ਹੁਸ਼ਿਆਰਪੁਰ (ਦਾ ਸਟੈਲਰ ਨਿਊਜ਼)। ਭਾਜਪਾ ਦੇ ਸੀਨੀਅਰ ਆਗੂ ਰਹੇ ਅਤੇ ਛੱਤੀਸਗੜ ਦੇ ਮੌਜੂਦਾ ਗਵਰਨਰ ਬਲਰਾਮਜੀਦਾਸ ਟੰਡਨ ਦਾ ਅੱਜ ਦਿਹਾਂਤ ਹੋ ਜਾਣ ਤੇ ਸਾਰੇ ਭਾਜਪਾ ਕਾਰਜਕਾਰਤਾਵਾਂ ਵਿੱਚ ਦੁੱਖ ਅਤੇ ਸ਼ੌਕ ਦੀ ਲਹਿਰ ਫੈਲ ਗਈ ਹੈ। ਭਾਜਪਾ ਦੇ ਜਿਲਾ ਪ੍ਰਧਾਨ ਵਿਜੇ ਪਠਾਨੀਆਂ ਦੀ ਅਗਵਾਈ ਵਿੱਚ ਭਾਜਪਾ ਦਫ਼ਤਰ ਵਿਖੇ ਹੋਈ ਇੱਕ ਮੀਟਿੰਗ ਵਿੱਚ ਬਲਰਾਮਜੀਦਾਸ ਟੰਡਨ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਗਏ।
ਇਸ ਮੌਕੇ ਤੇ ਬੋਲਦਿਆਂ ਸਾਬਕਾ ਕੈਬਨਿਟ ਮੰਤਰੀ ਤਿਕਸ਼ਨ ਸੂਦ ਨੇ ਕਿਹਾ ਕਿ ਟੰਡਨ ਨੇ ਆਪਣਾ ਸਾਰਾ ਜੀਵਨ ਪਾਰਟੀ ਦੀ ਸੇਵਾ ਅਤੇ ਲੋਕ ਹਿੱਤ ਦੇ ਕੰਮਾਂ ਵਿੱਚ ਲਗਾਇਆ ਅਤੇ ਕਈ ਵਾਰ ਜੇਲਾਂ ਵੀ ਕੱਟੀਆਂ ਉਹ ਸੰਘ ਦੇ ਪ੍ਰਚਾਰਕ ਵੀ ਰਹੇ ਅਤੇ ਭਾਜਪਾ ਨੂੰ ਪੰਜਾਬ ਵਿੱਚ ਮਜਬੂਤ ਕਰਨ ਲਈ ਬਹੁਤ ਘਾਲਣਾ ਘਾਲੀਆਂ ਅਤੇ ਉਹ ਵਰਕਰਾਂ ਵਾਸਤੇ ਚਾਨਣ ਮੁਨਾਰਾ ਸਨ। ਇਸ ਮੌਕੇ ਤੇ ਸਮੂਹ ਭਾਜਪਾ ਨੇਤਾਵਾਂ ਅਤੇ ਵਰਕਰਾਂ ਵੱਲੋਂ ਦੋ ਮਿੰਟ ਦਾ ਮੋਨ ਧਾਰਕੇ ਸਵਰਗਵਾਸੀ ਬਲਰਾਮ ਜੀ ਦਾਸ ਟੰਡਨ ਨੂੰ ਸ਼ਰਧਾਜਲੀ ਦਿੱਤੀ ਗਈ।
ਇਸ ਮੌਕੇ ਤੇ ਮੇਅਰ ਸ਼ਿਵ ਸੂਦ, ਸ਼ਤੀਸ਼ ਬਾਵਾ, ਨਿਤਨ ਗੁਪਤਾ ਨੱਨੂੰ, ਅਨੰਦਵੀਰ ਸਿੰਘ, ਵਿਨੋਦ ਪਰਮਾਰ, ਕ੍ਰਿਸ਼ਨ ਅਰੋੜਾ, ਸੁਰੇਸ਼ ਭਾਟੀਆ ਬਿੱਟੂ, ਯਸ਼ਪਾਲ ਸ਼ਰਮਾ, ਰਾਮਦੇਵ ਯਾਦਵ, ਅਮਰਜੀਤ ਲਾਡੀ, ਰਾਮੇਸ਼ ਠਾਕੁਰ ਅਤੇ ਸਮੂਹ ਕੌਂਸਲਰ ਵੀ ਇਸ ਸ਼ਰਧਾਜਲੀ ਸਮਾਗਮ ਵਿੱਚ ਹਾਜ਼ਰ ਸਨ।
