ਹਰਿਆਣਾ (ਦ ਸਟੈਲਰ ਨਿਊਜ਼)। ਹਰਿਆਣਾ ਦੇ ਪਾਣੀਪਤ ਦੇ ਪਿੰਡ ਉਝਾ ਦਾ ਰਹਿਣ ਵਾਲਾ ਇੱਕ ਨੌਜਵਾਨ ਯਮੁਨਾ ਵਿੱਚ ਡੁੱਬ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਹਰਸ਼, ਨਿਸ਼ਾਂਤ ਤੇ 4-5 ਹੋਰ ਦੋਸਤ ਮਿਲ ਕੇ ਯਮੁਨਾ ਨਹਾਉਣ ਗਏ ਹੋਏ ਹਨ ਤੇ ਉਹ ਸਾਰੇ ਦੋਸਤ ਪਾਣੀਪਤ ਦੀ ਬਜਾਏ ਯੂਪੀ ਦੀ ਸਰਹੱਦ ਪਾਰ ਕਰ ਗਏ ਅਤੇ ਉੱਥੇ ਯਮੁਨਾ ਨਦੀ ਵਿੱਚ ਇਸ਼ਨਾਨ ਕਰਨ ਲੱਗੇ।
ਜਦੋਂ ਉਹ ਇਸ਼ਨਾਨ ਕਰ ਰਹੇ ਸਨ ਤਾਂ ਅਚਾਨਕ ਨਿਸ਼ਾਂਤ ਅਤੇ ਇੱਕ ਹੋਰ ਨੌਜਵਾਨ ਪਾਣੀ ਦੇ ਵਿਚਕਾਰ ਚਲੇ ਗਏ। ਜਿੱਥੇ ਕਿ ਡੂੰਘਾਈ ਹੋਣ ਕਾਰਨ ਦੋਵੇ ਸੰਤੁਲਨ ਗੁਆ ਬੈਠੇ, ਜਿਸ ਕਾਰਨ ਨਿਸ਼ਾਂਤ ਡੂੰਘੇ ਪਾਣੀ ਵਿੱਚ ਡੁੱਬ ਗਿਆ, ਪਰ ਉਸਦਾ ਦੋਸਤ ਬਚ ਗਿਆ। ਗੋਤਾਖੋਰਾਂ ਦੀਆਂ ਟੀਮਾਂ ਵੱਲੋਂ ਨਿਸ਼ਾਂਤ ਦੀ ਭਾਲ ਕੀਤੀ ਗਈ ਪਰ ਨਹੀਂ ਮਿਲਿਆ। ਕੁੱਝ ਸਮੇਂ ਬਾਅਦ ਆਕਸੀਜਨ ਸਿਲੰਡਰ ਵਾਲੇ ਗੋਤਾਖੋਰ ਦੀ ਮਦਦ ਨਾਲ ਨਿਸ਼ਾਂਤ ਨੂੰ ਬਾਹਰ ਕੱਢਿਆ ਗਿਆ, ਪਰ ਉਦੋਂ ਤੱਕ ਨਿਸ਼ਾਂਤ ਦੀ ਮੌਤ ਹੋ ਗਈ ਸੀ।