ਹੁਸ਼ਿਆਰਪੁਰ (ਦਾ ਸਟੈਲਰ ਨਿਊਜ਼),ਰਿਪੋਰਟ- ਗੁਰਜੀਤ ਸੋਨੂੰ। ਕੋਆਪ੍ਰੇਟਿਵ ਬੈਂਕ ਵਲੋਂ ਗ੍ਰਾਹਕਾਂ ਦੀ ਸੇਵਾ ਲਈ ਨਵੀਂ ਸਪੈਸ਼ਲ ਫਿਕਸਡ ਡਿਪਾਜ਼ਟ ਸਕੀਮ ਦੀ ਸ਼ੁਰੂ ਕੀਤੀ ਗਈ ਹੈ। ਬੈਂਕ ਦੇ ਮੈਨੇਜਿੰਗ ਡਾਇਰੈਕਟਰ ਅਮਨਪ੍ਰੀਤ ਸਿੰਘ ਬਰਾੜ ਅਤੇ ਜ਼ਿਲਾ ਮੈਨੇਜਰ ਗੁਰਬਖਸ਼ ਕੌਰ ਨੇ ਇਸ ਸਕੀਮ ਨੂੰ ਜਾਰੀ ਕੀਤਾ। ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਵਿੱਚ ਮੌਜੂਦ ਕੋਆਪ੍ਰੇਟਿਵ ਬੈਂਕ ਬਰਾਂਚ ਦੇ ਸ਼ਾਖਾ ਪ੍ਰਬੰਧਕ ਪਵਨ ਕੁਮਾਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਸਕੀਮ 15 ਸਤੰਬਰ 2018 ਤੱਕ ਜਾਰੀ ਰਹੇਗੀ।
ਉਹਨਾਂ ਦੱਸਿਆ ਕਿ ਕੋਈ ਵੀ ਗ੍ਰਾਹਕ ਬੈਂਕ ਵਿੱਚ ਆਪਣੀ ਅਮਾਨਤ 10 ਹਜ਼ਾਰ ਰੁਪਏ ਜਾਂ ਇਸ ਤੋਂ ਵੱਧ ਜਮਾਂ ਕਰਵਾ ਕੇ ਇਸ ਸਕੀਮ ਦਾ ਲਾਭ ਲੈ ਸਕਦਾ ਹੈ। ਉਹਨਾਂ ਦੱਸਿਆ ਕਿ ਇਸ ਸਕੀਮ ‘ਤੇ ਵਿਆਜ ਦੀ ਦਰ 7.30 ਪ੍ਰਤੀਸ਼ਤ ਸਾਲਾਨਾ ਕੰਪਾਉਡਿੰਗ ਹੋਵੇਗੀ। ਇਸ ਸਕੀਮ ਦਾ ਲਾਭ ਸੀਨੀਅਰ ਸਿਟੀਜਨ ਵੀ ਲੈ ਸਕਦੇ ਹਨ ਅਤੇ ਉਹਨਾਂ ਲਈ ਵਿਆਜ ਦੀ ਦਰ 7.80 ਪ੍ਰਤੀਸ਼ਤ ਸਾਲਾਨਾ ਕੰਪਾਉਡਿੰਗ ਹੋਵੇਗੀ, ਜੋ ਕਿ ਹੋਰ ਬੈਂਕਾਂ ਨਾਲੋਂ ਵੱਧ ਹੈ। ਇਸ ਮੌਕੇ ਗੁਰਵਿੰਦਰ ਕੌਰ, ਹਰਪ੍ਰੀਤਪਾਲ, ਪਲਵਿੰਦਰ ਸਿੰਘ ਅਤੇ ਧਨੀ ਰਾਮ ਵੀ ਮੌਜੂਦ ਸਨ।