ਜੰਮੂ ਕਸ਼ਮੀਰ (ਦ ਸਟੈਲਰ ਨਿਊਜ਼)। ਜੰਮੂ ਕਸ਼ਮੀਰ ਦੇ ਪੁੰਛ ਜ਼ਿਲੇ ਵਿੱਚ ਅੱਤਵਾਦੀਆਂ ਵੱਲੋਂ ਹੋਏ ਮੁਕਾਬਲੇ ਦੋਰਾਨ ਭਾਰਤ ਦੇਸ਼ ਦੇ 5 ਜਵਾਨਾਂ ਨੇ ਆਪਣੀ ਸ਼ਹਾਦਤ ਦੇ ਦਿੱਤੀ ਹੈ। ਜਿਹਨਾਂ ਵਿੱਚੋਂ 3 ਪੰਜਾਬ ਦੇ ਫੌਜ ਸੈਨਿਕ ਸ਼ਾਮਿਲ ਸਨ। ਸ਼ਹੀਦ ਹੋਏ ਸੈਨਿਕਾਂ ਵਿੱਚੋਂ ਇੱਕ ਸੈਨਿਕ ਨੂਰਪੁਰ ਬੇਦੀ ਬਲਾਕ ਦੇ ਪਿੰਡ ਪਚਰੰਡਾ ਦਾ ਸੈਨਿਕ ਗੱਜਣ ਸਿੰਘ ਸ਼ਾਮਿਲ ਹੈ। ਜੋ ਕਿ 16 ਆਰ. ਆਰ. ਰੈੰਜੀਮੈਟ ਵਿੱਚ ਪੁੰਛ ਵਿਖੇ ਤਾਇਨਾਤ ਸਨ। ਗੱਜਣ ਸਿੰਘ ਦਾ ਵਿਆਹ ਫਰਵਰੀ 2021 ਵਿੱਚ ਹੋਇਆ ਸੀ।
ਇਸਤੋਂ ਇਲਾਵਾ ਦੂਸਰਾ ਜਵਾਨ ਫੌਜੀ ਮਨਦੀਪ ਜੋ ਕਿ ਜ਼ਿਲਾ ਗੁਰਦਾਸਪੁਰ ਦੇ ਪਿੰਡ ਚੱਠਾ ਸੀੜਾ ਦਾ ਵਾਸੀ ਸੀ। ਮਨਦੀਪ 10 ਸਾਲ ਪਹਿਲਾ ਫੌਜ ਵਿੱਚ ਭਰਤੀ ਹੋਇਆ ਸੀ। ਇਸਤੋਂ ਇਲਾਵਾ ਜ਼ਿਲਾ ਕਪੂਰਥਲਾ ਦਾ ਫੌਜੀ ਜਵਾਨ ਜੋ ਕਿ ਇਸ ਜੰਗ ਦੋਰਾਨ ਸ਼ਹੀਦ ਹੋ ਗਿਆ। ਰੱਖਿਆ ਮੰਤਰਾਲੇ ਨੇ ਦੱਸਿਆ ਕਿ ਅੱਤਵਾਦੀਆਂ ਨੇ ਅਚਾਨਕ ਹੀ ਸੁਰੱਖਿਆਂ ਬਲਾਂ ਉੱਤੇ ਗੋਲੀਆਂ ਚਲਾ ਦਿੱਤੀਆਂ। ਮੌਕੇ ਤੇ ਇਹਨਾਂ ਜਵਾਨਾਂ ਨੂੰ ਹਸਪਤਾਲ ਲਿਜਾਇਆਂ ਗਿਆ, ਪਰ ਉਹਨਾਂ ਦੀ ਹਸਪਤਾਲ ਵਿੱਚ ਮੌਤ ਹੋ ਗਈ ।