ ਮਹੰਮਦ ਆਸਿਫ ਨੇ ਵੀ ਸਬੋਧਨ ਕੀਤਾ ।