ਕਪੂਰਥਲਾ(ਦ ਸਟੈਲਰ ਨਿਊਜ਼), ਰਿਪੋਰਟ- ਗੌਰਵ ਮੜੀਆ। ਸ਼ਾਲੀਮਾਰ ਐਵੇਨਿਊ ਵੈਲਫੇਅਰ ਸੋਸਾਇਟੀ ਦੀ ਮਹੀਨਾਵਰ ਮੀਟਿੰਗ ਬੀਤੇ ਦਿਨੀ ਨੇਪੜੇ ਚੜੀ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਪ੍ਰਧਾਨ ਰਾਕੇਸ਼ ਸ਼ਰਮਾ ਨੇ ਆਏ ਹੋਏ ਸੋਸਾਇਟੀ ਦੇ ਅਹੁਦੇਦਾਰਾਂ ਤੇ ਮੇਮ੍ਬਰਾਂ ਨਾਲ ਵਿਚਾਰ ਕਰਦਿਆਂ ਕਿਹਾ ਕਿ ਸਾਡੀ ਸੋਸਾਇਟੀ ਦਾ ਮੁਖ ਮਕਸਦ ਕਾਲੋਨੀ ਵਿਚ ਸਮੇ ਸਮੇ ਤੇ ਲੋਕਾਂ ਨੂੰ ਆ ਰਹੀਆਂ ਦਿੱਕਤ ਪਰੇਸ਼ਾਨੀਆਂ ਨੂੰ ਦੂਰ ਕਰਨਾ ਹੈ ਪੀਣ ਵਾਲੇ ਪਾਣੀ ਦੀ ਸੱਮਸਿਆ ਨੂੰ ਲੈਕੇ ਪਿਛਲੇ ਦਿਨਾਂ ਵਿੱਚ ਕੌਂਸਲਰ ਵੀਨਾ ਸਲਵਾਨ ਤੇ ਦੀਪਕ ਸਲਵਾਨ ਦੇ ਯਤਨਾਂ ਸਦਕਾ ਪਾਣੀ ਦੀ ਮੋਟਰ ਲੱਗ ਚੁੱਕੀ ਹੈ। ਪ੍ਰੰਤੂ ਨਗਰ ਨਿਗਮ ਤੇ ਬਿਜਲੀ ਮਹਿਕਮੇ ਦੀ ਆਪਸੀ ਤਾਲਮੇਲ ਚ ਕਮੀ ਹੋਣ ਕਰਕੇ ਪਿਛਲੇ ੨ ਕੁ ਮਹੀਨਿਆਂ ਤੋਂ ਬਿਜਲੀ ਦਾ ਕੁਨੈਕਸ਼ਨ ਨਹੀਂ ਲਗ ਸਕਿਆ ਜਿਸ ਕਰਨ ਮੋਟਰ ਨਹੀਂ ਚੱਲ ਪਾ ਰਹੀ ਜੇਕਰ ਮੋਟਰ ਚੱਲ ਪੈਂਦੀ ਹੈ ਤੇ ਕਲੋਨੀ ਵਾਸੀਆਂ ਨੂੰ ਪਾਣੀ ਦੀ ਸਪਲਾਈ ਤੇਜ਼ ਆਊਗੀ ਤੇ ਬਿਨਾ ਟੁੱਲੂ ਪੰਪ ਤੋਂ ਘਰਾਂ ਵਿਚ ਵਾਟਰ ਸਪਲਾਈ ਦਾ ਪ੍ਰੈਸ਼ਰ ਤੇਜ਼ ਆਵੇਗਾ।
ਆਉਣ ਵਾਲੇ ਜੂਨ ਤੇ ਜੁਲਾਈ ਮਹੀਨੇ ਵਿੱਚ ਪਾਣੀ ਦੀ ਮੰਗ ਵੀ ਜ਼ਿਆਦਾ ਹੁੰਦੀ ਹੈ ਤੇ ਗਰਮੀ ਦਾ ਪ੍ਰਕੋਪ ਵੀ ਵੱਧ ਚੜ ਰਿਹਾ ਹੈ ਇਸ ਲਈ ਸਾਡਾ ਪਹਿਲ ਦੇ ਅਧਾਰ ਤੇ ਇਹ ਕੰਮ ਹੋਵੇਗਾ ਕਿ ਬਿਜਲੀ ਦਾ ਕੁਨੈਕਸ਼ਨ ਦਿਵਾਕੇ ਪਾਣੀ ਵਾਲੀ ਮੋਟਰ ਸ਼ੁਰੂ ਕਰ ਦਿੱਤੀ ਜਾਏ ਇਸ ਤੋਂ ਬਾਦ ਸਫਾਈ ਪ੍ਰਬੰਧਾਂ ਬਾਰੇ ਵੀ ਗੱਲ ਬਾਤ ਕੀਤੀ ਗਈ ਮੀਟਿੰਗ ਦੌਰਾਨ ਸੋਸਾਇਟੀ ਦੇ ਪੁਰਾਣੇ ਚੇਅਰਮੈਨ ਤੇ ਕਾਲੋਨੀ ਦੇ ਸੀਨੀਅਰ ਸਿਟੀਜਨ ਕੇ ਕੇ ਮਲਹੋਤਰਾ ਦੇ ਦੇਹਾਂਤ ਤੇ ਸਾਰੀ ਸੋਸਾਇਟੀ ਵਲੋਂ ਦੁੱਖ ਪ੍ਰਗਟ ਕੀਤਾ ਗਿਆ ਤੇ ਓਹਨਾ ਦੀ ਆਤਮਾ ਦੀ ਸ਼ਾਂਤੀ ਲਈ ਦੋ ਮਿੰਟ ਦਾ ਮੋਨ ਰੱਖਕੇ ਓਹਨਾ ਨੂੰ ਸ਼ਰਧਾਂਜਲੀ ਦਿਤੀ ਗਈ। ਇਸ ਮੌਕੇ ਪੰਡਤ ਸਰਦਾਰੀ ਲਾਲ,ਜੀ ਐਸ ਬੰਨੂ ,ਮਾਸਟਰ ਨਰੇਸ਼ ਕੁਮਾਰ ,ਵਿਨੋਦ ਅੱਗਰਵਾਲ,ਰੁਪਿੰਦਰ ਦੱਤ,ਜਸਵਿੰਦਰ ਸਿੰਘ,ਨਰਿੰਦਰ ਸਿੰਘ ਠਾਕੁਰ,ਸ਼ਸ਼ੀ ਸ਼ਰਮਾ,ਅਰਜੁਨ ਕੁਮਾਰ,ਨਿਤਿਨ ਅੱਗਰਵਾਲ,ਅਮਨ ਬਜਾਜ,ਪਮ ਖੁਸ਼,ਡਾ ਸੰਜੀਵ ਸ਼ਰਮਾਂ ਆਦਿ ਹਾਜ਼ਿਰ ਹੋਏ
